اكورد فل مخمل او مكسيما ستاندر ..

3zieo @user_291068 · 14-03-2013

السلام عليكم ورحمة الله وبركاته

مساكم الله بالخير جميعاً ..

قبل اسبوعين حجزت اكورد 13 فل مخمل 4 سلندر .. قيمتها 107 ,( الفل تزيد عنها شاشة خرائط وسماعة وجلد ومرتبة الراكب تماتيك )

وقالوالي من 20 الى 25 يوم .. رحت لهم امس بستفسر متى موعد الوصول , قالوا برضوا باقي لها حوالي 20 يوم !!

المهمم اني رحت فكرت واحترت هل اسحب عربوني منهمم .. بسس مافيه سيارة خشت مزاجي مثل الكورد .. رحت للوعلان ركبت الازيرا .. ماشش ماخشت مزاجي ابد ..

رحت للعيسى بشوف المكس (طبعاً انا اول مانزلت المكسيما الجديدة 2010 كنت اتمنى اني اشتريها وكانت اكثر سيارة اتمناها بس ماكنت قادر وقتها )

طبعاً ما اقدر الا على الاستاندر اللي ب 107 ( نفس سعر الاكورد اللي حجزتهاا )

واحتررت زيادة لأن المكسيما 6 سلندر طبعاً وبنفس قيمة الاكورد ال 4 سلندر !؟

مكسيما 6 سلندر vs اكورد 4 سلندر
مكسيما شكل له 4 سنوات vs اكورد شكل جديد

مع العلم اني طالب جامعي يومياً ادوام برا الرياض حوالي 90 كيلو وسرعتي ماتقل عن 160

فـياصحاب المكسيما كككيف رساوتها مع الخطط وعزلها ؟؟؟

ياليت اللي موتره مشا واجد يعلمنا عن العيوب

ويا اهل الخبره وش افضل مع الخط المكس ولا الاكورد ووش افضل مواصفات بين الفئتين اللي قلتها ؟

عبوودي181 @user_65627 · 30-03-2013

انا كان عندي اكورد 2005 والحين عندي مكسيما 2010 لها عندي سنتين وانصحك بالمكس لعدة اسباب اولا بنسبة لقطع الغيار فأكيد ارخص وانت جربت الأكورد وتعرف اسعار قطع الغيار التي تعتبر غالية تقريبا وبنسبة للوكيل فالعيسى بيعطيك عرض بيريحك كثير اللي هو ضمان 5 سنوات مفتوح الكيلو يعني اكرف السيارة الى 2018 وانت مرتاح البال كل شي على الضمان
وبنسبة للعيوب في وجهة نظري شي واحد وهو ميزه في نفس الوقت اللي هو التعليق الرياضي السيارة قاسية في المطبات لاكن خذ رساوه وثبات وبنسبة للعزل مره ممتاز والأفضل انك تاخذ النص فل لأن فرق السعر بسيط والمميزات تفرق كثير مثل الطاره كهرب والزنون والكشافات و الفتحة والحساسات

ACTION @user_50033 · 30-03-2013

انا من رأيي تستخير وتشتري ماكسيما لسبب محركها القوي ماشاءالله، للي يقول انها ستاندر، احب اقول ان مواصفات الماكسيما للستاندر تعتبر لنصف فل للسيارات الأخرى بدليل وجود: 1- 6سيديهات 2- كراسي كهربائية للسائق والراكب 3- فتحة سقف 4- تشغيل بصمة 5- 6ياريباقات 6- حساسات أمامية خلفية 7- مقود جلد وناقل الحركة8- فرامل اي بي اس وتراكشن .. ولسى باقي مواصفات

نتفائل خير بالعيسى الوكيل الجديد، الله يوفقك .

بلحروووز @user_278899 · 26-03-2013

حلات السيارة لا جاتك فل ياخي تستمتع فيها

بغض النظر عن المكينة اكيد منت راعي دعس كل شوي

التصميم اللي انت مقتنعه خذه و اذا تبي الاكورد انقز ع المعارض و شوف الجديد و ارخص من الوكيل

(fawaz) @user_107618 · 26-03-2013

اخوي بخصوص الصيانات اشوفها مو مهمة
فقط يروح ل20000 و 40000 و 60000 و 80000
والباقي ون ستوب موجود
ويكفي انها v6 حتى لو مايحب السرعة
بس راح يعرف ان في موتر تحت يده

