زيوت بلزوجة 5W30 لمكائن التاهو واليوكن ..

وعليكم السلام ورحمة الله وبركاته

موضوع مهم ومفيد جدا الله يعطيكم العافية
أتمنى أن يضاف اسماء أفضل الزيوت بالترتيب بالصفحة الأولى
ومشكورين.

يالربع حنا عندنا يوكن 2011 ماشي الان 35 الف كيلو ممشاه معقول وقليل في نفس الوقت لكن لي تجارب في هذا الممشى مع الزيوت طبعا اول 5 الاف كيلو وديته الوكاله مدري وش استخدموا بس ال10 الاف كيلو رحت عند تاب لاين محطة عدية لكن اسمها كانه اجنبي زي بترومين والطقه ذي وكانت العماله عندهم هنود واستعملت كاسترول ولكن مدري كم العيار كنت صررررررراحة فاهي ومشيت عليه الى 20 الف كيلو اتوقع انه العيار 10 دبليو 30 المهم وبعدها سافرت الديره ولا كنت اعرف هناك محطات تغيير زيوت كويسه فدلني ولد عمي على محل كويس بنشري ورحت عنده ووراني كاسترول ماجنتيك نفس اللزوجه المطلوبه على المكينه ومن ذاك الوقت كان توني اعرف لزوجة الزيت المطلوبه حتى تفاجئت صرراحه وسويتها كلها ب 300 ريال مع السيفون طبعا هذا الكلام يوم مشى 25 الف كيلو وسافرت عليه الين رجعت الرياض وغيرت في 30 الف كيلو عند بنشري عندنا بالرياض لاني انغبنت من الهندي الي كان في تابلاين وغيرت الزيت على هافومين او هافولين لاني مالقيت ماجنيتك كاسترول المهم كان زيت صراحه كويس مشاني كالعاده 5 الاف كيلو طبعا هو على نفس اللزوجة المطلوبه ونفس العيار وبغير ان شاء الله 35 الف كيلو الاسبوع القادم السؤال هنا يالربع انا اجهل هذي الامور صراحه مدري اروح اغير الزيت عند بترومين ولا عند الجميح الي تفرد بالصيانه الان بالرياض ولا اروح عند اي بنشري او اي شركه اخرى والسؤال الثاني هل اغير فلتر هواء المكينه علما اني ماغيرته من اول ماشرينا الموتر بس نفخ هواء هل يجب اغيره وكيف زيت الدفرنس مع الجموس هل يجب التشييك عليه واشكركم ارجو الرد

حسب تجربتي له انا استخدمة على الافلانش كاسترول ماجنتك علبة لونها اخظر سعره حول 40 ريال و يمشيني الين 10 الاف و مره كملت عليه الين 13600 وغيرته والزيت كان جيد .

واستخدمة على الاتيما ويمشيني الين 7000 واغيره بس ما اقد شيكت عليه واتوقع يمشيني الينـــــ 10 .

كنت استخدم لزوجة 20-50 ومشيت على كلام الفاهين اللي يقولون الجو حار استخدم لزوجة ثقيله ومن هالكلام

والنتيجه كانت ظهور اصوات خرخشه بدايه التشيغل

ظهور ترشيحات زيت على وجه المكينه وصدرها

اخر شي غيرت الى زيت موتور كرفت 20-5 وانقطع وصرت استخدم حليا 10-30 وهو متوفر في توكيلات الجزيره

الملاحظات ::

اختفت اصوات الخرخشه بداية التشغيل وماعا اشوف فيه تشريحات على وجه المكينه بالاضافه الى هدوء صوت المكينه

ممايفسر لنا انه الزيوت الثقيله لاتتحرك بالانتشار بالرعه المطلوبه وقت التشغيل داخل اجزاء المكينه مما يؤجي الى ظهور صوت الخرخشه

^^^^^^^^^^^^^^^^^^
موجود عند الجميح انا اشتريه لسيارتنا نمشي عليه 10.000 كم العلبة بـ 23 ريال
AC Delco Dexos 5w30

الله يرحم ايام ما كان الموتركرافت ب ١٢ريال للعلبة اخدت كرتونين

قبل ٣ شهور غيرت ايسيديلكو الجديد وكان ممتاز بس دحين انقطع مالقيته للاسف

كاسترول موجود عند بترومين وسعره 50 ريال للتر

موفق

اعتقد موبيل متوفر ... ولا يعلى على موبيل خاصة انه يدعم محركات الشفر والجموس بخاصية معينه اسمها ديكسوس وهي تجي بشعار اخضر على نفس العلبه .... لكن ليش زيت اي سي ديلكو مشبوه وهو يحمل الشعار الي خبرتك عنه ؟

حياك الله ..

