تقريري الأول ( 1 ) عن الرائعة إنفنتي M37 الفاخرة .. ( مدة شهرين و 7000 كيلو متر )

الفئة الفاخرة من الانفنتي M ماتقارن بالبي ام دبليو 523 .. تقارن بالفئة 535 بالرادار و نظام تحديد الطريق وغيره ..

وايضاً المرسيدس E300 مافيها رادار ولا تبريد مراتب و لا مراتب لكجري .. المراتب قاسية شوي

الفئة E550 تجي بمراتب لكجري و رادار و تبريد للمراتب فهي اللي تقارن بالانفنتي ..

والسعر يفرق 100 الف ريال لصالح الانفنتي ..

بالعكس على مواصفاتها السيارات المقارنة فيها هي :
مرسيدس E550 وسعرها بالرادار فوق الـ 300 الف ريال
بي ام دبليو 530 وسعرها فل اوبشين فوق الـ 300 الف ريال ايضاً

يعني لايوجد سيارة بمواصفاتها وبسعرها بصراحة

الموديل 2011 ..

الصيانة جيدة والتعامل لا بأس فيه .. تاخذ موعد بالتيلفون يعطونك موعد خلال يومين لا اكثر .. وتحضر بالموعد وتستلم السيارة خلال ساعة بالكثير ... اذا ماحضرت في الموعد راح تتاخذ ساعتين تقريباً ..

فيه صالة فخمة جداً للانتظار , ديكور فخم و كوفي شوب مصغر وانت جالس تتنتظر تقرى لك جريدة وتتقهوى وتستلم سيارتك :)

الخدمة ممتازة مقارنة في وضعها سابقاً مع نيسان

الان مفصولة انفنتي لوحدها ..

الكاميرا SLR ****ون D3100 .. بعدسة احترافية ..

هلا فيك عزيزي

خدمة الألف مجانية ...

خدمة 5000 تكلف 300 ريال فقط لاغير

الصيانة منفصلة لعملاء انفنتي .. الورشة و المعرض مفصولين تماماً عن نيسان .. ومخصصة فقط للانفنتي ...

عند شرائي للسيارة كان هناك عقد على شكل كتيب مثل الصيانة خاص بالصيانة على الطريق على مدار الساعة ويوجد ايضاً خدمة السيارة البديلة عند المساعدة على الطريق بحيث انك تستأجر سيارة بحيث لاتتعدى 200 ريال يومياً وتتكفل الشركة باعادة المبلغ لك بعد تسليمك لسيارتك ..

الخدمة جيدة في الصيانة وتعاونهم لابأس به .. لكن لايوجد سوى موظف استقبال واحد لذلك لابد انك تاخذ موعد بالتيلفون وتجي على الموعد طبعاً الموعد باليوم وليس بالساعة ...

السعر اللي ذكرته بالموضوع 226 الف .. شامل اللوحات وتأمين الرخصة ضد الغير ..

الفئة هي الفاخرة فل اوبشن نعم لكن ليست الرياضية ( الجنوط 18 ) ( جي بي اس ) ( رادار ) ( نظام النقطة العمياء ) ( نظام الحفاظ على خط السير ) ( كاميرا امامية فوق الزجاج لمعاينة الطريق ) ...

أنا غيرت التأمين الى سند بلص وكلف 900 ريال اضافي على قيمة السيارة ..

^^^

موديل 2011..وبالعكس اشوف سعرها ارخص من الالمان وبمواصفات مثلها ..

عندك البي ام 523 i للفل اوبشن تقريبا 230 الف

v6 -204hp تقريبا..

والمرسيدس e300 بــ 240 الف

v6-272hp

والـ m37

بـ 226 الف على قولتك ..

ومحرك اقوى v6 -330 hp

وسووووري عالمداااخله

تحيـــــــــــــ اااااته.....*

ما شاء الله تبارك الله
الله يعطيك خيرها ويكفيك شرها يا رب

صراحة سيارة ممتازة وفخمة ، ولكن عتبي على سعرها فقط !
منافسينها الألمان اقل منها سعراً وافضل منها بالعزل !
ما ادري ليه الوكيل رافع اسعار انفنتي ، عموماً
حاب اسالك يا الغالي هل هي موديل 2010 أو 2011 ؟ بالأضافة ليت ما تبخل علينا بصور للداخلية

ويعطيك العافية

عليكم السلام ورحمة الله وبركاته

ماشاء الله تبارك الله ~~ اختيار موفق وسيارة أكثر من روعة أخوي محمد

مواصفاتها ممتازة وشكلها جدا جذآب وانيق

الله يعطيك خيرها ويكفيك شرها .. ولاتنسى تحط اسمك على الصور عشان تحفظ حقوقك

بالتوفيق يابعدي

ما شاء الله تبارك الله ..

بس ما قلت اكثر عن مميزاتها وعيوبها ..؟

وكمان كيف صيانتها ...وكيف تعامل الحمراني معك..؟؟

ما اعتقد راح يمشي سوق الليكزس gs2012 وذي موجوده ...

لان بحسب اللس سمعت ان سعرها راح يكون ما بين 230 _300 الف :a1120(121):

تحيـــــــــــ ااااته......*

تحيـــــــــ اااااته.....*

السلام عليكم ورحمة الله وبركاته

ماشاء الله تبارك الرحمن .. اخي الكريم اهنئك على اختيارك .

عشقي وحلمي ان املك انفينيتي وبالذات هذا الاصدار من السيارات

رياضية .. قوية .. فخمة .. جميله جدا

بس لو سمحت نوع الكاميرا المستعمله ايش ؟؟

ماشاء الله لا قوة الا بالله

مبارك على السيارة

انا صراحة نفسي اعرف انفينيتي كيف اسعار صياناتهم ؟ فكم كفلتك صيانة ال 1000 كم و ال 5000 كم ؟

هل السيارة قريبة من الارض وتتعب في المطبات والحفر؟ ام حالها مثل حال باقي السيارات

كيف خدمة الحمراني لانفينيتي ؟ هل هناك صيانة منفصلة وتعامل خاص عن ملاك نيسان ؟ هل يوجد خدمة 24 ساعة على الطريق ( مثل فورد وغيرها مثلا ) او اي ميزات اخرى لك كمنتمِ لنادي انفينيتي ؟

وشكرا اخي محمد

ماشاء الله تبارك الله ....بس ياليت تقولنا كم شريتها وهل هي فل اوبشن؟