مع كامل احترامي للجميع .. اللي يقول لك كوري مافيه جودة ماعنده سالفة ..
روح بنفسك للوكالة وشوف الأزيرا والماكسيما على الطبيعة ..
وحاول تطلب قيادة تجريبية (( وشوف الأزيرا بلاستك والا طوب أحمر !! ))
صوتي للأزيرا ليس تعصباً ولكن ما أعرف أحد عنده ماكسيما يمدحها بعكس الأزيرا
ولو لك خاطر بالمستعمل بتلاقي لكزس ES نظيف جدا بالمبلغ اللي معك ..
+
أكيد الازيرا أفضل بكثير موصفات جوده فخامة قطع رخصية + أنتشار أكثر من المكسيما ،، ولا يهمون الي يقولون الكوري ووو الخ لو كلامهم صحيح ماكان شفت انتشار الازيرا والسونتا و اللنترا واالكسنت كبير !
وقت عند أي اشيارة وبتشوف كلامي صحيح ولالا
أما من ناحية المكسيما كانت مع اخوي موتر فاشل شرط تهربد معك ودور لها زبون بعد كم سنه وفوقها قطع غيارها اغلى من الازيرا
بختصار النسيان مافي الا الددسن فقط !
أنتبه لاتستعجل بشراء اي سيارة ولايهمك راي 5 6 7 اشخاص اسال وشاور وجرب وشوف بعينك !
[COLOR=blue]بالتوفيق لك حبيب قلبي
[/COLOR]
انا اقولك مافيه جوده وابصم بالعشره .. الا اذا انت ماجربت الياباني وقتها ما الومك .. اكيد بتقول الكوري المخيس جودته ممتازه
جربتها من عام 2006 اشترينا سوناتا وياليتنا مااخذناها .. تمشي وتطفي من اول يوم الين اخر يوم راحت فيه التشليح وكان السبب انها طفت في تقاطع ,,
الثانية 2012 كيا سيراتو .. قلنا لا خلاص تطور الكوري ماعاد مثل قبل وانتشر وهذا دليل جودته واسعاره رخيصه مقارنه بالياباني
بعد شراء السياره بكم يوم انتبهت لمشكلة فيها الي هي لما تمسك بريك مفاجئ السيارة تطفي مثل خويتها السوناتا .. بعتها الله لايبارك فيها واخذت هوندا اكورد 2008 قديم لكن والله موووووووتر انا اشهد وابصم واعترف واقر ان الياباني لا ينافس الا نفسه في الاعتمادية والجودة
اما الكوري بصراحه وبكل امانه للطفرانين فقط لاغير .. وانت ماشاء الله عليك دكتور ابتعد عن المواقف المحرجه مع سيارات كوريا ((ابوكلب)) وخلك مع السيارات الاعتمادية والمعروفه
والله ثم والله ان الكوري ماانتشر الا بسببين
1- غلاء السيارات اليابانيه مقارنه بالكوري
2-الكماليات التي اضافوها الكورين لجذب انظار المستخدمين
وهنا الشعب طفران .. على طووووول اشتراهم .. وراح يحصل لهم نكبه مثل ماحصلت لاصحاب الكوابرس واللومينا ايام 2000 الى 2007 تقريبا .. بعدها ماعادت اشوف الكوابرس الجديده في الشوارع .. وبالاول كان بكل لفه وبكل اشاره وبكل مكان
انتبه يا اخي نصيحه مجرب اقولها لك .. انت دكتور وماينفع لك كل يومين السياره طافيه ومتعطله ولا اقل حادث بسيط المجتمع والانسانيه تفقد انسان غالي ومهم مثلك بسبب ردائة التصنيع الكوري ..
حفظك الله وجميع المسلمين شر الحوادث
