السلام عليكم
يااخوان عندي سؤال بخصوص السيارة الجديده يكون اول تغيير زيت لها بعد 8000 ؟
لأن مندوب المبيعات يقول كل تغيير كل 8000 واللي اعرفه ان اول تغيير يعتبر استثناء ﻷن الزيت يكون خفيف على المكينة ويتغير بعد اول 1000 كيلو
يالغالي جربت الخيار هذا من قبل و اكثر من مرة ولا راح يقبل ابد لنه للراديو الي يشتغل بنظام البرودكاست زي نظام SIRIUS هذا و الله اعلم يمكن يجي واحد بعدين ويحصل لها حل ...
Touch Options to change both general audio settings and settings specific to AM/FM radio. Settings specific to AM/FM radio include:
Set PTY for Seek/Scan lets you select a category of music to search for, using Seek or Scan.
RDS Text Display On/Off lets you turn on or off the text information broadcast by FM stations.
Auto Presets (AST) Autostore automatically stores the six strongest stations in your current location as presets to the AST bank for either AM or FM, depending on which band you’re listening to. Auto presets do not override the presets you’ve manually saved for AM or FM stations.
بالنسبة للصوت الي تحت رجل السائق اليسار ( وانت بالكرامة ) ما ادري عنها ولكن اذكر اول ما طلعت السيارة كان فية صوت جهة اليسار وكان مايطلع الا اذا دعست بريك او هديت عند اللفات ...
المهم استنتجدت انها البريكات لن يمكن انها جديدة وفعلا ما طولت معاي تقريبا شهر او شهر ونص اوختفى الصوت والحمدالله ...
نصيحتي لك اذا كان الصوت قوي وغير الي وصفته لك روح الوكالة واستفسر عشان ترتاح او اصبر الى الصيانة الدورية ...
وبالنسبة للرفرف ماعندي اي مشكله فيها ولذالك روح الوكالة وخلهم يعطونك حقكك ...
وبالنسبة لوصلة الجلكس عندك الـــ ebay تحصل فيها كل شي ...
بالنسبة للصوت اذا انت واقف وبعدين تحطها d وتمشي صوت من تحت الرجل اليسار وانت بكرامة مثل طقة هذا موجود عندك ؟
بالنسبة للرفرف هذا احبطني كل ما نزلت من السيارة اشيك عليه وانتظر الصيانه الدورية .
العزل اتوقع وسوسه يعن شي تقدر تتحمله الين الصيانه صحيح مثل ما قلت هي ملاحظات ممكن حلها بس تصير بخاطرك لان السيارة جديدة وتدك ماتلاحظ شي ..
الين الحين ما لقيت وصلت الجلكسي على شاشة السيارة فريت الين تعبت ما في امل الجلكسي اكسسواراته قليله مره اتوقع بعد ما ودع جوبز بتطلع وتنتشر اكثر (:
ياااخوان وش الحل مع الوكالة شهرين وزياده انتظر وصول ايدج سبورت 2011 !
المشكلة رحت لهم فوق 4 مرات ويقولون للحين ماوصلت اخر دفعة سيارات من ضمنهم سيارتك اصبر وحط رجلك بموية بارده حنا بندق عليك
اقولهم ترى ماصارت وصلت موديلات 2012 وركبوها الناس وانا انتظر 2011 ويقولون لي ببجاحة احسلك انتظر لأن 2012 في زياده 12 الف !
يعطيكم العافيه يا شباب .. ان شاء الله الجميع بخير ..
