السلام عليكم ورحمه الله وبركاته !!
كيف حالكم ؟
انشاء الله بخير وصحه وعافيه !!
_________________________________
حبيت اطرح عن موضوع دبه الشكمان الي لها علاقه بالتلوث !!
تجربتي بسيطه جدا كانت على سياره يوكن دينالي 2005 امريكي !!
وتم فك الدبه من قرابة 6 او 7 سنوات او اكثر مش مفتكر !!!:bigggrin:
طبعا الوالد كان ذاهب لحل مشكله في السياره وهي مشكله الحراره !!
طبعا المشكله هذي مش انه السياره ترتفع حراره والامبير يطلع على النص لا هي بس وقت ما توقف عند اشاره في عز الحر المكيف ما يجاوب وعزم السياره يكون اقل لأنو السياره حاره !!!
ذهب على ورش كثير فنصحوه يفرغ الدبه وهي يفك شي شكلو مثل خليه النحل الي هو مثل فلتر له علاقه في تنقيه هواء العادم الي هو الشكمان !!
تقدر تقول السياره تحسنت شوي لكن ليس بالشكل المزبوط واخيرا الوالد حصل الحل المناسب وهو انه يوديها على ورشه كبيره نصحو فيها واحد كلم حق الورشه قالو الحل بسيط جدا مروحه مع المروحه الرئيسي وبنفس حجمها يعني حيصير عندك مروحتين مقاس كبير على كيف كيفك بالفعل ركبها وكلفت 2300 او اكثر السالفه قديمه ومش مفتكر الاسعار بعد تركيب المروحه الاضافيه صار واضح جدا صوت الهوا لما تدعس للمكينه مشاء الله صوت رائع ولما تفتح الكبوت تقدر تشوف قوه دفع الهوا طبعا هذي المروحه تشتغل حسب الحاجه يعني ممكن في الشتا تشتغل بس الرئيسيه يعني من الاخر شغل مرتب مش اي كلام وتكون مخفيه يعني ما حتبين انك مركب مروه تانيه الا لمن تشغل الميكنه وتشوف قوة الهواء والحمد لله بعد تركيب المروحه انحلت المشكله وصار تقدر توقف في الاشاره في الضهر وانتا عم تتكيف ومرتاح والعزم افضل بكثير :xyxthumbs: !!!
وبكذا انتهت القصه الي مر عليها 6 سنوات او 7 سنوات حبيت اطرحها للفائده !!
طبعا بشكل طبيعي المواصفات الامريكيه تختلف عن السعوديه من فلتر التلوث لقوه المراوح والاشياء هذي فممكن في اليوكن السعودي ما تواجه مشاكل مثل كذا !!
نجي لدبة التلوث سلبيات وايجابيات فكها !!:
السلبيات :
1- اضائه لمبه المحرك مع الوقت تصير شي عادي :bigggrin: وللعلم حتى لمن تركب سوبر اتشارج او فلتر هواء تطلع لك لمبه المكينه للتخلص منها هنالك برمجات معينه ومكلفة في نفس الوقت !
2-انك بكذا تضر بالبيئه :blue:!
الايجابيات :
1- صوت السياره بس تدعسلها طرب لكن ممكن يكون صوت مزعج للناس الي ما يحبو الضجيج يعني الصوت برتفع اشوي !
2-المكينه تطرد كل شيء بسهوله وانا لاحضتها في دول سافرت عليها كنت اعبي ارخص بنزين وكان في شيء يخلي صوت الشكمان يعلو وهذا يدل على انو بقايا الاحتراق تزيد لسوء البنزين فراح تتخلص منو من خلال الشكمان ببساطه دون ما يسوي ضغط بسبب وجود دبه التلوث !
3- في الشتويه هذي الشباب يقلون لي بس تدق السلف السياره مشاء الله تطلع ماء مع الشكمان وهذا يدل على نضافة المكينه :xyxthumbs: !
____________
نجي لشياء قرئتها واشياء يتناقلوها الناس !!
سالفه ان السياره ما تنجح في الفحص الدوري انا فحصت السياره اكثر من مره ونجحت السياره على طول وبأمتياز بدون حتى ما يكتب كن حذر . سالفه الكربنه هي ممكن تكون في المكينه نفسها يعني دبه التلوث تلعب دور لكن لو تجي بشكل علمي هو انك ما تخلي شي يعترض ما تطرده المكينه من بقايا احتراق وتوسعلها الطريق اكيد افضل للمكينه !!
سالفه العزم وضعف العزم وزياده العزم يتعلق بأشياء كثيرة الشارع سلامه الكفرات كفائه المكينه درجه حراره المكينه الي لها علاقه بدرجه حراره الجو نفسه وحتى لوكان فك الفلتر بزيد عزم بعض السيارات او بقلله حيكون بشكل بسيط جدا يعني لو بنتكلم عن شي يزيد العزم ممكن نتكلم عن سالفه فلتر الهواء مو عن سالفه دبه بيئه !!
استهلاك بنزين السياره :c0214: اولا البنزين عنا رخيص والحمد لله ولو كنت في بلد اخر ما حفكر اساسا اخذ سياره بمحرك 6 لتر لكني ما عندي خلفيه فعليه هل يأثر او لا لكن ما ضنيت انو له دخل اساسا في استهلاك البنزين يعني صعب تلاقي سبب تربط من خلالو استهلاك البنزين بدبه التلوث هذا بالنسبه لليوكن !!
شيء حقيقي وحاصل انو حقون الشكامين في الصناعيه يخلون الناس تفك الدبه لأنه فعليا حشوه الدبه الي هي مثل خليه النحل سعرها غالي من 100 الى 200 دولر حسب حجم الدبة واكيد لو اخذوها ببيعوها وبستفيديو منها لكن انا بالنسبه لي الوالد خذها معو لأنو ما يحب يخلي ولا مسمار حتى لو يرميه ولا يعطيه للمكانيكي ويقول ممكن يستفيد منو بعدين او يرميه اذا مر عليه وقت وما طلع منو فايده !!
عن تجربه 7 سنوات بدون دبه تلوث وبمروحه اضافيه بسياره يكون دينالي 2005 الحمد لله 7 سنوات مشاء الله عسل وتمام التمام تكيف ممتاز جدا مافي مشاكل حراره و العزم تمام !
ملاحضة :
الموضوع متعلق بسياره يوكن ممكن من سياره الى اخرى يختلف الموضوع معاك !!
حبيت افيدكم بتجربتي :xyxthumbs: واطلعت على كثير من المواضع في الانترنت علشان اقدر اعطيكم اهم الاشياء المتعلقه بالموضع !!
تحياتي ...
