ترافيرس 2013 أو فورد إكسبلورر 2013

الاكسبلورر كله مشاكل ...

دفع امامي وليست خلفي مثل الجيل السابق ...

تنسيم و بالتحديد من السقف مع فتحة البانوراما ...

و مشاكل ياكثرها صراحتا مني مفتكررها للاسف ...

وهدا غير انها سيارة كروس مو مثل الجيل السابق جيب و تدخل في البر و المناطق الوعرة بكل سهولة ...

الفاهم في عالم تقنية وآداء السيارات راح يختار الأكسبو بدون أدنئ شك

ولكن السؤال المُهم هو ( هل الأكسبو فيه خرابات أو عيوب تصنيع ؟) ...

بالتوفيق .

الي جرب أو عندهـ راي لا يبخل علينا ..

جربت السيارتين عشان تحكم ؟

الترفس افضل في الاعتماديه من الاكسبولر. الجديد.

قلت بنتظر يمكن ينزل العرض عندنا بالشرقيـــة ..

^^

أجل الافضل تروح فرع الرياض

توفر 24 الف وربما تلاقي الوان اكثر وتعجبك

تسلم أبو مشاري ..

ردك شرف لي إستفدت كثير من معلوماتك ..

....


اليوم مريت على فرع مازدا الدمام .. بعد التعب و الشقا على ما أعرف مكانه ..

و معي الأهل .. مكانه وين ما غوى بليس ولدهـ مع هالعديلات ..!!

بالنهاية أروح .. أخبر سعرها كامل الفل أبشن بـ 124 ألف ..

إلا يقول لي لا سعرها بـ 148 ..؟

قلت له أنا متأكد فيه عرض .. بالأخير دخلت على موقعهم من الجوال و رويته ..!!

طلع العرض ما يشمل فروع الشرقية ؟؟

وش هالمسخرة ؟؟ ليش الشرقية دون غيرها ؟؟

سعرها بغير الشرقية بـ 124 ألف

و هنا بالشرقية بـ 148 ؟؟

ليش هالخربطة ؟؟ حتى بالإعلان حاطين العرض لا يشمل فروع الشرقية ..!!

السلام عليكم
أشكرك أخي العزيز ...

الترافيس ماحطيتها في القائمة لعدم الرغبة فيها شخصياً وليس انتقاصاً بالسيارة نفسها
علماً أني أعتبر (كل السيارات) رائعة وكل ماركة لها زبائن وعشاق وهذا أمر طبيعي ...

للأسف ماعندي معلومات عنها بسبب أني ماخضت في مواصفاتها.

تحياتي لك

إستمتعت أقرأ كلامك ..

شكراً لك من الأعماق على هذي النصائح ..

:smile:

بالنسبة للخيارات الي حطيتها الترافيرس ليش ما حطيتها من خياراتك ؟؟

هل عندك معلومات عنها أو خبرة مسبقة ؟

السلام عليكم

اخي العزيز ... اليك النصائح والله يوفقك بإذن الله

أولاً: طبيعي أنك بتشوف مشاكل عن كل سيارة في أي منتدى تدخل فيه لأن مستحيل بتشوف شخص مرتاح مع السيارة وماعنده أي مشاكل وتشوفه يدخل منتدى!!
إذن ... متى الشخص يدخل للمنتديات؟ ... بحثاً عن حلول فقط ... بمعنى أنه يعاني من مشاكل وهذا هو الإجراء الطبيعي.
إذن ... إذا الشخص مرتاح مع سيارته فمستحيل أنه يبحث عن منتديات! لعدم الحاجة ... كذا بكل بساطة


ثانياً: لو تقارن عدد اللي يدخلون المنتديات ويطرحون المشاكل كم عددهم تقريباً؟ مائة؟ مائتين؟ ألف؟؟؟ قارنها بعدد المبيعات لنفس السيارة كم؟ عشرات الألوف ... هل يفسر هذا شيء عندك؟ .... نعم أعتقد أن له تفسير واحد وهو عدد السيارات بدون مشاكل أكثر بكثير من عدد السيارات بالعيوب المصنعية والمشاكل المتنوعة.

ثالثاً: كثير من السائقين للأسف عنده جهل في السيارة نفسها ولذلك سيقوم بإنزال مشكلته في أقرب منتدى متخصص!! وهذا راح يزيد عدد المواضيع التي تتحدث عن مشاكل السيارة وأنت كقارئ سيصعب عليك التمييز حينها بين الصحيح والخاطئ!

رابعاً: كثير من السائقين لديهم وسواس السيارة الجديدة ... بمعنى ... أنه يتحسس من أي شيء في السيارة!! وهذا لا يعيب السيارة في الواقع بل العيب فيه هو.



الآن النصائح ...
- السيارات كلها رائعة وممتازة وتختلف باختلاف مواصفاتها واكسسواراتها ومميزاتها وأشكالها ... الخ
- أنت من يحدد نوع السيارة التي تناسبك بعد استشارة أهل الخبرة والتجربة.
- يجب عليك تجربة قيادة السيارة قبل شراؤها لأنك راح تكتشف أنك مرتاح للسيارة وممكن تكتشف العكس بمجرد ركوبك فيها وهذا أمر مهم وخطير أحياناً.
- يجب عليك معرفة متطلباتك من السيارة علشان اهل الخبرة يساعدونك في مشورتهم حسب احتياجاتك.
- شكل السيارة أعتقد أنه شي خاص بك فقط (وفقط) لأنه ذوق ... وماعتقد من حق أي شخص يقولك السيارة هذي أحلى من السيارة الأخرى!



