السلام عليكم اعضاء الرابطة الموقرين, محدثكم مالك جديد لسيارة cx9 2013 , والسيارة مالها معاي اسبوع تقريبآ , المهم مالكم فالطويلة, عندي كم استفسار بخصوص السيارة واتمنى كل من عنده خلفية عن هالاستفسارات يعطيني خبر ومشكورين مقدمآ..
1- مكتوب في كتالوج السيارة طريقة لـ طي المرايات الجانبية للسيارة, ومن ضمن الاشياء اللي مطلوب تسويها عشان تطوي المرايات تضغط زر موجود تحت الدركسون, لكن لما دورت الزر هذا ماحصلته فالسياره , فياليت اللي عنده خبر عن كيفية طي المرايات يعلمني عنها..
2- الدبل الموجود فالسيارة هل هناك زر يخليني اتحكم في تشغيله واطفائه؟ ولا هو كذا شغال على طول؟..
3- فيه زر موجود تحت الدركسون اسمه TCS ماعرفت وش فايدته, ومكتوب فالكتالوج انه يساعد على قوة الجر اللي اصلآ مدري وشي :bigggrin:
4- السيارة طلعتها من الوكالة فالرياض ومسكت فيها خط للشرقيه, وكان الجو غبار وهواء قوي, وسمعت صوت تصفير خفيف من باب الراكب الامامي , مدري فيه احد قد صارتله هالمشكله ؟ واذا لا طيب هل تعتبر مشكله تستاهل اني اروح للصيانه واقولهم عنها, ولا تهقون هذي وسوسة عشان الموتر جديد:a120(21): ؟
انتهت الاسأله,علمآ بأن السيارة فل كامل اعلى فئة, ومشكورين مقدمآ, واعذروني ع الاطالة ..
هلا هلا هلا بخوينا الجديد حياك الله. القهوه ياجلمد :smilie16:
1- طي المرايات غير موجود في مواصفات الشرق الأوسط اعتقد.
2-الدبل شغال اوتوماتيك على طول الى حد سرعة محددة ويفصل ويصير دفع أمامي . بس ماني متاكد كم السرعة اللي يفصل عليها. اعتقد ثمانين او تسعين.
3-هذا زر يساعد على ثبات السيارة والسيطرة عليها في الانعطاف الحاد والطرق الزلقة. واظنه يوقف abs بعد بس ماستخدمته.
4-اذا كان اللي تسمعه صوت احتكاك الهواء في السيارة واصوات الخط فهو شي عادي لان السيارة رفيعة وجنط 20 وتواجهه هواء قوي. وكل اصحاب السيارات من هذي الفئه يعانون من هالشي اما اذا كان صوت تصفير كأن فيه تنسيم في جلد الابواب فيلزمك وزن للباب اللي يجي منه الصوت.
ولا تحرمنا طلتك ومشاركاتك والاضافات الي سويتها على السيارة