انا عندي ملاحظه حسيتها بالفتره الاخيره وهي لما اكون واقف وبعدين احطها بd بعد ما امشي يمكن 30 ثانيه احس بطقه من تحت الرجول من جهت الرجل اليسار مرات مو طقه مثل صوت ازيز والله ماني عارف اوصفه المهم هل احد مرت عليه هل حاله ؟
انا قاعد اجمع ملاحظاتي للصيانه 8000 وهي :
1- صوت الكراسي ورجه بعد 120
2- من عند الصدام جهة اليمين ألتقاء الصدام معا الرفرف هذا طفشني يطلع من مكانه وارجعه ويرجع مره ثانيه
3- العزل اول انا قلت كويس والظاهر انه فرحت الجديد الحين اقول يعني احس انه في دريشه مفتوحه مرات واضغط ازرار النوافذ على بالي شي مفتوح احس انه في مشكله
4- تحديث النظام معا انه من يوم ما خذيتها ما علق معي 3 مرات ماحست فيه مشكله مره هبلت فيني الساعه عيت تضبط كل ما اضبطها ترجع تخرب هي والتاريخ اللي لين الحين ما ضبط معي يطلع 2031
ما اعتبرها مشاكل كبيرة تستاهل ارزوح الصيانة قبل وقتها السيارة الحين ماشيه 3800 ولها شهرونص حاولت اجيب الطبلون على الخط ما قدرت الدعسه للاخير وياله 190 مدري هذا حدها ولا بس عندي ويعطيكم العافيه
هلابك زيزو ...
زي ماقلت الملاحظات الي ذكرتها ماهي بمشاكل كبيرة و السيارة ما ماشيت فيها الا حدود 4 الاف كيلو ويبي لها وقت وتتعود عليها وانا كانت عندي ملاحظات عليها وكتبتها في تقرير والحين الحمدالله تعودت عليها ولا عندي عليها اي ملاحظة ....
بالنسبة للملاحظات راح اجاوبك على قدر ما اقدر ...
1- هل الرجة قوية او خفيفة ؟؟ اذا قوية اتوقع ان الكفرات يبي لها ترصيص وراجع الوكالة فيها لنك ذكرت ان السيارة ترج بعد 120 .. واذا كانت بس رجة كرسي الراكب بشكل خفيف ولا يصدر منها اي صوت مزعج و بدون رجة بدي السيارة اشوف انها طبيعية لن الكرسي ما علية اي ثقل و شوارعنا الناعمة تساعد في هالعملية ...
2- راجع الوكالة فيها .
3- بالعكس العزل فيها ممتاز و الدليل شغل المسجل و ارفع فيه فوق النص و اطلع برى السيارة و حاول تسمع الصوت ... تلقى الصوت منها خافت و نفس الشي الصوت من برى السيارة الى الداخل مرة خافت
وهذا تقرير من فورد يتكلم فية عن نظام العزل فيها ...
ويمكن انت تقصد اذا السيارة تمشي فوق الــ 120 تسمع صوت !!!
الصوت الي تسمعة صوت احتكاك الهوى بالمرايات الجانبية ومايطلع الصوت هذا الا اذا كان فيه هوى قوي او ملحوظ يضرب السيارة من جنب او الامام وانت تمشي وكل ما تسرع يزيد الصوت الا حتكاك وهذا طبيعي بحكم ان السيارة مرتفعة ....
وعشان تتاكد اكثر واكثر اذا طلع الصوت حط يدك على حواف الدريشة الي من جهتك وشوف هل تحس بتنسيم من الدريشة ؟؟؟ اذا كان لا ما عندك مشكلة واذا كان نعم فانصحك ودها الوكالة ..
وعشان اريحك هل الصوت تسمعه مراة ومرة لا على نفس السرعة او تسمعه باستمرار ؟؟؟
اذا الاولى هذا دليل احتكاك الهوى بالمرايات الجانبية و اذا الثانية ودها الوكالة
4- حدث النظام عن طريق الوكالة وريح نفسك ...
وبالنسبة للطبلون ... يالغالي كل سيارات فورد تفصل على 190 ماعدى سيارات الاسبورت فقط الي ماتفصل زي الموستنق وهذا نظام فورد من زمان وانا عرفت انه موجود في فورد من 98 في الكراون فكتوريا ...
