صوت طقطقة في مكينة الكامري بعد التوضيب !!

بشر ضبطت السيارة ولا بااااقي؟؟؟
انا وظبت المكينة بسبب واحد من اذرعة البساتم
اتمنى انك تحتفظ بالقطع الي تغيرها عشان هالمشكلة
انت وين ساكن ؟؟؟؟؟؟
اذا في الدمام ان مستعد اقابلك واحدد لك المشكلة لانها مرت علي نفس مشكلتك بالظبط
وكل شي تقريبا بدلته (كلفتني هالمشكلة بعد تجميع الفواتير 8000 الاف ريال)
لو اني مركب مكينة بدل التوضيب ب 5000 الاف كان اصرف
وبداية المشكلة بعد خرط المكينة مقاس50 وخراطة عمود الكرنك
فكيت عمود الكرنك بعد سنة بسبب هالمشكلة واتضح لي ان المخرطة ما ضبطت خرط العمود ورحت شريت عمود استندر ب 500 ريال مستخدم
وركبناه ووزنا البلنسر والحمد لله ضبطت السيااارة

أنت وضبت مرتين ولا أستفدت شي .. تحتاج إلى وزن .

الله يجزااااك خير اخوي

حتى صوت الحنة ذيحتني غير الطقطقة

ورحت لمحل شكامين وغير الدبة الي بالوسط ولاراح الصوت

رحت لورشة وقال اخاف انه من منظم البخاخ ،،، طبعا ماهضمت الكلام

لكن قالي بجيب مستعمل واركبة تجربة ونشوف

انتظرة يجيب المستعمل ولو ما راح بقوله عن البلنسر

لاهنت اخوي

نفس مشكلتي بالضبط
وظبت سيارتي 2001 4 سرندل وفكة راسي حنة المكينة وبعد ما تبهذلت في هالورش ركب معي واحد من اخوياي بالصدفة وقالي وش هالازعاج الي عندك ؟؟(حنة في الخط وخصوصا كل ما زدت في السرعة)
تقول صوت طيارة . قلت والله العظيم ما خليت اي شي الا وبدلته وانواع الخساير
وياليتني مركب مكينة من التشليح كان اصرف لي من هالخسااااير
مالكم بالطويلة
مرينا كراج الرشيد الي في الخضرية بالدمام وشافوا السيارة وقالوا ما يبي لها الا وزن ( البلنسر )الي يركب في عمود الكرنك ووضيفته انه ينعم صوت المكينة
صلحتها عندهم ب 460 ريال مع تغيير الزيت
رفعوا السيارة على الرافعة ونزلوا الكارتير ونزلوا البلنسر ووزنوه فقط لا غير
والان ولله الحمد والسيارة من ابدع ما تكون
ملاحظة ـ مو كل ميكانيكي يعرف يضبط وزنية البلنسر
لانه سبق ان تم تنزيل الكارتير 3 مرات في ورش مختلفة قبل لا صلحها عن ورشة الرشيد
طبعا هذي القطعة (البلنسر) فيها ترووس وتركب من تحت في عمود الكرنك وتلف بواسطة الترس الموجود في وسط عمود الكرنك (ترس مقابل ترس) واذا ما تطابقة (الوزنية) تطلع صوت تك تك وحنة في الخط
اسف عالاطالة وبلغنا بالمستجداااات

رحت امس لميكانيكي يمدحونة .. وشاف السيارة .. قال يارجل غريب وضعها ومابي اغامر في اصلاحها لاني مادري من وين الصوت


طبعا لها صوتين على فكرة

الصوت الاول وهي واقفة صوت تكتكه

الصوت الثاني وانا امشي احس صوت دباب

لا يالطيب ماله علاقه زي ماقلت لك من عمدان التايمن وتكيات البلوف الي في راس المكينه

ممكن بس استشر ورشة خبرة

الله يعطيكم العافية جميعا

اما بخصوص العزم فهو تمام الحمدلله ومافيها اي ملاحظات عدا الصوت (تك تك تك) \

اذا وقفت عند اشارة تسمع التكتكه

اذا مشيت تسمع خشونة بصوت المكينة خصوصا اذا كانت النمرة ثقيلة مثلا بالخامس وامشي 80 او 70

فكو الراس مرتين بعد الخرط عشان يسوون له وزن .. وبدون فايدة

سير التيمن حد علمي لو فيه ادنى مشكلة .. السيارة ماتشتغل نهائيا

وعند التوضيب كل القطع جديدة ما عدا عامود المكينة تشيلح وانا خرطتة اول خرطة

علما اني رحت لاكثر من ورشة ودرت بالصناعية وكلهم استنكرو الصوت وقالو غير طبيعي

مافيه اي شخص قال الصوت طبيعي .. وقالو انهم سبق وتم توضيب كوامري ولا جا فيها الصوت
طيب تتوقعون للقزوز علاقة بالصوت !!

حيااك الله
الكامري ماتنوزن البلوف الصوت يعتمد على سلامة العمدان للتايمن ووزن المخرطه
شغلها مو اي مخرطه تسويه لابد من الوزن الجيد وبعض المخارط لديهم جهاز للوزن والقياس
في اغلب الحالات لابد من تغيير البلوف بجديده حتى يتسني للمخرطه اخذ قياسات ووزن جديد
الخشونه في الكامري خاصه الموضب يعتبر شي شبه طبيعي والفني لايستطيع ان يغير اي شي فيه
بالتووووووووووفيق للجميع

شيك على البساتم برضه

وعليكم السلام
:xyxthumbs: