تقرير مفصل عـن تجربتي لمـازدا 6 2014 (حصري لمنتدى السيارات)

اوؤيد كلام الاخ بخصوص الياباني

حيث اني جربت الاكود -استأجرتها لمدة شهر تقريبا - والمؤشر ثابت لم يتحرك ابدا

اما سيارتي البيحو (اوروبي طبعا) فان المؤشر حساس جدا ويتغير بحسب الممشى

للأسف اغلب مستهلكي السيارات مغشوشين بسالفة عداد الحرارة !!
أغلب السيارات اليابانيه .. هذا ان لم تكن كلها
عداد الحرارة فيها غير دقيق وهذا شيء متعمد من صانعي السيارات
و ايضا ً بعض السيارات الامريكيه كذلك
عداد الحرارة بالسيارات اليابانيه لا يعطي القراءه الصحيحه
انما له حدود موضوع على اساسها يعطي الامبير قراءة على الربع او النصف مثلا ً
يعني هل من المعقول ان حرارة مثلا ً مكينة الكامري صيفا ً وشتاء و خلال المقاومات و خلال القيادة الهادئة على الربع لا يتحرك نهائيا ً
لا ترتفع ولا تنخفض ؟؟؟

بالمنطق هل هذا صحيح ؟؟

ليه ماتتغير الحرارة الا بوجود خلل بالسيارة وتكون القراءة
من الربع الى فوق النصف بلمح البصر او خلال لحظات بسيطه لا تتعدى الثلاث او الاربع ثواني نجد ان الحرارة ارتفعت بشكل سريع ؟؟

يا عزيزي عداد الحرارة بالسيارات اليابانيه كلها مبرمج حسب نمط يضعه الصانع وهو مثلا ً لو كانت حرارة ( سائل التبريد وليس المحرك ) مابين 70 الى 100 فإن المؤشر يكون على الربع !! لن يتحرك ابدا ً مادامت الحرارة بين هذين الرقمين
اذا اقترب من مؤشر الخطر ولنقل مثلا ً انه 120 تجده يرتفع شيء بسيط ويكون قريب من النصف
اذا مثلا ً وصلت درجة حرارة سائل التبريد الى 130 ولنفترض انه مرحلة الخطر
سيقفز من قبيل النصف إلى حرف H قفزه واحده


إذا ً ..مسألة الفرق بين العداد التقليدي و المؤشر الضوئي للحرارة
لا تؤثر على سيارتك مادام العداد التقليدي مبرمج حسب النمط الذي ذكرته

لكن في اغلب السيارات الامريكيه مثل فورد تجد العداد يتحرك
مره على النصف ومره على الربع ومره على الثلث
هذه قراءة صحيحه عكس الياباني الذي لا يتحرك مهما كانت الظروف الا عند وجود عطل يرفع حرارة سائل تبريد المحرك



اتمنى انكم تفهمون ماهية هذا العداد وطريقة عمله ومن ثم تقولون هل يعتبر عيب عدم وجوده ام لا

سيارة رائعة والمنافسه شديده جدا بين هذه الفئة من السيارات

حسب ما فهمته انه في لمبتين للحرارة زرقاء ومعناها ان السيارة حرارتها قاعدة ترتفع وحمراء معناها وصلت الاتش

تقرير رائع و سيارة جيدة بالنسبة لسعرها

لكن ما يعيبها بكل صراحة :
1- مكينة ضعيفة مقارنة مع حجم السيارة و وزنها .
2- عدم وجود عداد حرارة و هذا أمر مهم بالنسبة لي ، وش يفيد إذا ولعت اللمبة الحمراء فجأة و قتها ما ينفع تطفي السيارة



وحرارة موية الرديتر من وين تجي من حرارة الجو ولا المكينة ؟

إذا وصلت H ودع المكينة
وقتها تشعر بأهمية مؤشر الحرارة ، لو خلوها مثل الكامري أصرف

^^^

وش بلاكم على الرجال ..هو ماقال ركبوا معي وممددين سيقانهم ومبسوطين
وكل واحد معه طاولة طعام من زود الوساع والطنخه

هو قال ركبوا معي تسعه ..ماتدرون وش هالتسعه يمكن نصفهم اطفال !!