(fawaz) @user_107618 · 26-03-2013

^^^^^^^^^^^^^^^^^^^^^^^
خد نص فل مواصفاتها حلوووه جدا
لاكن بدون جلد لاكن حساسات امامية وخلفية
والسماعات بووس وكم حاجة حلوووه
بخصوص الهربدة اتوقع انك ماسقت مكسيما الجديده
فيها متانة وجودة ماتلاقيها في غيرها
موتر اخوي ماشي +60 الف 2010
وانا موتري التيما يشبة المكسيما في القطع بشكل
كبيير اغلب الاشياء نفس بعض وماشية 160 الف
والحمدلله بدون هربدة
وبأذن لله ماراح تندم لو اخدتها

رآعي القرآندي @user_140249 · 26-03-2013

3

3zieo

رحت للعيسى مرة ثانية واستفسرت عن الفئة اللي فوق السوح .. تزيد عنها زنون وتعشيق على الدركسون و6 سيديات وجلد اذا ماخانتني الذاكره ب 111 الف .. اذا خذت باخذها .. الاكورد للحين ماجت ولا زلت محتار بين السيارتين

بما انك صاحب مكسيما كم موديلها وكيف الجوده ( اذا كانت سيارتك ماشية كثير )

اللي مخوفني الهررربده .

ولو شكل الديكور مع النافقيشن يختلف كثيييير عن الشكل حق ديكور المكيف

سيارتي 011 ماشية فوق 70 الف قطع غيارها ارخص مما تتصور
لا هربدة ولا هم يحزنون اللهم تربيط و تشحيم كل صيانة
مع العلم ان موتري قالبه جيب يدخل بكل مكان و احيانا ارقى رصيف و زي العسل معي
المشكلة ان الصيانة غالية خاصة 20 و 40 و 60 يعني ادفع بالمتوسط 1200 ريال لأنها المهمة
اما الخمسات و العشرات الفردية زيت و فلتر بس عند اقرب محطة

3zieo @user_291068 صاحب الموضوع · 26-03-2013

ر

رآعي القرآندي

الماكس السوح : بدون جناح / بدون مبدل سرعات على الدركسون / بدون نظام صوتي / بدون زينون

انا سيارتي فل كامل و الماكس بشكل عام ياتشتريها فل كامل ولا عمرك ماشريتها .. فرق كبير كبير
بالخطوط مافي افضل من الماكس كتجربة .. يكفي كفراتها تعيش معك امان و رساوة اعلى من الاكورد
رحت

بالنسبة للاكورد الجديدة مواصفاتها رهيبة و تبقى مقاربة للماكس بالخطوط فكن مكينة 4 سلندر بالخط موب زي 6

الراحة كل السيارتين قاسيات و انا راكب اكورد نفس مركب الماكسيما لكن مساعداتها اريح من الماكس

انا اقولك اياها و انا امتلك ماكسيما . اشتري اكورد فل كامل بذا السعر ولا اشتري ماكسيما سوح

رحت للعيسى مرة ثانية واستفسرت عن الفئة اللي فوق السوح .. تزيد عنها زنون وتعشيق على الدركسون و6 سيديات وجلد اذا ماخانتني الذاكره ب 111 الف .. اذا خذت باخذها .. الاكورد للحين ماجت ولا زلت محتار بين السيارتين

بما انك صاحب مكسيما كم موديلها وكيف الجوده ( اذا كانت سيارتك ماشية كثير )

اللي مخوفني الهررربده .

3zieo @user_291068 صاحب الموضوع · 26-03-2013

A

Ahmad Al-Sabban

بالنسبة لي - باقل لك خذ الاكورد

شكل جديد , ومواصفات معقولة ( هل فيها كاميرا ؟ لان الكتيب موجود فيه ان الفل مخمل بدون كاميرا )

والماكسيما سيارة معروفة لكن وضع نيسان بالبلد مضطرب والشكل قديم

وصراحة مااحس ان حكاية الستة والاربعة سلندر بتفرق معاك , بالعكس مع وجود ساهر فالاربعة سلندر افضل

لا مافيها كاميرا ..

