^^^^^^^
يا استاذ مصطفى دام أن وجيه الرأس موجوده ليه موظف قطع الغيار يقول ماهي موجوده وتحتاج طلب من الرياض خلال أسبوع واذا غير متوفرة في الرياض بتنتظر من أسبوعين إلى شهر (هذا كلام موظف قطع الغيار بالحرف قبل يومين ) أما سعر تغيير وجيه الرأس فهذا سعر الفك والتركيب لوجيه الرأس فقط وهذي المشكله اللي تبينت معاهم في الفحص أن السياره لاتحتاج إلا لوجيه رأس فلو قلنا وجهين رأس ب260 فهل يعقل أن 4740 ريال فقط شغل اليد؟ وأيضا يقول هذا السعر خاص لنا؟ وأيضا لايوجد ضمان على الشغل؟ حتى أرخص واسواء ورشة بيعطي ضمان حتى لو أسبوع واحب ألفت نظرك أن هذه ليست اول مره يفاجئني مدير ورشتكم الفاضل بأسعاره الخرافية بل سبق له أن طلب مبلغ 900 ريال لمشكلة حلها كلف 20 ريال فقط؟ أما مسألة الجوده فكل ملاك سوبارو اللي جربو القديم عارفين تماما أن الجوده قلت بشكل كبير سواء على مستوى المكينه والقير أو مستوى العزل والمواد الداخليه وحتى تقتنع حتى سيارتي امبريزا موديل 2010 بدأت عوارض تلف رؤوس المكينه أو وجيهها هذا وتوها وصلت ال100 ولكن ساتخلص منها في أقرب وقت أن شاء الله وتوبه من السوبارو الجديد برجع للموديلات القديمه أفضل وعلى الأقل نحصل قطعها في التشليح
انا اتفق معك تماما ان جودة سوبارو القديمه افضل من الجديد ..
بس خذها من مستخدم اكثر من 13 سيارة مختلفه بان جودة جميع السيارات
الجديده انخفضت وبشكل ملحوظ وليست سوبارو فقط .
صديق عزيز عنده لاند كروزر مضرب المثل ما تعدى 90 الف موديل 2010
وراحت المكينة ! وجميع صيانة السيارة وغيار زيوتها بالوكالة .
انا عندي تشارجر وماشي 118 الف وراحت المكينة ! نقارن بالقديم
سوبارو 2003 شدة المكينة عندي إلى 355 الف وودعت المكينة .
نرجع اكثر عندي سيارة لوريل نيسان موديل 1988 ومشت عندي 550 الف
ولا فكيت مكينتها حتى وقت البيع !!! مع العلم استخدامي لها قمة
السوء .. تاكد كل السيارات اصبحت تجاريه وكأنها مصنوعه في الصين .
وليست سوبارو فقط .
