صرفية و نوع بنزين دودج دورانجو 2013

ابو السعيد 928 @user_296212 · 18-11-2013

السلام عليكم

انا عندي سيارة دودج دورانجو 2013 8 سلندر ، الاحظ ان معدل صرفية البنزين عالية شوية مقارنة باليوكن و التاهو معدل 19-22 لتر لكل 100 كيلو ، وهذا يعني فل السيارة 50 ريال ل 400 كيلو مع العلم انا شفت المعدل لهذه السيارة 14 لتر لكل 100 كيلو ، هل يوجد بالوكالة ضبط لهذا الاستهلاك

هل نوعية البنزين جيدة لهذه السيارة ام 91 يعتبر الاخر جيد

ابو نواآاف @user_166737 · 06-01-2014

اخوي انا معي جراند شيروكي 2014
مكينه هيمي نفس سيارتك وتقريبا نفس معدل الاستهلاك واشوفه متوقع مقارنة بالحجم للمحرك
السياره الهيمي محرك حجمه 5.7 لتر جدا كبير واكبر من اليوكن والتاهو والاكسبدشن لان محركها 5.3 لتر واضف على ذلك اليوكن تانكي البنزين اكبر من الدورانقو والشيروكي
المهم
كتيب السياره يقول انها تقبل من اوكتان 89 واعلى
يعني تقبل بنزين 91 او 95 ولك الخيار وانا عن نفسي جربت النوعيين بالسياره لافرق يذكر كلها تتجاوز 400 كيلو بالمدينه
فل البنزين 91 ب33 ريال تقريبا وال95 تقريبا 48 ريال

وبنفس الكتيب لمحرك بنتاستار 6 سلندر يقبل من اوكتان 85 واعلى
يعني يقبل بنزين 91 او 95
والله يوفقك في سيارتك واستمتع بقوة المحرك بالبر وبخفة السياره بالمدينه والحمدالله البنزين رخيص والفرق الشهري لايذكر مقارنه باليوكن والحقيقه محرك ممتاز لايوجد سياره امريكيه بالبر ممتازه بعد الياباني طبعا مثل الدوج والشيروكي

أبومشعل2014 @user_297521 · 04-12-2013

الغالي ابو سعيد اتوقع صرفية البنزين طبيعية مقارنة بحجم المكينة

ولا يمنع تسأل الوكيل لان ممكن فيه خيار توفير الوقود حسب ما شفنا في مقاطع تجربتها في امريكا لموديل 2014

لكن باسألك عن صوت الطقة في القير اللي كانو يشتكون منها اللي معاهم 2012 هل انحلت؟

وهل تنصح الواحد يشتري الموديل الجديد خاصة بعد التعديلات الاخيرة

taalloo @user_105603 · 28-11-2013

اخي المكينة نوع هيمي 16 بوجي بخلاف اليوكن 8 بواجي فطبيعي استهلاكه العالى للبنزين وخاصه داخل المدينة

ابو السعيد 928 @user_296212 صاحب الموضوع · 19-11-2013

يا اخي الكريم ، الدودج عبارة عن وحش في الشارع مع احترامي لجميع السيارات ، بالنسبة لمساوى السيارة لم ارى اي شي لاني يا دوب ما خلصت 700 كيلو

ابو عبدالله1417 @user_269008 · 18-11-2013

ابو سعيد بما انك من ملاك الدرانجو وش رايك بالسيارة وكيف الوكيل!؟؟

الملك 704 @user_138060 · 18-11-2013

شوف غطاء البنزين من الداخل

اغلب الشركات تقريباً صارت تكتب نوع البنزين داخل الغطاء

يوسف 20 @user_26392 · 18-11-2013

اتوقع اغلب السيارات موجود البنزين المقترح
من تجربة السيارات اليابانية يوجد خيار البنزين المقترح لكل محرك
بالكتيبات الأمريكية من تجربة الكابرس اذكر موجود صفحات خاصة فقط بالبنزين FUEL
تأكد منها..
والله يبارك لك في سيارتك ويعطيك خيرها <3

ابو السعيد 928 @user_296212 صاحب الموضوع · 18-11-2013

غير موجود نوعية البنزين يا اخ يوسف فقط انا حطيت الافضل

يوسف 20 @user_26392 · 18-11-2013

[COLOR=DarkGreen]وعليكم السلام ورحمة الله وبركاته
حياك الله ابو السعيد ..
هل بكتيب السيارة البنزين الافضل 91 او 95 ؟
بالنسبة لي ماعمري جربت بنزين 91 , لكن بعض المجربين يقولون الصرفية اعلى من 95

[/COLOR]