السلام عليكم ورحمة الله وبركاته
أنا من سكان الجبيل.
عندي يوكن 2007 طلعت عليها الرياض معي مراجعة للأهل في المستشفى. وصلت الرياض و طلع صوت في السيارة رحت ورشة الشعلة في الصناعيه الثانية و لقيت سوري فحص السيارة و قال الدبل خربان عندك. قلت: متاكد؟ قال: 100% .
المهم اتفقنا على التصليح قال 2800 توضيب كامل. قلت توكلنا على الله قال جب 2500 حق القطع. عطيته الفلوس فك الدبل وضب (حسب كلامه) بس الصوت زي ما هو قال بأفك مرة ثانية ,, قلنا فك الدبل وقال الدبل لما خرب خرب القير. و القير كمان يبغا توضيب!
رحت عنده باسحب سيارتي لقيته فك القير! المهم كم التكلفة ؟ قال التكلفة نبغا منك 4000 المهم بعد التخفيض قال 3500 . يعني الإجمالي للدبل و القير 6000 توضيب كامل مع ضمان ثلاثة أشهر.
المهم اليوم الثاني رحت آخذ السيارة فيها صوت لما تعشق الدي فيها قرة. مع أنها ما كنت موجودة من أول. سالته عنها قال بتروح مع المشي! و أنا كنت مستعجل ما جربت الدبل رجت الجبيل.
لما جربت الدبل فيها صوت طقة قوية تحس إن القير انكسر.
استخدمت السيارة أسبوع و صوت القره موجود. ضربت مشوار للرياض و دخلت السيارة عنده و جربها قال الطنجرة خربانة عندك. قلت صلحها. قال بيكلفك 1200 .
قلت ليش؟ أنا معطيك 6000 توضيب كامل للدبل و القير و أنت ما صلحت لا القير و لا الدبل. قال هاذي الأصوات سببها الطنجرة. و الطنجره لحالها ما لها دخل.
ونبي رايكم في الموضوع لاهنتو ,, هل الطنجرة عليه ولا علي؟
