السلام عليكم
اخش فالموضوع علطول، ادري المقارنه عقيمه لاكن شسوي طبعا انا راح اشتري سيارة لاكن مره محتار :(
محتار بين هذول:
1- كمارو 2014 rs
V6 لاحد يقولي 8 سلندر لان الوالد رافضها
2- بورش كايين gts or s متسعمله 2008-2012
3-رنج روفر سبورت مستعمل 2012
4-جاكوار xf 2014
شوفوا حبايبي انا عمري 18 واحب سيارتي تكون كشخه وبرستيج وملفته للنضر وكذا ورشحت هذول السيارات
الصيانه وقطع الغيار اخر اهتماماتي ماعندي مشكله فيهم
انا الي ابغا اعرف ايهم اكشخ وبرستيج
انا انسان مو راعي سرعه ولا مقاومات ولا شي ،انا انسان مهايطي اعشق الهياط بكل شي اوك ومهتم جدا بالسيارت اعشقها موت ماخذه وقتي كله :tongue:
ابغا اذا احد شاف السيارة يقول واو وشذا الكاش هههههه
طبعا اللي مخليني متردد انه انا من الرياض وراح ادرس الجامعه في القصيم والبورش والرنج و الجاكوار راح تتعبني شويه بحكم ان وكالتها في الرياض
اوك لو بدرس فالرياض بدون تفكير اخذت بورش لان بخاطري وعاجبتني و الكل يعرفها والوكاله جنبي اما القصيم مشكله قليل يعرفونها يمكن بس اقاربي وجماعتي يعرفونها لانهم فالقصيم وعندهم هذي السيارات
كنت قبل قررت اخذ البورش كايين لاكن طلعت وجذبني شكل الكمارو الجديد وسعرها مره حلو
احم السيارة بتنشرى قرض مافي كاش يعني انا اقول الكمارو حلوه وسعرها حلو مادري راسي انفجر من التفكير
اعيد واكرر قطع الغيار مو مشكله عادي ، بتقولون شلون قرض والقطع ماتهمك ، الدخل الشهري الحمدالله عالي جدا اوك
ياليت تساعدوني و اذا فيه سيارات اخرى ترشحونها لي وشكرااا :smile:
عندي سوال للي يعرف بحثت كثير ولا عرفت كم سعر كورفت ستينغاري ستاندرد اقل فئه فالمعارض 2014؟
