بعد حييييرة و قروشة لا حد لها .. ومقارنة بين عدة سيارات تقريبا رسيت على .....

وعليكم السلام ورحمه الله وبركاته

شوف اخوي انت مر الوكاله و اطلب تجربه للسياره وشوف انطباعك عنها و شوف السياره الي ارتحت لها

الي موعاجبني في كيا الون المستخدم في الازرار لونها احمر احسها مو مريحه للعين او لاني تشبعت من اللون هذا لان سيارتي المجنا طبلونها انارته لونها احمر من الوكاله

الازيرا عاجبتني اكثر من الكدينزا لكن لو يبدلون بين المكاين يكون تمام :)

نظرتي للسيارتين
الاثنتين حلوين و الكدينزا احسها اكثر رسميه عكس الشكل السابق شبابي و صارت تشبه اختها الكبيره
الازيرا على عكسها تمام كانت الشكل القديم اكثر رسميه من الان صار اكثر شبابي و اذا تقدر على الفل يكون افضل حتى لو في المعارض من وكيل معتمد يجي فيها مواصفات حلوه ولا ادري اذا تجبي الى الان او منهو وكيلها
فيها رادار و مساج للسائق و اضائه بانوراميه

لكن انتبه من وارد الاردن

بالتوفيق

غريبه مافكرت في الافالون والتورسس والتشارجر؟ وااماكسيماوالالتما؟

انصحك بالتوريس نصف فل دفع رباعي ماتتفوت بصراحة عزل خرافي وتقنيات ممتازة وكيلها من افضل وكلاء المملكة

فيه ازيرا جلد عودي و مقاعد كهرب بانورما زينون 6 سلندر وارد اردني ب 83 الف زيرو

اذا المكينة اهم من الموصفات كاديزا

اذا الموصفات اهم ازيرا

انا ارشحلك الكادينزا ,,
اشوفها افضل بالتصميم الخارجي ,و الازيرا تتفوق بالتصميم الداخلي , الكادينزا اشوفها اوسع كمساحة داخلية للمقصورة , كمحرك الكادينزا افضل واقوى ,محرك الازيرا اشوفه سيء على فئتها 3,0 !
مشاكل اصوات البانوراما بشكل عام الاغلبية يشكون منها في كلا السيارتين .

وولعلم جربت ازيرا 2013 اول نزولها شراها اخوي واخذتها منه فترة , وبصراحة استغربت ما كانت تشكي من اي اشكاليات ,ماشاء الله ,ولا حتى البانوراما ماكانت تطلع منها اصوات ! ممكن الامر دفعات و توافيق من الله سبحانه ..
ومن السلبيات الي شفتها , انا عن نفسي المراتب ماحسيت فيها براحة والسبب تصميمها احسه نازله , وضيق المساحة للمراتب الخلفية , وضعف المحرك , ولكن العزل اشوفه جيد تقريبا الى170 بعدها لك عليه , ولكن الموتر محترم ويستحق الاقتناء اذا رغبته .

وبالمجمل ارشحلك الكادينزا ,واهم شيء سو تجربة للسيارتين بنفسك واحكم , ولاتنسى الاستخارة وبالتوفيق ..

المسأله تعتمد على الذوق ،، لان الكادينزا والازيرا وجهان لعمله واحده ،، كأنك تتكلم عن فورد فكتوريا وميركوي جراند ماركيز .. بس الفرق ان مكينه الكادينزا اقوى ..

قوه المحرك لصالح الكادينزا

خدمات ما بعد البيع لصالح الازيرا ..

والامر راجع لك من ناحيه الشكل مسأله ذوق فقط ..

سلام عليكم ،
الان سعر الفل كامل كادينزا 2014 بـ114 .. كلمت الموظف اني باخذها كاش وما الى ذلك خفضلي اياها إلى 109
اما سعر الازيرا ف كامل بـ117 ( ناغي ) .. والموظّف ما تعاون معي ، حتى ما اعطاني امل في التخفيض :)

انا صراحة افضّل الكادينزا .. خصوصا ان الازيرا شكلها بيتغير السنة الجاية
الازيرا تتفوق في الرادار اذا كان فيها .. وداخليتها اجمل في نظري
اما الباقي اتوقع الكادينزا تتفوق
عموما الجودة اتوقع بنسبة 90% نفسها لانهم نفس المصنع .. لكن اللي يخوّفك الوكيل
وان شاء الله ما تحتاج الوكيل اول سنتين او ثلاث .. لهذاك الوقت يكون تحسّن ان شاء الله :)

التصميم + قوة المكينة للكادينزا .


بالتوفيق

ارشح لك الكادينزا
شكلها اجدد و أحلى
أوقات افكرها كوريس

الازيرا عزلها نفس عزل لكزس is350 2014 "للي بينط ترا الموترين عندنا"

بالنسبه للبانوراما جميع السيارات فيها حتى الكادينزا تطقطق

بالنسبه للعيوب المصنعية كانت فقط كمبرسر لدفعة 12 واول دفعه ل 13

بالنسبه للوكيل اكيد هيونداي

القوة للكادينزا اقوى محرك

الاختيار لك تراهم زي بعض

لا هنت اخوي رحال عالمشاركة و رأيك مهم جدا لي ..

و بإنتظارالمزيد من آراء الأعضاء

الغالي من غير ما أطول عليك

خذ الكادينزا افضل وأجمل وأقوى وفي السعر انسب

لا تنسى الإستخارة