مشكلة صوت في الافلانش

السلام عليكم
نصيحه لا تفك مكينه ولا شي لكن نصيحه شيك ع البواجي والاسلاك ضروري بواجي 110 واسلاك ايسي ديلكو واذا الافضل اسلاك من الوكاله لكنها غاليه واجد

دوس بنزين عالي كم مره اذا راح الصوت هذا شي يمنع وصول الزيت للمكينه

اذا امبير او عداد ضغط الزيت مخرف او قبل تشغل السياره وهي في وضع قبل التشغيل يرتفع او عند تشغيل السياره يكون منخفض جدا لازم تشيك وتنتبه وتحرص قبل يخبط الموتر على ذي الحاجات الي بنصحك تسويها


1 غير زيت الى كاسترول او موبيل اهم شي يكون 30 / 10 افضل شي لاجواء الخليج


2 سيفون او فلتر الزيت لازم اصلي من الوكاله او الموزعين يكون 61 او 59 لان التجاري الي من البناشر كرتونه الداخلي او صفايته تهتري وتمنع مرور الزيت

3 نبداء بالصعب شوي والافضل تغيير وجه كارتير مع تغير جلدة ماصورة طرمبة الزيت وتنظيف الكارتير من الداخل جيدا وانصح بعدم تغيير طرمبة الزيت لانها نادر ما تخرب لكن بعض الورش يقول طرمبة زيت عشان يكسب دراهم من وراك والسالفه كلها جلدة الشخال او بالاصح جلدة ماصورة الطرمبه .... التكلفه طبعا هنا حول 700 ريال اذا الموتر دبل وحول 400 اذا بدون دبل


4 اذا استمر الصوت لا سمح الله لنا حديث ان شاء الله بالتكايات و البلوف وطبعا الشغل فك راس المكينه فقط مع تغيير طقم تكايات ووجه بلوف وجلد ووجه قز ز او هدرز او جنزير