تبادل خبرات واستفسارات لكل ملاك فورد ( ايدج )

هلابكم اخواني وبالعكس ما سويت شي وانا حاظر وبالخدمة ......

وهذا الرابط هدية صغيرة مني لكم وفيها ثيمات لشاشة MFT وان شاءالله تستفيدون منها ....

http://hotfile.com/dl/123605356/1244f3b/edge_2011_them.rar.html

ابد فك الملفات المضغوطة وسو لها حفظ بالشاشة ....

وهذا بعض الصور الي حاطها عندي ...







وهذا عشان العين هههههههههههه من جد تحس انها مكسورة







واعذروني على جودة الصور لني مصورها من الجوال ايفون

وشكرا

يعطييييييك الف الف الف عافية fire box على الاجابات الشااااااافية الي تحس نفسك من جد تكلم واحد فاهم الصلاة عالنبي
شاكر لك تفاعلك انت والاخوان
بالنسبة للشنطة حق الطفاية الي تلصق ماجات مع السيارة بكرة لمن اروحلهم اطالبهم فيها
رحت اليوم الوكالة وأخذت موعد بكرة علشان صيانة الشاشة وقالولي شغلتها بسيطة مجرد برمجة وتنحل ان شاء الله

هلابك اخوي ...

بالنسبة للالوان الداخلية قالو لي مثلك راح يكون رمادي او حجري واسمة بالانجليزي stone وبالاخير الرمادي او الحجري طلع بيج ههههههه

وشكرا

هلابك اخوي oussi وراح اجاوبك على الاسئلة وان شاءالله تنحل مشكلة الشاشة قريب واتوقع كلها تحديث وتنحل ان شاءالله

بالنسبة ....



اي نعم تقدر تنزل و السيارة شغالة و الرموت بجيبك .....
وتقدر تقفل الباب باللمس و تفتحة باللمس و الرموت بجيبك والسيارة شغالة بعد ...
وتقدر تقفل عليها والرموت داخل السيارة بضغط على زر 0 و 8 مع بعض ولكن ما تقدر تفتحها الا بالارقام السرية الخمسة .....
وطريقة قفل الباب باللمس .... المس الحبة الي على مقبض الباب

وبالنسبة ....


اعبيها 91 من طلعتها من الوكالة وما عمري عبيتها 95 ....

بالنسبة ....


يجي معها شنطة لصاق المفروض يعطونك ايها زي الي بالصورة ...



وبالنسبة ...


تقدر تشغلها عن بعد بالمكيف و تقدر بدون مكيف عن طريق الخيارات الي بالشاشة الي باليسار وتروح لخيار المكيف وتخليه على last setting وميزة الخيار هذا يصير يشتغل على الاعداد الاخير يعني اذا طفيت السيارة و المكيف شغال وشغلت السيارة مرة ثانية يشتغل المكيف اوتو و طفيت السيارة والمكيف طافي وشغلت السيارة بعدين ما راح يشتغل المكيف مع التشغيل السيارة ....

بجاوبك عالاسئلة اللي اعرف جوابها



ايي تقدر مادام ان السيارة تشتغل تقدر بس اذا بغيت تشغل السيارة لازم يكون المفاح داخل السيارة



اذا سيارتك فيها لوحة الارقام عالباب اكيد تقدر اما اذا بالمفتاح ما ادري بس اتوقع تقدر



لا عاي تقدر تبرمجه من السيارة اذا كنت تبيه يشتغل ولا لا واتوقع البرمجه تكون في الشاشة اللي في الطبلون عاليسار اتوقع منيب متاكد

السلام عليكم ورحمة الله وبركاته ,,

هذي اول مشاركة لي بالموقع بس على فكرة من زمان ادخله بس ما كان لي خلق اسجل :bigggrin:

انا من اول ما نزلت الايدج بامريكا وانا احتريها تنزل بالرياض ودي اشوفها عالطبيعه والمهم قبل كم اسبوع قررت افاتح الوالد بالموضوع واني ابي سيارة جديدة ولله الحمد والمنه قبل امس رحت للوكاله ودفعت المبلغ كامل واخذت الايدج ليمتد 1 من جوا رمادي فاتح طبعا مافيه الا هاللون ولا انا ودي بالبيج او الاسود بس ماتدري وين الخيرة فيه المهم واخذتها من برا اسود وقال لي ان شاء الله بتطلع قبل العيد ,, وانا حاليا بانتظارها

