مشورتكم في اقتناء سيارتي الجديدة

يا اخ 3alloly

خلني اقولك على شغله

اول شي انت يصلحلك على ظروفك وميزانيتك وموقعك اللنكن

لكن حبيت اوضح كم شغله للاخوان الي داشين المنتدى الالماني وهم ماعندهم ادنى خلفية لشركة بي ام او مواصفاتها

خلي يكون بعلمك البي مو مثل الياباني او الامريكي في اختيار الاوبشن

انت تفصل السياره تفصيل

الستاندر الي يتكلمون عنها في الوكاله هي فول اوبشن لكن المكينه حجمها صغير وذلك للي يدور عن الاقتصاد في البانزين

يعني بالعربي تقدر تاخذ الفل 550 بنظركم لكن بدون نفيقيشن او ركن الي او رادار ,,الخ

والعكس صحيح تقدر تطلب 523 مع نفيقيشن او ركن الي ورادار ونقطة عمياء ,, الخ من المواصفات

وبخصوص وكالة الكويت لاني سالت عنها انواع الفئة الخامسة الي تجي للوكاله عندنا كلها فول اوبشن يعني كاملة المواصففات وانت ورغبتك بحجم المكينه

يعني عندنا 523 وكذلك عندنا 528 و535 والجباره 550

لاني باذن الله ناوي اخذ عن قريب 528 فعندي خلفية لبعض مواصفاتها

الا وهي فل اوبشن طبعا نظام الركن الالي نفيقيشن شاشه كبير مادري كم انش اللهم الرادار الي تقدر انت بنفسك تطلبه والنقطه العمياء الي تقدر تقول موجودين اكثر بال550 قياسي

وشكرا :)

نسيت اقولك ان البي ام تتمتع بمواصفات قويه وافضل من اللنكون ولا احد ينكر هذا الشيء

لكن الي كنت اتكلم عنه فوق هي بين الـ MKX و 523 الستاندر

لو نتكلم عن 550 مافيها كلام كما ذكرت

او اذا تكلمنا عن 535 حلوه لكن تفتقر للمواصفات المذكور مثل ( الرادار الامامي + النقطة العمياء + الركن الالي + تبريد وتسخين المقاعد + .... )

لكن برضو 535 فيها مواصفات او لمسات بي ام الجميله لكن تنقهر يوم تدفع مبلغ 275 الف او 285 الف لكن لا يوجد فيها البكجات او الطلبات الي موجوده باللنكون

وشكراً

^^^
لو تنورنا و تزود صاحب الموضوع بالمعلومات اللي عندك .. وتقولنا على التقنيات الغير موجودهـ فـ اللينكون كامل المواصفات .. والفئه الخامسه من بي ام ستاندر ( سياحي ) !! يكون افضل بدل الكلام اللي نسمعه كل يوم

....
انا ارشح اللينكون وبقوة ..

أنا ارشح الفئة الخامسة وبقوة لانها أريح من اللنكون بكثير والمانية وجودتها ما عليها كلام وتعيش معاك
أما بالنسبة لللنكون أنا أشوف انها سيارة بس شكل وبالكثير تعيش معاك 3 سنوات وغير كذا أمريكي يعني ما فيها تقنيات تنافس البي ام

أنا أقول جرب السيارتين وأحكم بنفسك وبتشوف الفرق

والله يكتب لك مافيه الخير

الأخوان كفوا ووفو وماقصروا ان شاء الله،،

شوف يا غالي نظراً لسعر البي ام الفئة الخامسة اقل نوع أنا أشوفها ماتسوى بصراحة لانو بصراحة دام انك وصلت سقف الـ ٢٠٠ الف ريال وعديتو بصراحة حرام انك تاخذ سيارة مقشطة مافيها مواصفات على كلامك،، أنا أشوف اللنكون بصراحة سيارة شبابية ورائعة التصميم،، وسيارة كروس اوفر تنفع لشوارع جدة بحفرها ومطباتها،، بس برضو يبغالك شوية اهتمام لأنو اللينكون اكسسواراتو وقطعو الغير استهلاكية نوعاً ما تعتبر غالية.. ويكفيك سيارة بكل هذي المواصفات ماشاء الله تبارك الله تكون بهذا السعر.،

استخير الله وان شاء الله ربي يخترلك الطيب ويوفقك،، الف مبروك مقدماً،،

مع التحية،،

انا من راي تاخد لك رينج روفر موديل 2010 او 2011 تكون نظيفة وممشاها طيب وفى حدود ميزانيتك
تكون ضربت عصفرين بحجر واحد منه جيب يتحمل شوارعنا فى جدة الي صارت كلها حفر ومطبات :mad1: وتاني شي سيارة بريطانيا رقم واحد فى الفخامة والهيبة والتقنيااات وضمانها ساري المفعول مع الناغي لخمس سنين مجانا
انا اشوف انها افضل خياااار لك وافضل صفقة ....وموفق ان شاء الله

والله اذا المقارنة بين اللنكون MKX أو الفئة الخامسة ستاندر فأكيد اللنكون
في قمة الفخامة والمواصفات والتقنية وايضاً نضام الصوت مثل ما ذكرت ، واللنكون سياراتها ممتازة وفخمة جداً

لو ان الفئة الخامسة فل كان يمكن ننصحك فيها لكن دامها ستاندر ، خذ اللنكون وانت مغمض :)

وعليكم السلام ورحمة الله
أول شي القرار لك اخوي انا تعمقت بهالسيارتين كثير خصوصا النكولن
صراحه نصيحه خذ النكولن لأنه مريح لاتتوقع ان الألماني بالضروري يكون اريح لاكن ممكن
الداخليه ماقصروا العيال
وعلى قولت خوينا الماني يافل يابلاش

والراي رايك لاتنسى تستخير

:xyxthumbs:


واضف الي ذلك اللنكون روووعه ومن اجمل السيارات

وجهه نظري الالماني يا تاخذه فل او لا تاخذه

لانك ما راح تحس انك راكب الماني الا اذا كان كامل المواصفات