تجربة شخصية:
كان عندي تاهو 2009 LTZ شريته من الوكالة عام 2009 وبعته في يناير 2013 والموتر ماشاء الله تبارك الله ممتاز وفخم جداً وقوي بمعنى الكلمة وسيارة اعتمادية بكل تأكيد ... طبعاً فيها عيوب (حسب وجهة نظري) ولكن بشكل عام السيارة كما وصفتها لك تماماً.

الآن ... عندي سيارة إكسبلورر 2013 شريتها من الوكالة في يناير 2013 واختياري للسيارة هذي تحديداً كان للأسباب التالية:
1- حجمها أفضل بكثير من سيارتي السابقة (السيارة السابقة كبيرة كثير وأنا عائلتي 4 أفراد فقط علماً ان الحجم زهقت منه).
2- شكل الإكسبلورر الخارجي رائع جداً وفخم (نفس سيارتي السابقة شكلها الخارجي أحد أسباب شرائي لها).
3- فخامة الإسكبلورر من الخارج والداخل في المواصفات شدتني لها بشكل كبير.
4- مواصفات الأمن والسلامة في السيارة عجيبة وهذا أكثر الأسباب اللي رجحت عندي شراء السيارة.
5- جربت السيارة قبل الشراء في قيادة تجريبية وارتحت لها جداً والحمدلله.
6- طبعاً استشرت عدة أشخاص من قريب وبعيد واستفدت من المنتديات (وكنت منتبه أن المشاكل في المنتديات فردية وليست ظاهرة عامة).
7- توكلت على الله واشتريت الموتر بقرار واضح وبدون أي تذبذب وأنا فاهم تماماً عيوبها ومميزاتها التصميمية والتقنية والفنية.


طبعاً ... قبل شراء الإسكبلورر كنت أقارنها بالتالي:
1- أكاديا 2013
2- تاهو 2013
3- سانتافي 2013
4- إكسبلورر 2013


والحمدلله ... القرار كان من نصيب الإكسبلورر باقتناع تام مع كامل الإحترام والتقدير لباقي السيارات الرائعة الأخرى ...


هذه نصيحتي لك لوجه الله وأتمنى أني ماكون أخطأت سهواً في شيء ... موفق لكل خير أخي العزيز محمد ... والسلام

كلام جميل

ننتظر رأي البقية

^^

انا قلتلك السيارة ماجربتها

لذا ماقدر أعطيك رد واضح وصريح

لاكن انتظر رأي مجربينها

والمازدا وكيلها سيئ حسب كلام مجربينها

اما الفورد وكيل جيد جدا ومتوفر له فروع بأغلب المدن ويوفر كل قطع الغيار

يعني في رآيك المازدا ما تنفع لـ 7 سنوات و أكثر ؟

مع إني بسعر الستاندرد تبع الـ فورد إكسبلورر أقدر آخذ مازدا فل ..!!

^^

أنا صراحه ماجربتها

لان اذا تبي 7 سنين خذ فورد اكسبلولر

لو تشوف في الشوارع بتحصل اكسبلولر 2004 وزي الفل الى الان

وفيه واحد امريكي معه وانيت f-150 ماشي عليه مليون وكسور وزي اللوز

و الله يا أخوكـ شيء يحير الواحد ..

فعلاً الصوت الي بالأبواب هو أكثر شيء أسمع عنه و العز

و الفاكم بعد لو دخلت و تعمقت في المواضيع بتلقى البعض بدله 4 مرات و هي السيارة مشت 660 ألف

أنا تفحصت المنتدى بزيادة و دخلت على عمق المشاكل ..

حتى مشكلة الصوت و العزل يقولوا تروح الوكالة و يوزنون الأبواب ..

عموماً هي خيار مناسب كون سعرها مقارنة بغيرها ..

بس سؤالي الأهم ..

كم تتوقع تدوم معي ؟ أنا أبيها تخدمني لأكثر من 7 سنوات كحد أقل ..!!

هل هي عملية .. على المدى الطويل ؟

و لاهنت على مشاركتك و طرحك لتجارب ملاكها

والله يالغالي استغرب كيف استبعت المازدا
ترى لو تدخل لمنتدى تويوتا بكبرة اللي هي الشركة اللي ينظرب فيها المثل بالتحمل والصبر بتلقى فيها مشاكل تشيب الراس بس هي لكذا سيارة وظروف
بس المازدا مع ولد خالي وحدة موديل 2010 ماشية 90000 ولا قد اشتكى منها ويوم اكلمه عن المشكلة حقت الفرامل قال لي يارجال كلام منتديات وزميل اخوي معة وحدة 2011 ويمدحها وولد عمي توه شاري 2013 فل ومشت معه 3000 واخوي الحين بعد توه شاري وحدة والحين ماشيه1000 وكلنا ما اشتكينا منها الشيء الوحيد اللي اشوفه عيب فيها هو عزلها للهوا ماتحسه قوي مرة بس مايهم السماعات بوز زين ان سمعت للي جنبك
والله انا من رأيي انك تعيد النظر في المازدا
بعدين حتى يوم تقول مشاكلها في المنتدى واجد انا داخل في المنتدى ودخلت على موضوع هو هل تنصحوني في cx-9 ومالقيت اصحابها يذمونها دليل ان الموتر يطيب الخاطر

و الله ينخاف من المازدا ..

بحثت عنها كثير يطلع مشاكل في الصوت و الهوا