ياخي حنا رجال ركبنا ددسن تسعه ..اربعه قدام وخمسه ورى
صحيح اني بعد هالتجربة السيئه قعد يومين رقبتي توجعني
لكن عاد ركبناها :)

المازدا يركبها خمس اشخاص بالغين طولهم مابين 175 الى 180 و اوزانهم مابين 60 الى 90
ومرتاحين .. ويمديك تركب اربع اشخاص ورى لكن ماهم مرتاحين
الا اذا كانت قامتهم قصيره و اوزانهم خفيفه بيرتاحون


المسألة نسبه وتناسب يالربع

عزيزي ملوك عدم شكواهم وازعاجهم لك بسبب الضيق لا يعني بأنهم نوعا ما مرتاحين بل يعني أنهم نوعا ما يجاملونك او انهم وسيعين صدر^^ :bigggrin:

سيدان متوسطة جزاك الله خير :a1120(121):

الله لايحللك ولايبحيك كاني انا كذاب وافقش والسياره والله ركبو فيها 8 اشخاص وانا تاسعهم يعني 9
وش مصلحتي اكذب

تقرير جدا جمممميل ،
لك جزيل الشكر يالغالي .. السياره مايحتاج يكفي انها من مازدا .. ،




ياكبرها عند الله !
ياخوي مااهو تملكك للسياره يخليك توصل لهالشي من الكلام ! اجل 9 الله يصلحك :bigggrin:

معي جمس دينالي القصير اشيل 9 شوي مش مرتاحين ! وانا 3 صفوف وجمس !
وانت صفين وسياره سيدان صغيره شلت 9 ! خل عنك الفقش الله يهديك :wink:

استاذ صالح
بخصوص الموديل السابق من مازدا 6 الارقام اللي انت حطيتها ماعليها كلام
رغم انها تفرق بارقام بسيطه قد لا تتعدى سمك قماش ملابسي ولا طول شعر رأسي القصير بالنسبة للسقف :)

الا انها رقميا ً تعد فوارق ..لكن بالواقع لا ارى انها تؤثر لا سلبا ً ولا ايجابا ً


اما بالنسبة للكامري و الالتيمـا .. انا متأكد 100 %
بالنسبة للكامري ..اللي جربتها 2010 و 2012 مساحتهن الخلفيه اضيق من المازدا6
وبالنسبة للالتيما اللي جربتها 2007 .. ولا اعلم عن الجديده اي شيء
الاكورد ركبت فيها في الامام ..نفس المساحه تقريبا ً
لكن بالخلف لا اعلم
الاوبتيما من شكلها الخارجي اتوقع انها اصغر
الليجاسي ..ماعمري شفتها الا بالصور :)
لا تسألني عنها

حياك اخوي
بالنسبه للمساحه الخلفيه وجتها وعن تجربه أنها بمثل مساحه المنافسين وممكن أكبر عندنا في البيت ازيرا موديل 2013 وانا طولي 185 سم لما اجلس بالخلف ويكون الكرسي الامامي زابطه على وضعيتي في السواقه تكون المساحه الخلفيه تقريبا نفسها المساحه لما عملت نفس التجربه في المازدا مع أن الإحساس الأولى ومن النظر دون التجربه تشعر أن الازيرا مساحتها أكبر ولكن عند التجربه تبين أنها مثلها تقريبا مع فارق أن المساحه العلويه ارتفاع السقف الازيرا أكبر من المازدا فلا تحكم على شئ قبل التجربه وكان عندي ابتيما 2012 مساحتها أصغر من المازدا ولما كان في شخص يركب في المقعد الخلفي وراي كنت لازم أقدم الكرسي أما في المازدا ما اطريت اني أقدم الكرسي أبدا.

انا بعطيك عن واقع تجربه انا معي مازدا 6 2014 والله العظيم ان مركب معي في سيارتي 9 اشخاص
ونوعا ما مرتاحين

الحجم اكبر لايعني المساحة الداخلية اوسع
كنت عند الوكيل بالدمام قبل رمضان وكانت لديهم الموديل القديم من نوع الترا والجديد وعاينت السياراتين والضيق واضح بالجيل الجديد ( اعتقد ان الترا تفرق فقط في المحرك وليس الحجم ) سواء المقاعد الامامية او الخلفية والسماحة الخصصة للراس وهذه ليست ملاحظتي فقط بل ذكرت في اكثر من تقرير

