السلام عليكم ورحمه الله وبركاته
اخواني انا شريت لومينا موديل 2008 من سنه ونص تقريباً
ولاحظت فيها مشكله اني اذا دعست بقوه تولع لمبه الزيت
وهذي المشكله ماطلعت الا قبل 7 شهور تقريباً
يعني مو من اول ماشريت السياره
وفحصت السياره وطلع ضغط الزيت متوسط
وانا اغير الزيت اول بأول
المهم ناس قالوا لي طرمبه الزيت
واليوم رحت لميكانيكي شامي وقالي يمكن راعي السياره القديم مهمل
ويمكن يكون عندك انسداد في مجاري الزيت ومايوصل الزيت كويس
ولازم تفك المكينه وتنظفها وتغير طرمبه الزيت وجلدتها ومدري وش بعد
الزبده بيكلف علي واااجد واللمبه ماتطلع الا قليييل مره مره
المهم خوفني وقال يمكن تكبر المشكله عندك وتخبط المكينه
الوكاد واحد من ربعي قالي لاجيت تغير الزيت فيه شي يحطونه بالمكينه ينظفها اسمه فوكس الظاهر حطه وخل الموتر شغال 10 دقايق وان شاء لله يزين
وش رايكم ؟
اسمع كلام الميكانيكي ولا كلام خويي ولا اغير الطرمبه ولا وش اسوي ؟
ارجوكم ساعدوني
