الفرق بين صحارى و روبيكان كبير.
الروبيكان يجي فيه دفلوك امامي و خلفي و الصحارى بدون دفلوك نهائي و سمعت ان ممكن يجي دفلوك خلفي لاكن ما قد شفته مجرد وكالة يقولون.
الدفرنش الامامي في الروبيكان يجي اقوى و يتحمل اكثر من دفرنش الصحارى.
المساعدات و اليايات في الروبيكون مخصصه للطرق الوعره و تتحمل اكثر.
الروبيكان تقدر تختار نسب الدفرنش تكون قصيره و محشوره 4.1:1 او نسب دفرنش متوسطه 3.73:1
اما الصحارى يجي نسب متوسطه او نسبة دفرنش مريح 3.2:1 هذا يصلح للخطوط لان ال RPM يكون نازل كثير بالخط و يوفر بنزين لاكن في البر ما يصلح لان التعاشيق مررره طويلة مثلا الاول يوصل الى 80 بعكس الروبيكان اذا اخذت دفرنش 4.1:1 راح يكون الاول تقريبا يوصل 60.
نسبة الدبل نفسه تختلف بين الروبيكان و الصحارى.
في الروبيكان يجي الدبل حاشر خصوصا الدبل الثقيل.
الروبيكان يجي فيه sway bar disconnect تقدر تفصل عامود التوازن الامامي و يعطيك تقريبا 25% مسافه اكثر و يخلي الكفرات تنزل بمرونه اكثر و مايشتغل الا مع الدبل الثقيل و يفيد وقت التغريز.
اما موضوع الصدامات ادخل هذا الموقع و اختار اللي يعجبك الاسعار تختلف على حسب الشركة المصنعه و مواصفات الصدام.
http://www.quadratec.com
انا مركب صدام امامي و خلفي من شركة اسمها smittybilt
الصدام الامامي جاهز حق الونش و ركبت ونش من شركة warn
الصدام الخلفي يجي الباب لحاله و يتغير مكان السبير يصير في الباب و نفس الباب في موقع حق جركلين للبنزين او الماء مكانهم مخفي خلف الباب.
اسعار الصدامات غاليه
الامامي اخذته ب 890 دولار و الخلفي ب 1000 دولار و الونش ب 1050 دولار عموما انا في امريكا ما احتاج اشحن الصدمات للسعوديه لاكن انت وضعك راح يكون اصعب شوي لان لو شريتها من امريكا و شحنتها للسعوديه راح تطلع عليك غاليه لان الشحن مكلف بسبب حجم و وزن الصدام.
اعتقد في محلات بالرياض و جدة و الشرقيه تبيع قطع و اكسسوارات للجيب من ضمنتها محل الرماية.
عازل السقف شريتة من امريكا و ركبته بالبيت ياخذ نص ساعه تركيب.
نجي للشغلات اللي ما راح تعجبك.
النور ضعيف و افضل حل تغيرها بانوار LED من شركة truck lite سعر الطقم حول 500 دولار لاكنها تسوى سعرها و يكفي انها ما تحتاج تغيير ابدا.
اما عن سؤال هل الروبيكان يستاهل الفرق.
بصراحه انا مشروعي انها تكون سياره للبر و عندي سياره للاستخدام اليومي و جربت طلعت فيها اكثر من مكان هنا في امريكا مناطق طعوس مثل little sahara و الدفلوك نفعني كثير.
اذا انت مو راعي بر و تطعيس خذ صحارى.
اذا ناوي تعدل الجيب الافضل تاخذ 4 ابواب لانه افضل كشكل بالتعديل و يشيل اكثر خصوصا مساحه الشنطه بالاضافه الى سهولة في الركوب و النزل للركاب بالخلف.