الزيوت محيره بصراحه ..

وكان لي موضوع قبل لا يكون بالمنتدى خلل ..

وكانت فيه مناقشات ومشاركات مميزه. .

عموما حاليا استخدم زيت فوكس سوبر تيتان 5w-30 .. ومتوفر لدى مراكز ون ستوب ..

فيه كاسترول ماجنتيك يجي 5w30 في البناشر ب40 بس لو اشتريت كرتون اكيد بتطلع العلبه ب25 او اقل انا اشتري كرتون الماجنتيك 10W40 ب240-260 وفي البناشر يبيعون العلبه ب35 ريال فــ ممكن تلاقي كرتون الماجنتيك 5w30 ب260-300 على حسب حظك

متوفر من نفس الزوجوه5W30 هافولين القاروة اذا السعره طيب ب35ريال

وعليكم السلام ورحمة الله وبركاته

للأسف كثيرين ما يهتمون بنوعية الزيت ، يروح لراعي الزيوت ويحط رجل على رجل وياخذ زقارة او يقرا جريدة ويقول غير زيت وسيفون ولا يعرف نوعية الزيت ولا يتاكد هل السيفون اصلي او لا وكثير من محلات الزيوت غشاشين ولا يخافون الله والمفروض الواحد يقرا كتيب السيارة والزيت المنصوح فيه والكمية ايضا ويشتري السيفون بنفسه من الوكيل او موزع معتمد ويقعد عند اللي يغير الزيت ويتأكد من سلامة عمله

فيه زيوت توتال الفرنسية وايضا زيوت تركية وكيلها التقوى مقاس 5/30 ولا أعلم عن جودتها .

اللزوجه اهم شئ اخوي. بعدها تنظر للتصنيف وتحدد بناءا عليه جودة الزيت.





حياك بدروشاكر لك مرورك, والله SN يعتبر كويس مره لكن عاد 50 ريال سعر خرافي. الله يرحم موتركرافت بنفس المواصفات وبـ 19 ريال العلبه, وقبل كان عرض عليه العلبه بـ 12 ريال.

لكن هالكاسترول الي سعره 50 اكيد تخليقي كامل fully synthetic
غالبا ممشاه من 16 الئ 18 الف تحت ظروف القياده العاديه

فين حصلته اخوي ؟

انا سامع بزيت توتال الفرنسي جديد بالسوق مالك تجربه معاه


اللزوجه ماتحدد كم يمشيك الزيت, الممشئ ع حسب نوعية الزيت موب لزوجته
نوعيته سواءا كان غير تخليقي او نصف تخليقي او تخليقي كامل.

ماودي نطلع عن الموضوع بشرح اهمية لزوجة الزيت. الغرض من الموضوع سرد انواع لزوجة معينه واماكن تواجدها وماركاتها.

شاكر لك مرورك.

يرجال وش ابي بزيت يمشي ١٥ الف او ٢٠ الف


كنا نغير الزيت كل ٣ الاف كيلو واللزوجه 50w20 وماشفنا من المحركات الا كل خير رغم انها قديمه


اما ١٠/٣٠ و ٥/٣٠ و صفر/٤٠ هذي ماعرفناها الا تالي وكثرت معها مشاكل المحركات

وعليكم السلام
فية زيت انيوك 5w30
SM
انا مجربة وماشي علية اكثر من 15 الف كم دون مشاكل
ويوجد زيت كاستول جديد ايضا موصفاتة 5W30 SN
ولكن سعره غالي تقريبا 50 ريال

طبعا سيارتي موهافي كيا والكتلوج ينصح باستخدام هذا للزوجة

موفق