مشكوور اخوي fire box على الاطراء ومشكور على طرحك للمعلومات القيمة
انا ماقصدت ان المكيف مو بارد بالعكس ماشاء الله ثلاجة لكن اقصد قوة دفع الهواء
ومثل ماتفضلت صوت هوا المكيف على اقوى شي ماهو مزعج ابدا ابدا
بالنسبة للشاشة ماسويت فيها شي ابدا طفيت السيارة ومافيها شي شغلتها ولا عاد اشتغلت
حاولت اكثر من مرة اطفي السيارة واشغلها لكن مافي فايدة
قلت اروح للوكالة وموعدي معاهم السبت الصباح ان شاء الله
مع اني حاط فلاش ميموري 8 جيجا ومحمل عليه يمكن 1 جيجا او اقل

شاكر لك مرورك اخوي واتمنا ان تعم الفائدة على جميع الاخوان وجميع ملاك هالتحفة الفنية


سؤال : اذا انا مشغل السيارة ووقفت في مكان وبغيت انزل واترك السيارة شغالة
هل اقدر انزل الريموت معايا برا السيارة والسيارة شغالة ؟ ؟
وهل اقدر اقفلها وهي شغالة وانزل منها وافتحها بعدين ؟
خايف اسوي كذا واتنكب وتقفل السيارة ولا عاد اقدر افتحها والريموت جوا

سؤال 2 : وش البنزين الي تعبيها لها 91 او 95 وهل تفرق ؟
انا للحين ماشي على 95

سؤال 3 : الطفاية ناكبتني وهي تدقدق في الشنطة ورايحة يمين ويسار مع اللفات وش اسوي فيها ؟ ؟ انزلها من السيارة ولا لها مكان تتثبت فيها ولا عاد تتحرك

سؤال 4 : هل كل مرة اشغل فيها السيارة بالريموت عن بعد لازم يشتغل معاها المكيف ولا اقدر ابرمجه انه مايشتغل الا لمن انا اشغله ؟

اسف عالاطالة وشاكر ومقدر لكم تفاعلكم

بالتوفيق
ينقل لقسم تجهيز سيارات الدفع الرباعي

مبرووووك الايدج ومبروك الرابط الي كنت انتظر اني اشوفة واشوف عشاقة متجمعين فية ويتشاركون الخبرات و الحلول لاغلب المشاكل فيها ....

مشكور اخوي oussi على المبادة الجميلة وانا راح اساعدكم بكل الي اعرفة عن السيارة وراح اشاركم كل تجاربي و ملاحظاتي ....

الحمدالله السيارة شريتها في شهر 1 من 2011 وصار لها معاي 8 شهور تقريبا وماشية اكثر من 22 الف كيلو والحمدالله ....

السيارة ابداع من جميع النواحي من متعة قيادة وجمال في الشكل وهدوء و فخامة الديكور الداخلي وجودة ممتازة ورساوة وانظمة امان و ترفية متميزة ....

الملاحظة الوحيدة الي اشوفها و اغلب المالكين يلاحظونها و يشتكون منها نظام MyFord Touch والسبب الوحيد ان النظام الجديد و المطور من شركة مايكروسوفت Microsoft الامريكية للبرمجيات واغلب مشاكله التعليق مع انه تعليق مقبول بالنسبة لي ويمكن لني متعود على الشي هذا من برمجيات شركة مايكروسوفت وخاصة الكمبيوترات و اللابتوبات ...

وحلو المشاكل هاذي بامريكا بتحديث اصدار MFT المستمر وانا الى الحين ما قدرت احدث النظام وكل مسالت عنها بالوكالة يقولون ماجانا اصدار لتحديث للنظام !!!!!

طيب وش لاحظت من مشاكل التعليق ؟؟؟!

بطئ النظام وهذا الشي الكل ملاحظة و اكثر من مرة يطلب مني تحديث النظام وبعدين يطفاء او يعلق على اخر شي وانا للاسف اطر اني اطفي السيارة لمدة 5 دقايق ولما اشغلها يشتغل النظام طبيعي ...

للامانة ماقد صارت المشكلة هاذي معاي الا 3 مرات في خلال فترة امتلاكي للسيارة ولكن هذا ماينفي مشكلة النظام و وجوب تحديثة ...

ومشكلتي انشغالي والا كان رحت الوكالة وتفاهمت معاهم ... وان شاءالله موعد صيانة الــ 24 الف قريب وراح اروح لهم واحدثة لو اطر اروح الرياض على شانة

بالنسبة للمكيف مشاءالله ثلج وبدون مبالغة وكل الي تسوية اضغط على زر MAX A/C وكلها 5 دقايق وراح تنقص في قوة المكيف غصب ...
بالنسبة لدفع الهواء بالمكيف كلامك صحيح اخوي oussi اقل من اللومينا لن كان عندي ls 2006 ولكن مراوح مكيف اللومينا مزززززعجة بالمرة بعكس الايدج صوتها مقبول اذا خليتها على اقصى شي ...

