ضعف في عزم لكزس 400

المشكله موجوده في بعد فلتر الهواء في عند بايب عباره عن قطعتين ربر شكلها زي الزنبرك احتمال تكون مقطوعه من النص او الطرف بايدك افحصها
ترى هذا القطه او المزع يخلي كمية الهوا اللي داخل على الماكينه كثير ويخلي السياره تقوم شوي شوي وتقطع وترج احيانا اذا كان القطع كبير
نفس المشكله صارت معاي ب تويوتا افالون
جرب وردلنا خبر وانشالله يسر امرك

اتوقع فيه مشكله في حساس الاوكسجين ...... اذا فيها حساس

لو كانت سيارة تكتم اول ماتدعس بنزين هذا من منظم الهواء الي هو الايرماس وله اسباب ثانية بس هذا اغلب الاحتمالات

اما لو كنت تدعس بنزين لكن تنتع معاك السيارة هذا له اسباب كثير البواجي والمويلات


وفيه عندك طرمبة البنزين تسبب التنتيع والتكتيم

بس انصحك تروح تكشف عند كهربائي

لان كذا من غير مانشوف السيارة مانقدر نحكم عليها

فلتر الجير يتغير وسعره أصلي يتراوح ما بين 16-19 ريال عماني
وزيت الجير تويوتا أصلي سعر تقريباً 7 ريال عماني (جالون) (عدد 1 كافي جداً وراح يزيد شوي)
وشغل يد الميكانيكي تقريباً 13 ريال عماني .. لكن أحرص أن يكون الميكانيكي ماهر وشغله نظيف


(طبعاً أتكلم عن لكزس 400 موديل 95 .. لذالك أتوقع أنه ينطبق على موديل 98 )
والأسعار قد تختلف في عمان عن السعودية سواء بالزيادة أو النقصان

شكرا ع ردودكم .. نريد اراء اكثر

بدال اني من الامارت البواجي معناها بلكاات عدنا عاد ف عمان اقرب مكان عدنا مايدري شو معناها عدكم طبعا معاني لي فل دول خلييج تختلف انا نفسك اول شي ماعرفت شو يعني بواجي :c0214:
بس الحين صار لي سنتين تقريبا فها المنتدى حرفت كمن معانا من سوالف سيارات من اخواني السعودين
ما قصرو

^^^^^^^^^^^^^
مازيد على كلامك شي + يشوف الكويلات (مكثفات الكهرباء)
وحساس منظم الهواء (الأيرماس)

اللي هي شمعات الاحتراق بمسمى اخر

هي اللي تسبب التفتفه وهي من القطع الاستهلاكيه اللي تتغير كل 60 الف تقريبا

ممكن توضح لي شو البواجي اكثر لانني من سلطنة عُمان ..

وشكرا ع ردك