فولكس واجن ؟

نص فل ب 82 الف
الفل 92 الف

نصيحتي اذا ما عندك الا 80 الف خذ لك جيتا والله السيارة ما عليها كلام ثبات ممتاز جربتها وانا امشي 180 وتو التوب المكيف بارد السيارة رزة صراحة يعني وانت تمشي الكل يطلع فيك لأن السيارة مميزة باختصار اتكل على الله وخذها واذا انت رجال عندك قروش خذ لك مرسيديس مستعمل .

اي سؤال عن السيارة تفضل ... طبعا اي خراب في السيارة تتحمله الوكالة انت بس شغل وامشي لكن لازم توديها الوكالة كل 15000 كيلو .

طبعا انصحك بنص فل الي تجي ب 80 الف ... لان الفل ما يسوى وبعد ما تطلعها اطلب لك body kit وزنون وجنوط وعيش حياتك .

ما عليها كلام السيارة
واكيد انها افضل من الياباني ولو ان الجديدة صناعتها غير المانية

لكن الوكالة يشتكون منها كثير

إختيار موفق أخوي
و الجيتا عليها ضمان خمس سنين مفتوح الكيلو مترات - بحسب الموظف يوم سألته ، و هذا أكبر دليل على جودتها
و صدقني جودة الخامات في السيارة الأفضل بالمقارنة بجميع السيارات في فئتها و سعرها ، و لا تنسى أن الفولكس واجن تمتلك الأودي

و من واقع تجربة للبورا 2001 ( هي نفس الجيتا ) ، السيارة ما شاء الله ممتازة ، لكن يمكن اللي تعبني شوي الحساسات و لقزوز ( الشكمان) ، لكن يكفيك متعة القيادة في الفولكس واجن و الثبات ما شاء الله.
أنا جربت قيادة الأودي A4 2011 ، وجدت متعة القيادة اللي في البورا 2001 أكثر و أحلى من الأودي بالنسبة لي ، فما بالك بالجيتا 2011

...
شوف هذا التقرير المميز للأخ سامي لتجربة الجيتا 2011

http://www.assayyarat.com/forums/thread241393.html

السلام عليكم

المشكله مو في سعر البيع المشكله في الوكيل والقطاع والا الفولكس واقن ماعليه كلام

والله من رأيي اختيار جداً موفق
الجيتا تتميز على منافسينها بجودة التصنيع , كل المواد المستخدمة بالسيارة من افضل ما يكون وافضل من المنافسين , البودي قوي وجودته ممتازة جداً , الديكور جودته جداً ممتازة ايضاً ومتماسك وانسى اصوات الديكورات , الجيتا الجديدة مريحة داخلياً واحسها الاريح بفئتها من الداخل بما اني ركبت معظم السيارات بهالفئة , ايضاً العزل والامان بعد الله سبحانه وتعالى والرحابة بالألماني ما يحتاج اتكلم عنها , كلها توب 10 / 10

عيبها مثل ما قال بدون تعصب , غلاء سعر قطع الغيار
بالنسبة لموضوع انها تفقد سعرها من رأيي لا تاخذ لهالموضوع اعتبار قوي , لأن الأهم عن مدى رضاك للسيارة ومدى راحتك وقت استخدامك معها , ولا صرت بتبيعها اكيد بتكون قدمت وتاكل عليها الدهر فأكيد سعرها ما راح يكون مرضي واي سيارة ثانية من هالفئة راح يكون عليها نفس الموضوع حتى لو تيوتا اللي تمسك سعرها :)

السلام عليكم ,من واقع تجربة من موديل 2001 الى الان معي سيارة فولكس واجن بورا اللى هي جاتا الى الان ماشاء الله شغالة تمام هذا ما يعني انها ما فقدت اشياء كثير يعني مش زي لما شريتها اكيد لكن انا اقولك السيارة من اروع ما يكون سيارات راسية على الخط السلامة بعد الله فيها مية مية البدي قوي جدا سواقتها فيها متعة تحس انك متمكن من كل السيارة اللى معي اقل نوع قير عادي وانا اخذت العادي من نصيحة قريب لى هو ميكيانيكي وقال خذ القير عادي لان وزن السيارة عالى ما يمشي مع التماتيك براحة وفعلا كانت مشورتة في محلها وانا اشوفها افضل الموجود في حجمها بالسوق اذاقارنتها بالسيارات الاخري زي الكورولا والتيدا والصني والاكسنت والالنترا اللى مافيها اي شي يذكر للامانة مافيها شئ يذكر اذا بقارنها بسيارة الجاتا بتكون افضل منهم بلا شك بكل شئ .

لكن عيوبها : صوت المكينة مزعج جدا خصوصا 1.6 جدا مزعج قطع الغيار غالية جدا والصيانة غالية عند الوكيل لاعب لعبة في الصيانة والقطع مبالغ فيها بشكل غير طبيعي
اذا جيت تبيع سعر ما يريح قلبك ولا عليها اقبال من الناس لان قطعها غالية جدا
ماتلاقي القطع في الغالب الا عند الوكيل واذا جيت للوكيل قطع قلبك باسعار القطع

ميزات االسيارة اللى معي الان قلة الاعطال للامانة وانا شخص محافظ على السيارة التكيف زي الورد الى الان شغال ممتاز مافيها اصوات مزعجة للديكور او البلاستك نوعية حلوة راسية على الخط شكلها حلو حتي مع مرور الوقت تلاقي شكلها لازال مقبول مافيها مشاكل حرارة او من الامور هذي سهولة الصيانة يعني الميكانيكي الشاطر يقدر يصلح فيها لانها مكينة واضحة مش معقدة ابدا . عندي سيارة ثانية غيرها وهي جراند ماركيز 2009 والله على مااقول شهيد ان جودة الصناعة وتماسك السيارة في البورا افضل مية مرة من الفورد
انا اقولك اذا انت راح تتحمل وصاخة الوكيل واسعار القطع الغالية جدااااا وانها ماراح تخدمك اذا جيت تبيع بعدين توكل على الله خذها او خذ الجولف كلها ممتازة ولا عليها خصوصا هذي السيارتين واذا لقيت قير عادي افضل لانة صاحب ورشة مختص في الفلكس والبورش والاودي يقول الموديلات الجديدة دائما فيها مشاكل في القير الاتوماتيك وسعرة غالى وتصير فية مشاكل في الكمبيوتر وسعرة مستخدم تقريبا يوصل الى 9000 ريال اذا انت تبي تشوف لهم منافس ثاني وفعلا ممتاز جدا هي هوندا سيفك افضل من الباقين كلهم واتصور الجاتا والهوندا سيفك قريبة كجودة من بعض مع الاختلاف في بعض الامور بينهم لكن يبقون هم في نظري الافضل بالسوق في حجم السيارات الصغيرة والمتوسطة والله الموفق

^^^^^^^
لعن ابو جد الكورولا :)
لكن فعلا هدا الواقع ما في اي مجال للمقارنة بين الالماني والياباني وبالاخص تويوتا الي اصبحت ورق وما في اي جودة فى التصنيع لحصول على سعر اقل