كلام فاضي لا معنى له من الصحه ,, وفترة التمرين جدا مهمه ومابعدها كمان
يعني يقلك فترة التمرين 1000 كيلو ,, انا اقولك زيدها 5000
المكينه لما تكون جديده يكون في نتوءات بسيطه في غرفة المحرك والسلندرات تحتك مع جدران المكينه نفسها. وتقوم وتوسع لنفسها الحيز المناسب لها ,, فـ المطلوب منك في هالفتره تكون خفيف على السياره ولاتضغط عليها حتى السلندرات ماتشتغل بقوه وتوسع اكثر من اللازم (طبعا انا اتكلم ان شي بالمليمترات) لكن صدقني كل جزء من ميه في الملي الواحد يسوي فرق كبير.
زيادة شي بسيط جدا يضعف المكينه + يسبب تهريبات في المستقبل القريب + قوة الكبح من كل سلندر تكون اقل من المفترض لان غرفة السلندر نفسه وسيعه وماعاد تولد ضغط كبير.
بمعنى اخر وبعيد عن الهندسه .. على قد ماتكون حنين على السياره فترة التمرين ,, يزيد معك عمر المكينه الافتراضي ,,
اما بالنسبه للسياره اذا ما كانت رجلك ثقيله عليها مايقوى عزمها .. انا اقولك المكينه اذا وصلت لحراراتها المطلوبه وكانت كل قطعها الاستهلاكيه صالحه للاستخدام حتوصلك للـ 200 ان شالله او اي سرعه المكينه اساسا تدعمها.
بالنسبه للتمرين الموضوع ما يمشي فقط على المكينه والسلندرات ,, الموضوع يمشي على اي قطعه فيها احتكاك .. مثل السلندرات + المساعدات + كاليبرات الفرامل + الرمان بلي وغيره
بالتوفيق
