باركو لي المرسيدس 2014 - S400

حياك الله اخ عاشق
اتذكر يوم اخذت السياره بي ام دبليو ما اخذت وقت كثير ممكن اربع او خمس ايام تقريباً
وكان التأخير بسبب ان المورو ماعندهم لوحات سيارات

الاخ Abo Saqer

بالنسبة لفئة سيارتي 400S فيها كثير من المواصفات عدى شاشات التلفزيون الخلفيه ونظام الرادار والبانوراما والثلاجه
اما المجيك بدي كنترول ماتجي في الا في فئة 500

وسأكتب بعض من مواصفات السياره اللي تجي بالطلب وهي موجودة بسيارتي

- اسيات كهربائيه جميع المقاعد في الامام والخلف
- فيها نظام تبريد وتدفئة المقاعد الاماميه
- تكييف كامل للسياره من الامام والخلف وتستطيع التحكم من الخلف ايضاً
- فيها نظام الهيدروليك رفع وتنزيل السياره
- فيها نظام تبديل السرعات من المقود وتستطيع تجعل السياره سرعتها سبورت
- الابواب شفط
- فتح الشنطه بتمرير القدم من اسفل السياره
- كاميرات من الامام والخلف والجوانب وبدرجة 360
- فيها نظام البحث عن موقف للسياره وتوقيف وخروج السياره من الموقف اكترونياً
- التحكم بالتكييف بين البارد والحار في المقعدين الاماميين
- تعطير السياره اتوماتيكياً ( هذه ميزه اعجبتني كثيراً حيث تجعل السياره دائما معطره )
- الاسياد جلد من النوع الجيد ولفاخر
- اما الشاشه فحدث ولا حرج
- تحكم كامل بالسياره وانترنت وناففقيشن وتليفون وبلوتوث وغيره
- وكذلك في الشاشه الاماميه عند العداد يوجد تحكم مثل بالتليفون والراديو الوسائط وغيره الكثير


ويوجد مواصفات ايضاً ولكن كتبت ما اذكره

الاخ البروفسيور

البي ام دبليو لسه ما انباعت وهي الحين في المعرض معروضه للبيع
والمقارنه بين السيارتين كتبته رد على الاخ ماهر الحربي

بالنسبه للبدي ماجيك كنترول ماتجيي الا على فئة 500 ولازم بالطلب

السياره اخذتها ب 480 الف ريال وفرق سقف البانوراما ما اذكر كم قال لي بالضبط بس كأن قال لي بحدود 9 الف ريال

الاخوه الكرام بارك الله فيكم جميعاً
والشر مايجيكم

الاخوه من طلب تقرير او مقارنة
بالنسبه للمقارنه بين السياره بي ام دبليو 740Li والمرسيدس انا كتبت بشكل موجز ومختصر للاخ ماهر الحربي عن انطباعي بين السيارتين
واي سؤال محدد بين السيارتين انا حاضر

الاخ نافعكم كلكم
بالنسبه الى لون السياره ماعندي اي اختيار لان كان في الوكاله مافي الا هي
بالاضافه الى اني انا اساساً ابغي اللون الابيض لاني تعقدت من لون البي ام دبليو كان لونها رمادي غامق يعني اقل بدرجه من الاسود
اللون الغامق متعب يعني بعد الغسيل ارجع لها بعد ساعه وتشوف الغبار في البدي وامشي فيها شوي هنا وهنا وترجع كأنك ماغسلتها

ما شاء الله تبارك الله ماشاء الله ما علمتنا كم سعرها يابعدي وكم الفرق لو سقف بانوروما

ماشاء الله تبارك الله الله يعطيك خيرها ويكفيك شرها ،، سؤالي حول وكالة الناغي لما طلعت البي ام دبليو 2013 كم اخذت في الوكالة لين سلموك السيارة ،، وتقبل مروري

ماشاء الله تبارك الله ملكه الشوارع فعلا
الله يعطيك خيرها ويكفيك شرها
اعتقد هذي اقل نوع بس على شكلها والداخليه كانها فل كامل بس ناقص بانوراما

رائعه تتهنى فيها ان شاء الله

ألف مبرووك يعطيك خيرها ويكفيك شرها .

ما شاء الله تعتبر ملكة الشوارع .

