رأيكم وتجربتكم بوكيل " مازدا 6 - 2014 " !!

ماشوف انها تحتاج مكيف خلفي لإن الداخلية ماهي كبيرة

تعاملت مع الحاج عندما كان معي ميركوري
أسعار مقبولة مقارنة بالأخرين ووقت إنجاز مقبول أيضا

مشكلة الحاج أنه يعمل صيانة لسيارات مازدا وجيلي وبيجو (بالإضافة للموديلات القديمة من ميركوري) مع قلة المراكز والموظفين

أبوخالد
السلام عليكم

إذا ناوي على السياحي حط في بالك أنه بدون مكيف خلفي

ابو خالد اللؤولوي نعم متوفر على الاستاندر

مبروك السيارة والله يكافيك شرها
ولكن انا بأذن الله عن قريب راح اتوكل على الله وآخذ الاستاندر "

بالنسبه للألوان .. اللون اللؤلؤي هل متوفر بفئة الاستاندر أو بس بالفل؟


وفرع عنيزه هل هو متوفره فيه المازدا 6 ؟؟ ,, لأني اعرف بعض الاشخاص يقولون اننا انتظرنا أكثر من شهرين على ماتجي الطلبيه !! وصراحه ما احب المرمطه الزايده انتظر شهرين الى ثلاث اشهر << مده طويله :blue:

والله انا السياره لها معي فوق 5 اشهر وماشي عليها 14 الف , ( فل كامل ) انا تعاملت مع فرع القصيم-عنيزه , ماشفت اي مشاكل حتى الان . والسياره استلمتها بعد 12 يوم , السياره 10 من 10 بكل شيء ولا تقدر اصلا تقارنها مع السياراة اللي بفئتها , , يمكن المشكله الوحيده العزل الارضي , ما اقول انه سيء لكن كنت متوقعه احسن , .. ومعاملة الوكيل احس انه تختلف من فرع عن فرع . واي استفسار ثاني انا حاضرر ..

صدقت يا أخي khofisiz انا قرأت موضوعك للاخوه الاماراتيين عن المازدا6 وفئاتها .. وفعلاً ما كنت اتصور ان المازدا الاستاندر يجي فيها مثبت سرعه وشاشه ,, ولكن اللي عجبني في الوكيل انه شال مثبت السرعه والشاشه وبعض الاكسسوارات ونزل من سعرها اشوي .. على عكس عبداللطيف جميل .
ولكن يبقى الوكيل عليه ملاحظات .. وانا صراحه نواي على الاستاندر ولكن اللي شايل همه المرمطه الزايده خاصةً اني عندي جامعه .




اولاً اقول مبرووك والله يطعمك من خيرها ويكافيك شرها
وما أقول الا الله يعييني بس لأني ناوي على فئة الاستاندر .
لكن وبكل صراحه يا اخي افيونكس من وجهة نظري ان الفل كامل ماتستاهل لان سعرها غالي اشويه .. يعني سعرها تقريباً 98 الف ازود عليها وآخذ كرايسلر أو جنسس .. وبالنسبة لتويوتا فانا اختلف معك .. التويوتا في الخمس سنوات الأخيره فشلت وجاء وكيلها عبداللطيف جميل وكمل عليها .






انا اتفق معك يا أخ majro7 ولكن يبقى تقريباً كل وكلاء السعوديه سيئيين الى حدٍ ما .

انظر الى عبداللطيف جميل من اسوء الوكلاء وغيره كثير

وبالنسبه لقطع الغيار المازدا6 تقريباً نفس سعر قطع غيار الكامري التويوتا وكذلك الاكورد الهوندا وان كان في فرق فلن يكون الفرق كبير.

وكيل سيء تعامل سيء
كلو بالمواعيد للاسف وحتى مواعيدهم مايلتزمو فيها
اسعار قطع الغيار اشوفها مرتفعه شوي


ولكن تبقى السياره رائعه

انا استلمت سيارتي لؤلؤي فل دافع المبلغ كامل قبل ٤اشهر والان استلمت السياره/وكل شي سئ الى الان معاملة الوكاله سيئه والعزل ردئ /الله يرضى على تويوتا بس