السلام عليكم جميعا وصباح الخيرات
اخواني اواجه مشكلة في سيارتي واسردها في نقاط للتوضيح :
1- املك هيونداي سنتافي موديل 2008 ماشية 210000 كلم
2- واجهت مشكلة ظهور رائحة كربون تيجي وتروح وما اشمها الا اذا كنت داعس ووقفت وجيت انزل من السيارة اشمها يعني الريحة ما تدخل السيارة هي خارجية بالكامل وتكون مرات قوية جدا وحمضية ومرات خفيفة
3- مشكلة انطفاء السيارة فجأة ولكن ليس يوميا وعند محاولة تشغيلها تشتغل لكن لازم ادعس بنزين
4- بعد المشي عليها مسافات وخاصة عتد تشغيل المكيف في بعض الاوقات يقلب صوت السيارة والتعشيقات كنها لمبورجيني مع العلم اني اكون مو دايس بقوة ويوم اوقف واطفي السيارة وارجع لها بعد نص او ساعة كاملة واشغل rpm يقوم يطلع وينزل كذا مرة الين يثبت لحاله
5- وجود ثقل محسوس في السيارة عند القيادة مع احساس انه في ثقل في تغيرات الجير
6- فحصتها كذا مرة في مراكز متخصصة كمبيوتر واظهرت عدة اكواد متعلقة بحساسات سير التايمن وحساس الدعسة الثروتل وحساس الاكسجين ظهر مرة وحدة واختفى
7- الاصلاحات ... تغير سير التايمن مع حساسسين قالي المكيانيكي حق الزيت ولا اذكر اني غيرت حساس الكرنك ... تغير طرمبة بنزين كاملة ... تغير بواجي ...تغير فلتر الهواء... تغير الثروتل مع حساسه كاملا ولم اقم بتغير او تنظيف حساس الاكسجين لان الميكانيكي نسى وانا ايضا وتذكرته بعد فترة
8- مع ذلك ما زالت مشكلة الكربون وانطفاء السيارة واكرر السيارة كل تقريبا 5 الى 7 ايام تطفي مرة واحدة وبعدها تعمل طبيعي وما زالت مشكلة rpm في بعض الاوقات مثل ما اسلفت
الاسبوع الماضي دخلتها الوكالة ( الوعلان ) جلست 5 ايام وبعدين اعطوني تقرير ان كل شي تمام لكن لقوا تراب اظن عند القنوات المتصلة بالثروتل ونظفوها واستلمت السيارة وجلست معي يومين تمام وبعدين رجعت لنفس المشاكل انطفاء .. والثقل وصوت اللمبورجيني ورائحة الكربون
رجعت عندهم وجلست مع مدير الصيانه وفتحوا لها كرت جديد وادخلوها
تناقشت معه قال لازم المشكلة تظهر لاجل نقدر نحدد .. قلت له انا اقلكم ان المشاكل ذي تظهر وتختفي مو دايم وانتم على ما اعتقد لازم تفحصوا يدويا الحساسات و تنظفوها والكهربيات من توصيلات او اهواز يدويا وليس فقط كمبيوتر .. جلس يضحك ... فهمت على طول انهم ما عندهم وقت يبون شغل سريع غير وركب وجمع فلوس
المهم جلست السيارة عندهم 5 ساعات بعدها بلغوني انه لازم تجلس اكثر لانهم مشغولين
يوم بحثت في الموضوع لقيتهم يجربون السيارة ويشغلوها ويطفوها يبون العطل يظهر عشان الكمبيوتر يحدده
المهم سحبت السيارة ولثاني تجربة مع الوكالات تأكدت انهم ما عندهم سالفة سوى تجميع فلوس فقط
راسلت الادارة الاقليمية لهيونداي عن طريق الايميل امس والي اليوم ما في رد
طبعا كان هناك عدة تخمينات من ميكانيكين تتعلق بحساس ظغط الثلاجة او حساس منظم الهواء او حساسات الاكسجين او صمام تدوير الغازات او اسلاك الكويل او دبة التلوث ... و...و ..
للمعلومية كل قطع غيار السيارة من صغيرة او كبيرة ما اخذها الا من الوعلان
طلبي لاهنتم ورشة متخصصة في الرياض يشتغلون بذمة ويحبون شغلهم ويتلذذون على فهم وحل مشاكل زي كذا
