السلام عليكم ورحمة الله وبركاته ...
اسعد الله اوقاتكم بكل خير ....
طبعا يا اخواني كنت منتظر هذا اليوم بفارغ الصبر .. لانه يوم تجربتي للكمارو
مثل ما اتفقت مع خدمة العملاء قبل اسبوعين .. المهم رحت للجميح فرع طريق خريص
وانصدمت بان مافي سيارة للتجررربه!!!!! طيب ليه من الاساس تتصلو علي
وتحددو موعد !!! انا جيت من ابها. ودفعت تذكرة بمبلغ وقدرة واخر شي احنا
اسفين!!! وش ذا التعامل. .. وقعد يهديني المندوب. ويقول لا تواخذنا. ومدري ايش !
المهم قلت صار خير. وساالتهم عن السعر قالي حق المشتريات 173000 وكسور. طبعا
قلت اوكي انا ابغى لون ابيض .. ولما شيك ع السيستم قال مافيه الا فضي واسود. لا تاخذ ابيض مو حلو وجلس ساعه يبي يبيعني غصب اللون اللي عنده وشوي يضربني !!
وقلت له بفكر وخرجت. واتجهت للعيسى ... رحت للمبيعات وسالتهم بكم السعر قال
180000!!!!! قلت وش فرقها عن اللي ف الجميح. قال بكم ف الجميح .. قلت 170000
قال خلاص خصم عشر الاف وخذها بنفس سعر الجميح !!
سلامات وش ذا النصب !! وش اللي يخصم 10 الاف عشان قلت كنت ف الجميح !
ياشباب اللي بيشتري سيارة ينتبه من حقين المبيعات تراهم غشمان وحراميه
بصراحه قهر وكالات. يكون فيها موظفين كذا ! لا معلومات عن السيارة ولا شي !
اجل يبي يقنعني ف الكمارو يقولي لو تعطيها كل الدعسه راح تفر فيك السيارة
من القوة !! بالله هذا اسلوب للاقناع ! بدل ماتقولي مواصفات الامان !
بصراحه كتبت الموضوع من القهر واتمنى قبل تشتري سيارة. شوف كل الوكلاء
عشان الاسعار ...... وبالتوفيق للجميع*
