سيارة بـ 120 ألف ريال , ساعدوني في الاختيار

اذا جات على المازدا، اشوف الخيارات التالية بهالسعر أفضل:

المازدا CX-9 ب 125 الف فل.

و المازدا CX-5 فل (بدون نافيجيشن) ب 112 الف.

اثنينهم 2014.

اخوي

السياره المراد شرائها لابد تكون شكلها جديده كليا
وافضل شي لك (((الامبالا )))......... حتى تستمر معك 8 سنوات
نفس الشكل ماتغير تقريبا

والامبالا وكيلها جيد ...... وسعرها تم تخفضيه عن اول نزوالها

ولاتنسى صلاة الاستخاره قبل الشراء

التيما فل كامل ب ١٠٧ الف
وشوف تجربة حسن كتبي لها ع اليوتيوب

ما فكرت بالاكورد ٤ سلندر فل كامل ؟
سعرها ١١٩ الف

جزاكم الله خير على الايفادات والاقتراحات وأتأمل المززززيد وانا بالانتظااار

التوروس حلوة

و بمبلغك تجيب لك

توروس 2013 نص فل

دفع رباعي - فتحة - جلد ( مو متاكد من الجلد متوفر في هالفئة أو لا )

و بقية المواصفات المعروفة

و وكيلها ممتاز

و تقدر تشتري صيانة مجانية بـ 4000 ريال اعتقد لمدة 3 سنوات أو 60 ألف كم أيهما أول

و خلال الصيانة ما تدفع لهم و لا ريال

كل شيء يتحملوه ما عدا الكفرات

يعني خلال هالفترة عليك أنت البنزين و الكفرات

زدها 5 الالاف وطق كابرس ال تي زد

منها مكينه ومنها شكل ومنها شبابيه

حلوة البيجو لكن الوكيل لك عليه
القطع مو متوفرة غالبا

عندك الالتيما فل كامل ب ١٠٧ الاف
اذا كنت خايف من قير ال cvt
روح للامبالا
شكل جديد وملفت للنظر
وأتوقع الفل كامل الان ب ١٢٨ الف

ووش رايكم في بيجو 508 ... ؟

اقتراحي لك أن تكون مابين الألتيما و التورس من بين الأشياء الي ذكرتها.. و خصوصًا الألتميا إذا بغيت شيء عملي أكثر و أرخص في الصيانة. التورس ليست سهلة في هذا الأمر لكن لو براسك سيارة بمواصفات و خدمة وكيل ممتازة خذ التورس.
الفيوجن إشكاليتها في تكاليف صيانتها يعني القطع. المكسيما ما هي غالية في الصيانة لكن ذُكر أكثر من مرة أن قيرها حساس و ما يطول , و العلم عند الله.

و حط في بالك الاقتراح الي أعتبره جوهري و الذي ذكره الأخ Wanderer أعلاه ,, المازدا 6.
سعر مغري و جودة لا نقاش فيها و صنع بلدها بالكامل و تصميم قوي جدًّا و سعر معتدل لقطع الغيار.. القطع ما هي غالية و لا رخيصة يعني معقولة.

وفقك الله لما فيه خير لك. لا تسنى الاستخارة بعد ما تحط براسك شيء.

مازدا 6 ؟؟؟

الأمبالا lt بحدود 118000 ريال انا مريتهم قبل فتره السياره جذّابه وممتازه هو قالي 123000 بس انا قلت انا كلمني الموضف من عندكم يقول 118000 قال ممكن المدير يسوي لك خصم اما الفل غاليه بحدود 139000 حسب كلامه ,,الشارجر ممكن يتغير شكله ولا عندي علم فيه ,,بس انا لو مكانك اخذ الامبالا ,,ممكن تدخل موقع التوكيلات وتضع جوالك والايميل وتختار استفسار عن السعر وتحدد الامبالا هم يكلمونك بعد يوم او يومين /واهم شي الأستخاره والله يكتب مافيه خير لنا ولك وبالتوفيق..