ما سبب قلة انتشار الماكسيما الجديدة في شوارعنا

متخيل نفسي أبشتري ماكسيما جديدة

وأكتب ماكسيما 2016

وأطب على الموضوع :bigggrin:

بصرف نفسي على اي سيارة منافسة :bigggrin:




شكلها ماأعجبني في الصور وإلا الآن ماشفتها وتفحصتها عن قرب

بس شفتها في الليل من مسافة بعيدة شوي

اسود ومظلل أسود طالعة :xyxthumbs:

شفت وحده بالرياض

وشكلها معاق جدا

حقيقة ممكن ماكنت مركز

لكن مابعد شفت ولا وحدة قدامي بالرياض حتى الأن :c0214:

شفتها قبل فتره بسيطه عند العيسى رائعه بكل ماتحمله الكلمه من معنى
والغريب اني لقيتت فئة الاستاندر وكان فيها مواصفات حلوه منها شاشة النافيقيشن واللمبات اللي جوا بيضاء والتطريزات والجلود الموجوده في الداخليه فخمه

وفيها تقريبا 8 ايرباقات

اتوقع عدم انتشارها هو تواضع انتشار وكيلها الجديد + سمعة قير الـ CVT السيئه عند الكثيرين

لكن حاليا الوكيل بصدد افتتاح مركز كبير في جده - طريق المدينه خاص بنيسان واعتقد من نظرتي له انهم في اللمسات الاخيره وراح يفتح قبل رمضان

بالنسبة لي شفتها اكثر من الافالون الجديدة
نقطة مهمة :
الايام هذي مافيه سيارات جديدة 16 تمشي بالشوارع
الا ماندر باستثناء السيارات الصغيرة

والدليل ناظروا اللوحات من اول كل اسبوعين يطلع خط جديد
الايام هذي المبيعات في ركود وشوفوا عروض المعارض الكثيرة الايام هذي

سيارات 2016 سعرها ارخص من 2015 يوم نزلت

حتى الان ولحظة كتابة الرد

مازالت الماكسيما الجديده

غير منتشرة ابدا بشوارعنا


تشوف وحده ثنتين فقط



!!!

اعتقد اللي يبي لكزس او انفينتي وحاطها براسه

راح يتوجه لها مباشره

ماراح يشتري ماكسيما وبعدها يندم

شفتها عند اوتوستار من كم يوم الصراحه السياره حلوه وطويله وتصميها خيالي
ومسأله الاذواق تختلف بين الناس
وبالنسبه للقير مكتوب في موقع العيسى ان القير جديد وغير عن الموديل السابق
ومن ناحية الانتشار المنطقه الجنوبيه مافيها فرع للعيسى وللحين يسوي فيه من رمضان
يعني مستحيل احد يفكر يشتريها ووكيلها باقي مافتح
وفيه نقطه مهمه ورأي شخصي من اجمل السيارات اللي كرفتها واستمتعت فيها الماكس
4 سنوات خدمت معي وقلبي باقي يحن لها
عشان كذا اذا شفت الوكيل فتح واموره تمام يمكن ابيع الامبالا واشتري الماكس

اكثر فئة مظلومة هي فئة المكس والافالون والازيرا والامبالا والتوريس

السعر غالبا يكون عالي وتتحسف تاخذها لانك قربت لسعر الجنيسس والانفنتي والكزس

عشان كذا نية نيسان كسر هالعقدة بتخفيض السعر لنفس سعر الجيل السابق وهو 138 الف فقط

انا اقول سبب عدم انتشاراها هو سمعة الجيل السابق واعطال القير لحد الحين ما استوعبت الناس انه تم تلافي المشاكل

غالبا هالفئة يكون انتشاره ضعيف
اذا الافلون هي المتسيده بالمبيعات يالله تحصلها بالمنقاش

وخل ننتظر سنة لسنتين ونشوف

يظل الشكل مسألة ذوقية
الأسود ملك الألوان
لي موضوع قريباً إن شاء الله

تتوهم
المكسيما الجديده اطول من الالتيما السابقة والجديدة واطول من المكسيما السابقة
المكسيما الجديده اعرض من الالتيما السابقة والجديدة وبنفس عرض المكسيما السابقة
فقط الارتفاع هي الاقل من الجميع حيث انها انسيابية

شفتها وتوقعتها التيما الجديدة
حتى الالتيما الجيل السابق اكبر منها

لا اردي عن وضع السيارة في بلدان الخليج بشكل عام ولكن انتشار اي سياره يأخذ بعض الوقت والماكسيما في المنطقة الي اعيش فيها للتو بدأت بالظهور في الشوارع واتوقع مع مرور بعض الوقت سيتسع انتشارها .. خصوصاً انه لم يمر على طرح السياره في الاسواق سوى ثلاثة شهور ونيف تقريباً .. ويجب ان نأخذ وضع السوق والوضع الاقتصادي بشكل عام بالاعتبار

اما تصميم السياره فهو يعتمد على الذوق وليس لزاماً ان اعجبتني ان تعجب غيري او ان لم تعجبني ان لاتعجب ايضاً غيري

الجيل السابق من الماكسيما لقي الكثير من الانتقادات على تصميمه حين وصوله الاسواق ولكن كثيراً من هذه الاراء تغيرت تدريجياً .. اون تعجب احداً ولاتعجب الاخر فهذا امر طبيعي جداً

من اول وهلة الخلفية تصميم امريكي والواجهه تصميم الماني
وين الصناعة اليابانيه المفتخره بالموضوع لا أدري
مهجنة بإمتياز وليس لها ذوق خاص بها ...
شخصيتها مهزوزة ...
وشيء اخر هو ان العميل الان لديه خيارات افضل بكثير
وهذا يعطينا مدلول قوي على ان ذائقة العميل ترتقي مهما كانت عراقة السياره وتاريخها
بمعنى بالإمكان جدا جدا استبعادها تماماً في حال وجود البديل حتى لو كان متواضعاً ويؤدي الغرض ...

اللون الأسود يطلع جمالية السيارة
بسبب إنه يخفي أو يقلل من المنحوتات الزائدة

اللون له دوره في جذب واظهار ملامح السيارة

انا شفت السيارة عن قرب وحقيقة مدهشة بالتصميم بس السلفر ويمكن الوان ثانية ماتضبط عالسيارة

[

ايواه بالضبط
من بعيد تفكرها سنترا او سيارة ميستوبيشي ماعرف اسمها
أرجع و أقول من بعد التصميم السابق نيسان فشلت بهذا التصميم



MaxAmmo

أخيراً شفت الماكسيما الجديدة في جدة

من النظرة الأولى تعتقد ان الاعلام لعب دور كبير في اظهار السيارة بأنها الأفضل بالتصميم وغيرها
للأسف خلفية السيارة لم تكن بالمستوى المطلوب وظلمت من شركة نيسان
ممكن اللون اللي كان عليها ظالمها
لكن اللي يشوفها من بعيد يقول سنترا :smile: