والله انا عجبني شكله فخم
طيب مافهمت قصدك يعني مثل وش سيارة ؟
بما انها عاجبتك من جميع النواحي توكل على الله و اشترها
الله يعطيك خيرها و يكفيك شرها
كروس اوفر
هي سياره متعدده الاستخدامات و مخلوطه من الجيوب و السيدان يعني بينهم
في الشكل تكون مثل الجيوب تقريبا و التجهيزات و المواصفات مثل السيدان و الارتفاع بين الجيب و السيدان يعني ماهو عالي ولا هو قريب من الارض
بالنسبه للمحرك يجي دفع امامي مع وجود دفرنس خلفي و البعض ممكن تتحكم في تشغيل الدبل و توزيع الضغط (لكنه يختلف عن الدبل الي في الجيوب بطبيعه الحال )
السياره تجي دفع رباعي مستمر AWD او 4WD بزر تحكم في الدبل قفل المحاور و الوضعيات
الغرض الاساسي من الدفع الرباعي في هذي الفئه هو تحقيق الثبات العالي للسياره و للبر لكن بشكل خفيف مو حق طعوس و مطامر ( و يعتمد على خبره السائق )
التجهيزات الترفيهيه و راحه القياده داخل المدينه اريح كانها سيدان بحكم الجيوب بالعاده يكون تعليقها قاسي عشان المطامر في البر
هذا بشكل عام
السيارات في هذي الفئه كثيره و المنافسه عاليه بينهم فيمكن اغلب الشركات عندها سياره او سيارتين من هذي الفئه
و منهم الفورد الاكسبلورار و الايدج و السنتافي (جراند و سبورت القصير ) و التوسكان و مازدا CX9 -5 و تويوتا راف 4 و باثفندر و غيرهم
فيه الي ب 3 مراتب و فيه الي بمرتبتين
انا ماقول ان اختيارك مو كويس بالعكس سياره محترمه و الناس اذواق لكن هي فكره ممكن تلقي نظره عليها و مادري الصراحه كم سعرها في الوكاله لكن حرام تشتري سياره بتجهيزات للبر و تدفع مبلغ فيها على هذا الاساس و في الاخير طلعاتك للبر قليله جدا و الافضل تشوف سياره مجهزه للمدينه بمواصفات و للطريق اكثر من تجهيزها للبر
يعني كمثال
(واحد يشتري يخت او بوت كبير بمبلغ وقدره و راكنه عند البيت و مايطلع فيه الا مره في السنه كم ساعه و يصيد سمكه صغيره و يرجع كان الافضل له يشتري قارب او طراد على قده و يأدي الغرض منه دام طلعاته للبحر مره في السنه )
****** (اذا انا قلت جيب اقصد السيارات 4X4 مو شركه جيب )
و الله يكتب لك و للجميع الي فيه الخير
