محتار بين سيارتين

انصحك وبقوة وخاصة اذا كانت فل كامل

ممتازة خحا التشارجر كان احد خياراتي اس ار تي ابيض او رصاصي قبل لا اشري الكزز

شارجر rt
رساوه
امان 10على10
قوة بدي
هيبه
شبابيه من الدرجه الاولى
سرعه (الكابرس يتفوق فقط من هالناحيه)
ومن ناحيه السرعه 8سلندر و365حصان على ما اعتقد لاكن الكابرس يروح عليها على كلام الناس بفارق قليل
وعندك الفخامه داخلي وخارجي لايعلى عليها
عندك الرساوه والعزل مافي احسن منه
وفيه نوع الستاندر ايضا لايقل شي عن اللي ذكرته ولاكن مكينته 6سلندر والداخليه تفرق طبعا لمصلحه الار تي

اما من ناحيه الخرابات انا ناوي على تشارجر ستاندر قيمته 100الف تقريبا
رحت للوكاله قبل امس قالوا لي السياره ممتازه عمليه من الدرجه الاولى وقطع غيار ايضا رخيص
على كلام ناس اعرفهم خوفوني من هالناحيه لاكن الوكاله طمنوني صراحه

اعذرني على الاطاله ونصيحتي لاتطلع من الدوج او الكرايسلر فيه مواتر ايضا كثيره بحدود القيمه اللي ذكرتها
مثلا لكزس es فخامه مارسيدس من جوا وسعرها مايطيح ابدا

وعليكم السلام والرحمة :)

الكابرس أخوي نصيحة لك لا تشتريها، أولاً لأن سمعتها مو خافية عليك، ثانياً لأن سعرها يطيح بشكل كبير، ثالثاً لأنها قديمة من 2007 وراح تتغير كلياً السنة الجاية بكل تأكيد أو تنقطع كلياً.

بهالمبلغ، أفضل سيارة في كل شيء باستثناء تصميم المقود هي تويوتا أفالون 2013:





وعندك كذلك كاديلاك ATS أربعة سلندر فل كامل أعتقد تقدر تجيبها فخمة جداً ورائعة ونادرة جداً ومميزة جداً ومحركها اقتصادي جداً رغم أن فيه قوة جيدة (200 حصان من 0-100 في 7.7 ثواني)

الازيرا شباب تنصحووني بها ..؟

تشارجر ار تي خيار مناسب

السلام عليكم ورحمة الله وبركاته

إذا كانت الخيارات محصوره بين الاثنين فصوتي يذهب للكابرس وبالتوفيق ان شاء الله

مع التحية

Night

^^
أنا اشهد :bigggrin:

لكزس وبس...

السلام عليكم

حأول تغييير تفكيرك المشكله كل السيارتين الي ذكرتها مشاكلها واجد وخرباتها اكثر واكثر !!
الكابرس بيتغير 2014 !
وسعرها بعد البيع بنزل نزول الله لايوريك !!!!!!

انصحك تفر بالوكالات وتشوف السيارات كويس عندك الجينيسس والازيرا سيارات فخمه ومموصفات خياليه عندك الاكورد الجديدهـ حلوهـ ،، عندك تشارجر كلايسلر < يعيبهم وكيلهم سيئ مرهـ ،، الافلون التورس سيااااارهـ جبااااااااااره في سيارات كثيرماتذكرها بس لاتستعجل ،، انت روح الوكالات وشوف السيارات تراها 145 حرام تدفعها وتخسر وبعدين تندم ،،

وبالتوفيق لك حبيب قلبي

للرفع .....

رح شف الليجاسي جيتي ٢٠١٢ سياره رياضية شبابية بس مشكلتها الوكيل

يعطيكك العافيهه اخخوي ..

الهونداي مالي فيها الكرايسلر يمدحونها ..

والكابريس مدري عن الشكل الجديد ..

وممكنن الصصور للسيارات ومواصفاتها لاهنتمم

طيب اخوي لا تحكر نفسك بين السيارتين

رح مر الوكالات و شوف سياراتهم قبل لا تقرر هنا شباب المنتدى فقط نساعدك او نبين لك بعض الاشياء الي ممكن تكون غابت عنك

مثلا الكابرس حلو و فكره خرباته كثيره فكره خاطئه لكن يعتمد على طريقه استخدامك للسياره حتى لو هي بانوراما شوف كم سعرها و تستخدمها درفته و طول الوقت دوس و هجوله بيخرب

المهم المكسيما الي يسئل عن قيرها ما ينمر
انا شايف مقطع او برنامج عنها هو تقدر تقول نمره وحده
لانه مو تروس مثل المعتاد لا

هو بكرتين فقط و يربط بينهم سير
و البكره متحركه مع تزايد السرعه << حاجه زي كذا و احسها معقده شوي

من خيارات الثانيه

جنيسس < سياره اثبتت قوتها في السوق + فخامتها ,, لا تحكم قبل لا تروح و تشوفها و تجربها و تشوف مواصفاتها ( سياره كوريه لكن بروح و مواصفات اوروبيه يعني مستحيل تجيب سياره اوروبيه بنفس المواصفات اقل من 200 الف من باب النازل ) + جودتها عاليه غير العرض الي راح تستفيد منه 5 سنوات جميع الصيانه مجانيه و خدمه خاصه + الوعد بالشراء السياره لو حبيت بعد 2 سنه ترجعها

عندك C300 حلو شكل و مواصفات
و شارجر و الافلون و الخيارات كثيره من ضمنها التاهو منتشر كثير بين الشباب و في المعارض حصلتها امريكي و غلا من اليوكن

و الازيرا الفل خياليه لكن صعب تحصلها بكامل مواصفاتها لانها نادره ولو جات في الوكاله تروح بسرعه البرق
شاشه اوتو هولد و انوار خافته و تبريد و تسخين و مساج للسائق اعتقد المهم مواصفات خياليه و سعرها معقول جدا و شكل جذاب

و الخيار راجع لك و ذوقك

يعني ماكسيما ولا كابريس ولا اغير عنها كلها ..؟

لو اني مكانك اكيد باخذ المكسيما والله مرررره حلوه بس الشي الوحيد الغبي فيها قيرها مدري هوا ماينمر ولا نمره وحده والله مدري
بس ك شكل وداخليه ابدااااااع ولا يهون الكابرس

لا تنسى الاستخاره

مادخلت مزاجي التورس مع احترامي ..