السلام عليكم ورحمة الله وبركاته
تحية طيبة لكم
عندي كرسيدا 95 واحتاج لتوضيح بعض المعلومات منكم ..
1- الزيت عندي احسه يسّود بسرعة، غيرته الأسبوع الماضي واليوم اشوفه شبه مسّود !
البنشري قلي استمعل زيت غسيل المكينة ، فما اعرف عنه أي معلومة .. خصوصا السيارة تقريبا الان ماشية اكثر من 300 الف الى 400 الف .. ومواظب شخصيا على تغيير الزيت والفلتر .
2- بخصوص تنظيف الكربرتير، هل فيه مخاطرة لما يبخ البخاخ ؟ سمعت شخص قال يحتاج له وزنية عشان لايعدم عليك شيء معين .. خصوصا السيارة تهنق شويتين لما اشغلها ( مغيّر طرمبة البنزين ) .. والبواجي برضه لي شهر مغيرها .. لما طلع القديمة قلي مكربنة ( وقبلها بسنة غيرتها !! ) .. فلما غيّر لي البواجي + طرمبة البنزين + غيّر وزنية الكربريتر صار فيه دخان اسود .. مع الوقت والدعس راح ..
3- المساعدات عندي مفقعة من سنتين ، فحاب اسئل عن سعر التغيير المبدئي، وابغى اعرف شكل المقص الخاص بوزنية الكفر عشان لا ينمسح علي ..
4- لما اطفي السيارة احيانا، تبدأ تطلع صوت من المكينة وتهتز السيارة ، كنها تتنافض وبتموت .. :bigggrin: وش السبب تعتقدون ..
5- زيت الكلتش بدأ يسود ، هل تنصحوني اخليه يفرغه وأعبيه من جديد بحيث يبقى جديد الزيت ؟
6- علبة الرديتر اللي اعبي فيها موية، هل تحتاج لغسيل او نظافة .. خصوصا الحمدلله استعمل السائل الأحمر ( الحرارة عندي تمام ، لكن من باب خلص مشاويرك بالمرة :bigggrin: )
اخيرا اي نصيحة حابين تشاركوني فيها اكون شاكر لكم ..
