السلام عليكم ورحمة الله وبركاته
انا عضو قديم هنا بس ضيعت الرقم السري وتعبت ابغى ارجعه ماقدرت وسويت لي اسم جديد بنفس اسم سيارتي الجديده
عموماً
سابقاً كان عندي بي ام دبليو 740LI موديل 2013 والبي ام ماعليها كلام سياره راقيه وفخمه
لكن انا قبل البي ام كنت ناوي اشتري المرسيدس لان اسمع من الوكاله ان المرسيدس بيتغير شكلها تماماً
على انو هذا الموديل المرسيدس الجديد كان بينزل في عام 2013 لكن اجلو تنزيله الى 2014 ولا اعرف سبب التأجيل
المهم
انا ما بغيت اصبر على المرسيدس لاني كنت اجهل شكلها ورحت شريت البي ام دبليو لان كذلك عيني على البي ام
وشريت البي ام دبليو والحمد لله السياره روعه وماعليها كلام
لكن بعد مانزل المرسيدس رحت الوكاله وشفتها صراحه السياره قمه في الجمال وانا نفسي فيها من قبل
وبعد تفكير وفر وكر قررت اشتريها
في البدايه قالو مافي الا بالطلب تدفع عربون وبعدين تجيك بعد خمس شهور
وبعد فتره ثانيه رحت اشوفها صراحه زاد اعجابي فيها
سألت البائع قال حالياً مافي الا وحده جاهزه بس مافيها بانوراما اذا تبيها نخلصها لك بعد يومين
انا قلت البانوراما مهمه بس دام مافيه يالله خلاص اعتمد لي السياره هذه
الى هنا وبعد سالفه طويله وعريضه مع تمنياتي لكم بالصحه والسلامه
قولو ماشاء الله وهذه صورها