الموديل الجديد

http://www.thecarconnection.com/specifications/mazda_mazda6_2014_base_dimensions

الموديل القديم

http://www.thecarconnection.com/specifications/mazda_mazda6_2012_4dr-sdn-man-i-sport_dimensions

الفورقات ربما بالملي لكن شعرت بوجودها

اما مقارنتها بالفئة فاعذرني فالكامري اكثر اتساعاً وكانت لدي السيوبارو ليجاسي (كتجربة ) والمساحة الخلفية لصالح الليجاسي بشكل واضح

http://www.motortrend.com/roadtests/sedans/1305_2013_honda_accord_sport_toyota_camry_se_2014_mazda6_grand_touring/viewall.html

ليس المهم حجم السيارة الاجمالي بل المهم استغلال المساحة الداخلية بشكل مناسب وذكي (شاهد الصور في هذا التقرير لترى فرق المساحة بينها وبين المنافسين بالخلف )

http://www.caradvice.com.au/229480/medium-sedan-comparison-mazda-6-v-toyota-camry-v-honda-accord-euro-v-hyundai-i40/

كمثال بسيط نرى حجم الجراند ماركيز الضخمم لكن مقارنة بحجمة فالمساحة الداخلية المخصصة للركاب تعتبر اقل مما يجب فهناك فقد كبير للسماحة بين الكبوت والشنطة وهذا ماحصل في المازدا من ناحية فقد بعض الحجم بالكبوت لاعطائها المنظر الرياضي
بعكس الكابرس مثلاً نرى المساحة المخصصة للركاب بالخلف اكبر واسغلال افضل للمقصورة

حتى الكفرات الي عندي انا برجستون 4 اتمنى تتأكد اخوي اما الاستبنه ماادري

لا تدفع كاش .. ادفع عربون و خل يعطيك ايصال
و ان قال سيستم عطلان ..قل له معصي اعطيك هلله
و خله يكتب لك بالايصال ان قيمة السياره 67500
عشان اذا جت السيارة ما يقول تغيرر السعر ومن هالكلام
و ان رفض العربون قل برسل ايميل للشركة الام اشتكيك بأسم
وبروح لوزارة التجارة اشكيك انت بأسمك لان كل الفروع الثانيه ياخذون عربون بحالة الحجز

شباب بالنسبة للدفع كاش انا رحت لمدير فرع الدريهمية وسألته عن اللون الؤلؤي قالي مافيه لكن ممكن اجيبلك على قبل العيد او بعده قلت طيب بدفع عربون قالي اوكي بس ترا ما عندي ايصال السستم عطلان قلت طيب خلاص بدفع في خريص قال لا لا تعالا بس حسجل اسمك وبلا عربون ولا هم يحزنون كلمني بعد يومين وعطاني رقمه المهم اليوم دقيت عليه قال فيه وحده من الدفعه الجديده انت جيب الفلوس وتعال وان شاء الله ابل العيد او بعدوه حتتسلمها قلت اوكي المهم دق علي بعدها بساعتين قال هاه حصل ايه معاك قلت اليوم مشغول بكرة راح امرك لكن من متى فاتحين قال من ٩-١٢ بس بكرة اخر يوم لان بعده حسافر قال بس جيب الفلوس كامله معاك قلت اوكي الفرع،الفرع فاضي تقريبا مافيه الا هو وهندي في المعرض.وش رايكم ادفعله كاش ولا ادفع عربون مع انه ما ضنيت يوافق لانه مصر على المبلغ كامل!! او اعطيه شيك مصدق بإسم الوكالة..مدري عل تقبل الوكالة الشيك المصدق ولا؟؟ ملاحظة مدير المعرض اعلاه من جنسية عربية xD

حياكم الله جميعا ً .. وشكرا ً على المرور و التعليق



الاستاذ صالح ,,

بالنسبة للمساحة .. فالسيارة اكبر من اللي قبلها بـواقع 108 ملم
كيف تكون اصغر من اللي قبلها بالمساحة ..؟
بالنسبة لفئتها ..انا جربت الكامري والسوناتا وهي افضل بالمساحة الداخليه
ومساحة الشنطه

اما الالتيما والاكورد ما ادري جربت

موضوع ممتاز المازدا الجديد شكل ناااار ويكفي ميد أن جااباان