تنصحوني أشتري سوناتا 2012 ولا أهون؟!!

باين انك اصلا مو مقتنع فالكوري ليش تاخذه !!! شف الفيوجن والماليبو تعجبك

السلام عليكم.
أخوي لاختصار الكلام الطويل , هذا الموضوع فيه جواب لي عمن يسأل عن سوناتا:
http://www.assayyarat.com/forums/thread255307-2.html

لا تستعجل و أرجو النظر لما كتبت.
الله يوفقك لما فيه خير

للررررفففع

بيض الله وجهك عز الله مشاركة تنور عقلك تكتب بماء الذهب الحقيقة مشكوووووور

والله صدقة الالتيما فيها كل شي من انضمة سلامه

ومواصفات رفاهيه

ولقيتها بالمعارض اضن 2011 نص فل 73 الف معارض جده طبعا زيرو

انصحك اخوي بالابتيما نص فل حاصله على 5 نجوم بالسلامه

فيها جميع انظمة السلامه

عن تجربه

سياره جدا رائعه

قبل يومين كنت بالتشاليح ادور عن قطعه لسيارتى الاكورد
وشفت كم سوناتا الجديده وكمان ازيرا
والله لو تشووفها وانا اخوك انك تكره شئ اسمه هيونداي
حشا مو حديد
كانها ورق ابوابها ورفارفها
لا انظمه سلامه
ولا قوه هيكل ولا شئ
وش ابغى فيها مهما كاان سعرها او جمال شكلها
وتقبل مرووري

يالغالي شوف المقاطع هاذي و راح تعرف ميزة الـــ ABS و الــ ESP و نصيحة اذا كنت تبي تاخذ كوري او غيرة لا تاخذ سيارة الا فيها مواصفات امان كاملة
( 6 ايرباقات - ABS - ESP ) لن الحامي بعد الله سبحانة و تعالي وسائل السلامة في السيارة ..... و السيارات معرضة للحوادث في اي لحظة زي ما الانسان معرض للمرض او الموت في اي لحظة و لا تنسى التوكل على الله في كل امروك حتى في القيادة الى الدوام ...

اولا شرح اهمية الــ ABS وركز على المقطع بعد الدقيقة 00:25 وتجارب عملية بعد الدقيقة 2:10 ولاحظ التجربة الي بالعلامة الحمرا بدون ABS و الي بالعلامة الخضرا مع ABS ...

http://www.youtube.com/watch?v=ZSqGPyWroes

وهذا مقطع عن اهمية الــ ESP ....

التجربة الاولى بدون ESP و الثانية بــ ESP ....

http://www.youtube.com/watch?v=rZOP4Raindw&feature=related

و هنا الفرق بين سيارة فيها ESP و سيارة ما فيها ...

http://www.youtube.com/watch?v=NiZjeeMExY4

و الـــ ABS نظام مانع الانغلاق للمكابح ويساعد كثيرا عند التوقف المفاجئ ..
والـــ ESP نظام التحكم في توازن السيارة و عملية توزيع الدفع على العجلات و توزيع قوة المكابح على العجلات بحيث يساعد في استقرار السيارة اكثر عند الانعطاف المفاجئ حتى في طلوع الاماكن الزلقة وخاصة اذا كان فيه مطر ....

وللمعلومية ترى المواصفات الي ذكرتها اساسية لكل سيارة تدخل امريكا و اقل من كذا ما تدخل ولا تنباع في امريكا ابد

وشكرا ...

مشكور اخوي .. الفيوجن الشكل بالنسبة لي دمار

نصيحتي لك باختصار ان تبتعد عن هذه الفئة من السوناتا لاهمية مواصفات الامان هذه ...

بالمبلغ الذي معك يمكنك شراء فورد فيوجن 2012

وشكرا ...

للرررررررررفع

خالي صار له حادث قبل اسابيع تقريباً
وسيارته كانت سوناتا 2011 ، وما كان فيها مانع انزلاق ، كان ماشي بخطه وسقط عليه واحد فهو انخبص ولف بقوه ( يحاول يوخر عنه ) وزلقت معاه السيارة وما قدر يسيطر عليها وضرب بالسيارات اللي حوله وضرب بالرصيف وتضررت السيارة من كل الأتجاهات والحين ماله الا يصلح السيارة بمثل قيمتها تقريباً !!
لأنها متضرره من كل محل ومتوهق ، السيارة توه شاريها ماله كثير وزلقت معاه وتكسرت !!
والحادث كان خطير جداً والله ، والحمدلله اللي اخرجه سالم من الحادث ، ناهيك عن وسائل الامان الضعيفه بالسيارة !!!!

هالأنظمة مهمة ، مالها داعي تشتري السيارة وبعد اسبوعين تزلق معاك وتروح كل المبالغ اللي دفعتها فيه ، ونعم السيارة احتمال كبير تزلق وتفقد السيطرة عليها بدون هالأنظمة


فيه سيارات افضل بهالقيمة من رايي ، أبعد عن السواناتا

مشكوور اخوي

لكن 30 واحد يدخل على الموضوع وواحد بس يشااااارك ..

يا جماعة ارجو التفاعل والله للضرورة