ولاهنت :)

رآعي القرآندي @user_140249 · 21-03-2013

الماكس السوح : بدون جناح / بدون مبدل سرعات على الدركسون / بدون نظام صوتي / بدون زينون

انا سيارتي فل كامل و الماكس بشكل عام ياتشتريها فل كامل ولا عمرك ماشريتها .. فرق كبير كبير
بالخطوط مافي افضل من الماكس كتجربة .. يكفي كفراتها تعيش معك امان و رساوة اعلى من الاكورد
رحت

بالنسبة للاكورد الجديدة مواصفاتها رهيبة و تبقى مقاربة للماكس بالخطوط فكن مكينة 4 سلندر بالخط موب زي 6

الراحة كل السيارتين قاسيات و انا راكب اكورد نفس مركب الماكسيما لكن مساعداتها اريح من الماكس

انا اقولك اياها و انا امتلك ماكسيما . اشتري اكورد فل كامل بذا السعر ولا اشتري ماكسيما سوح

DJ-SnoopY @user_23750 · 21-03-2013

وكيل نيسان سيء في هذي اللفتره

بس اذا بتاخذها من العيسى هو يضمنها لك

شي ثاني لازم تعرفه ان الماكسيما تعتبر رياضيه من ناحيه التعليق يعني بيكون قاسي والجنوط كبيره مقاس 19.. وفرق الماكينه الماكس 290 حصان

بس راح يكون شكلها مميز بسبب قلتها

والاكورد اتوقع بعد فتره راح تنتشر بشكل اسرع

techmate @user_74279 · 20-03-2013

السلام عليكم
107 ألف عندك بدائل
أكورد نص فل
كامري SE
أوريون SE
شارجر السياحي
توروس السياحي

H-KYD @user_76343 · 19-03-2013

اول شي الله يوفقك في دراستك
ثاني شي الله يهديك السرعة مهب زينة ون كنت سواق غيرك لا

وتبغي رايي الاكورد ....لان وكيل النيسان حتي الجديد لازال في وضع حرج وانت في غنا عن المواقف المحرجة
واعجبتني نقطة ...الازيرا ماخشت مزاجي.......
اتمني لك التوفيق

حبة خال @user_34450 · 19-03-2013

شوف كشكل الماكسيما احلى من الاكورد بس يبقى ان الاكورد شكل جديد وماعلامه

المشكله ما ابي اضلم نيسان بس انا لي تجربه مو كويسه مع نيسان فما احب اظلمها

الاكورد حتى لو اخذت اربعه سلندر تراه مووووتر صدقني تحس انك راكب سياره المانيه روووووعه ورساوه بس العزل لا باس به ... انصحك بالاكورد الشكل الجديد .... الماكسيما شكلها سنتين وبيتغير فحرام تقط 100.000 على موتر بيتغير شكله قريب

(fawaz) @user_107618 · 19-03-2013

المكسيما راح تعيش معاك
عندنا 2010 ثاني دفعة والا الان الحمدلله دون مشاكل
وماراح تحتاج الصيانة الا بعضها زي 80 الف وفوق
اما اشياء غيرخا بادن لله ماتحتاج
واستخير الله قبل كل شي

ابو عبدالله1417 @user_269008 · 18-03-2013

اولا وكيل نيسان ززفت يعني راح تتعذب كثير معه ووضع الوكالة بالسعودية غامض كل يوم من يد الى يد

ثاني شي انت تبي سيارة تسوقها ولا تبي تشارك بسباق سيارات الظاهر نسيت شي اسمه ساهر

لذلك انصحك بالاكورد سيارة رساوه هدوء وممتعه بقيادتها وعمليه جدا

عاشق السيارات66 @user_289468 · 18-03-2013

انتظر لنزول امازدا 6الجديدة تراها روعة وسعرها الفل ارخص من الاكورد والمكسيما بكثير ومواصفاتها اقوى وافضل

alkersawi @user_290052 · 18-03-2013

انصحك بالاكورد انحش من الماكسيما عندي التيما 2008 انواع الاصوات والازعاج مع اني محافظ عليها ولا تنسى نيسان سحبت الوكالة من الحمراني يعني ستجد صعوبة في توفر قطع الغيار

Ahmad Al-Sabban @user_134747 · 18-03-2013

بالنسبة لي - باقل لك خذ الاكورد

شكل جديد , ومواصفات معقولة ( هل فيها كاميرا ؟ لان الكتيب موجود فيه ان الفل مخمل بدون كاميرا )

والماكسيما سيارة معروفة لكن وضع نيسان بالبلد مضطرب والشكل قديم

وصراحة مااحس ان حكاية الستة والاربعة سلندر بتفرق معاك , بالعكس مع وجود ساهر فالاربعة سلندر افضل

عشق هوندا @user_152452 · 18-03-2013

دامك راعي خــط خذ جينسيس وبتدعـي لي
رسـاوة وعزل افضــل بمراحل من الاكورد والماكسيمـا ومريحـة جداً وسيــارة خطوط

وإذا حيرتك بين الاثنين بس ارشــح لك الماكسيمـا بحدارة :xyxthumbs:
الاكــورد من فئة الالتيمـا وماتقـارن بالماكسيما