تحذير انتبه تشتري سيارة من شركة فورد

وعليكم السلام والرحمة , حياك ياغالي ,,
بخصوص شركة فورد غريبة صراحة عليهم هالاشكاليات , وخاصة بخصوص التوريس اول مره اسمع عنها بصراحة !
اعرف واحد من الزملاء معه تورس 2011 الى يومك هذا وحنا مقبلين على 15 ما اشتكت من شيء , ماشاء الله ..

والسيارات غالبا على قولتهم حظوظ وتوافيق يعني غالبا بين كل 100 سيارة على سبيل المثال ,10 ممكن تكون فيها اشكاليات !
وبالمجمل صراحة صعب التعميم على شركة معينة بأن كل سياراتها خرابات وكل فئة تختلف عن الاخرى ,وفيه كثير من معارفي واكيد من معارفك معهم سيارات من فورد ماشكوا منها بشيء ..

وبخصوص تعامل توكيلات الجزيرة غريبة عليهم لأننا دائم نسمع بأنهم من افضل الوكالات , وعسى الله يعينك وييسر لك أمورك ..

مشكور على مرورك يبو مؤيد

واذا عندك حل مع هذي الشركة تكفى لا تتاخر علينا

بالنسبة لتورس بعد ٨ الاف اذا جيت تشغل يعلق السلف دقيقة الى دقيقتين وبعدين تشتغل السيارة
واذا شغلت المكيف تدخل عليك ريحة بنزين
رحت لشركة وبعد اسبوع قالو من طرمبة البنزين
وقالو كل التورس ٢٠١٣ فيها هذي المشكلة

المشكلة الثانية بعد ١٠ الاف اذا شغلت المكيف
يطلع الهواء حار وبعد ٥ او ٧ دقايق يرجع يصير بارد
وديت السيارة الشركة قالو عادي ما فيها شي
طيب ماشي الحال الغلط مني الي شريت من عندكم

اذا مشيت على شارع مكسر تسمع اصوات الاذرعة والمقصات حديد يضرب في بعضه البعض تقول سيارة بدون جلد
وديتها عندهم قالو عايدي السيارة مافيها شي
طيب الله يعين

الديكورات كل شوي يطلع صوت من جهة انت وحظك
يوم من الطبلون يوم من الباب مرة من المراية ومشي حالك

كرسب السواق تقول كرسي دراجة
صح الكراسي الخلفية كبيرة وحلوة والشنطة كبيرة
بس الي يسوق السيارة راحته اهم

السيارة الحين وصلت ٣٠ الف ويا خوفي من القادم

الوالد عنده جيب تويوتا ياباني عمره ١٥ سنه
موديل ٢٠٠٠ الى يومك بنزين وزيت وامشي
لا وكالة ولا خرابت الا الشي المعروف من اقمشة وجلد ومساعدات
مكينة وجربكس مشيت الى ٧٠٠ الف وماشاء الله وخر عنها