الله يعطيك خيرها ويكفيك شرها

سيارة تستحق الاقتناء واختيار موفق

تقبل تحياتي

بالنسبة للمجيك بدي كنترول ماتجي الا على فئة 500 ولازم بالطلب
انا اول ما اخذت سيارتي فكرت فيها هذه الميزه لانها ناعمه عند المطبات

لكن سألت الوكاله قالو ماتجي في ال s400

اهلا وسهلا بك اخي ماهر
بالنسبه للمقارنة بين السيارتين
انا قبل سيارة البي ام 740li اخذت لي بي ام قران كوبيه 640 موديل 2013 اربع ابواب
كانت السياره قران كوبيه فيها قوه جنونيه السياره حلوه وملفته خصوصا انها يوم اشتريها كانت تعتبر اول سياره بي ام كوبيه اربع ابواب
بس ما ارحت لها لسببين
في المطبات صايره صلبه هذا لان السياره سبورت بالاضافه الى ان كراسيها من الخلف ضيقه وماكان فيها ميزات مثل خمس كاميرات او الابواب شفط اما باقي المواصفات فيها كثير مثل الشائه العريضه وغيره
لذلك بعتها بعد تقريبا مامشيت فيها الف كيلو متر تقريبا بعد شهر او شهرين
بعدها رحت وكالة الناغي وشفت ال 740li وهذه في ايامها كانت تو جايه الشكل الجديد 2013
وقمت بدلت السياره معاهم ودفعت فرق 30 الف ريال

اخذت السياره بصراحه السياره روعه ومواصفاتها كل اللي ابغيه موجود فيها مثل ابواب شفط وخمس كاميرات بالاضافه الى ان قوتها لايستهان فيها فهي تون تيبرو وانوار LED ومريحه في المطبات وحجمها واسع

بالنسبه للفرق بين المرسيدس والبي ام دبليو
بالنسبة للشكل بين البي ام والمرسيدس في مرسيدس 2014 من الداخل فرق شاسع من حيث الديكور والالوان والانوار LED معطيه السياره شكل جديد عن كل السيارات وهذا شي طبيعي بيكون فرق لان المرسيدس تعتبر 2014 صار فيها تغيير كلي
كذلك البي ام المنافس للمرسيدس ما استبعد في الموديلات الجديده راح تطلع بشكل جديد وهذا حرب بين السيارتين


اما الفرق من حيث القياده البي ام دبليو قيادتها رائعه وفخامه وهي وقويه عند السحب على البنزين واقوى من المرسيدس
لكن انا جربت السيارتين حسيت بالمرسيدس وانت تقودها تحس اكثر ملاكاً وتحس انك مميز وتتلذذ بقيادتها بل اني احيانا اشتاق لقيادتها
وهي قويه في الاندفاع بالسرعه
والبي ام دبليو عند السحب على البنزين هي اقوى من المرسيدس

والسيارتين ماعليهم كلام ومنافسين لبعض بس انا بالنسبه لي ارحت في المرسيدس اكثر

وربما البي ام من الممكن في الموديلات الجديده راح تتفوق على المرسيدس فهم في حرب دائم

الى هنا ارجو ان اوجزت بالشرح ولو بشكل بسيط


اسمي السابق امزون او امزون1 وعندي اسم اخر هو دمامي
احاول استرجع الرقم السري للاسمين ولكن عند الاجابه على السؤال اين تقع الكعبه جاوبت بكل العبارات ويطلع لي الاجابه غلط

ملاحظه حاليا اكتب بالايباد وسامحونا على القصور او اذا فيه اخطاء

الف مبروك وعقبالي ناوي على وحدة باذن الله
كم طلع عليك سعرها؟
وسوي لنا تقرير وقارنها بالبي ام دبليو الي كانت معك؟
وهل عزم السيارة ممتاز وكافي وكيف راحة السيارة والعزل ؟
وهل تستطيع تطلبها بال magic body controle
كثرت عليك الاسئلة اعذرني تحياتي

ما شاء الله تبارك الرحمن وكان ودي بما انها بدون بانوراما تكون بلون غامق عشان يعني تلفق موضوع البانوراما ههههههههههههه

الله يبارك لك فيها ويعطيك خيرها ويكفيك شرها

والله يزيدك ويرزقنا من واسع فضله

سيارة ملفته للنظر ماشاء الله ..

بإنتظار المقارنة ..

ما شاء الله تبارك الله
مثل ما قالوا الشباب مقارنة شخصية بينها وبين البي ام
من حيث الراحة ومتعة القيادة والاحساس الشخصي

مبروك والله يعطيك خيرها ويكفيك شرها

سوي لنا تقرير بعد فترة من الاستخدام مثل هذه السيارات نادر ما تحصل لها تقرير بالمنتديات العربية

ماشاءالله
الله يعطيك خيرها ويكفيك شرها

ماشاء الله تبارك الله الله يعطيك خيرها ويكفيك شرها

افضل سيارة في فئتها بدون مجاملة

ماشاء الله تبارك الله
الله يعطيك خيرها ويكفيك شرها