وبالنسبة للزيت انا عندي صيانة مجانية ولا اغير الزيت الا كل 8000 كيلو من الوكالة ومذكور الشي هذا بالكاتلوج بعد ... والجنوط الاكبر تقل الراحة بالسيارة واذا عن شركات التظليل كثيرة وكلها لها نفس الاداء وانا ظللت عند جيوشيلد و اشوفها مثل فيكول في قوة العزل لن سيارتي السابقة كنت مركب لها من فيكول ....
واذا عن شاشة MFT طف السيارة 5 دقايق وبعدين شغلها واذا ما اشتغل النظام معاك ودها الوكالة ... ونصيحة لا تركب هارد ديسك او فلاش ميموري مليان او شبة مليان لنة راح يعلق معاك كثير وانا لاحظت الشي هذا لني كنت حاط 16 جيجا فلاش ميموري وعبيتة على الاخر وصار النظام يعلق معاي وبعدين جبت 2 فلاش ميموري 8 جيجا وخليت في كل واحد 5 جيجا بس ومن بعدها ما صار يعلق من الفلاش ميموري ..

وهلابك اخوي زيزو وبالعكس ماسويت شي والله يبارك لك فيها مقدما وعقبال ما تبشرنا ونفرح لك :xyxwave:

وانا حاظر وبالخدمة لجميع الاستفسارات للرائعة ايدج ...

وشكرا

ياأخوان اليوم الشاشة طفت عندي ولا عاد اشتغلت ولا المسجل:blue::blue::blue:

احد يعرف ايش السبب ؟ ؟ ؟ ؟

الله يبارك فيك
وتتشرف الرابطة بوجودك فيها وطلتك معانا ياقمر

الله يبارك فيك ويعافيك
وان شاء الله تعم الفائدة على الجميع
والف مبروك مقدما على السيارة



بالعكس البانوراما أجمل مافي السيارة يوم تفتحها كاملة تحس ماشاء الله ان السيارة كشف مو بانوراما من كبرها
التظليل نصحوني بجونسون
لكن انا ودي يرد علي احد من الشباب الي مركب تضليل على سيارته ومستفيد منه صح يعني العزل الحراري فيه ممتاز ومايهمني الاسم يهمني الشغل

مبارك على الرابطة ومن يدري قد ننضم لكم بالمستقبل :)

يعطيك العافيه اخوي وتشوف خيرها ويكفيك شرها ..

وان شاء الله نستفيد من الرابطة ومن الاخوان اللي معهم السيارة وتصير مرجع لنا في الامور الفنية في السيارة والاستفسارات

انا زيك بالبداية ما كانت عاجبتني السيارة!!
ابداً ولا كانت من الاختيارات اللي هي يمكن تشوفونها متناقضه في الفئات بس هذي اللي كانت في البال وخاصة ان سيارتي الاولى كورولا 2005 وقامت بالواجب وزيادة واخذتها بظروفها فقلت الثانيه باخذها بمزاج (: .

فكنت حاط عيني على يوكن نص فل - اكاديا نص فل - اكسبلورر نص فل 2011 وطال الانتظار فشلته من القائمة - fx35 ستاندر - rx 2010 -برادو 2010
وبالاخير رسيت على يوكن واكاديا وايدج دخل على الخط السيارة شوي شوي بديت اتقبلها ومعا الوقت عجبتني يوم اكتشفت المميزات اللي فيها شي من جد تحسه يماشي العصر وبالاخير رسيت عليها

- يوم جيت ادفع العربون ترددت يوم شافني الموظف قال جربها واطلع قيادة تجريبيه صراحة ابداع

دفعت العربون وانا الحين انتظر السيارة توصل طلعت علي 134 نص فل دفع امامي لؤلؤي

- الشي الوحيد اللي خايف منه هو البنوراما ، ولو فيه من دونها نص والله لا اخذها ، انا معاي عقدة من الحر وخايف انها تسبب لي مشكله بكره واقوم الغيها لاني سمعت من واحد من الشباب انها تدخل حرارة وانتم عارفين حر الرياض والله انه يشوي الطير فما بالك بحديد يبقى تحت الشمس 6 او 10 ساعات كيف بيكون داخلية السيارة ؟؟

- بالنسبة للتظليل من خلال بحثي في النت وصلت انه افضل شي( في كول و 3m ) وانا ابي اضللها وأسوي حماية للوجهية والانوار وتجليد الارضية

ولا انسى بالاخير
- اشكر اخوي ( فاير ) اللي ماقصر علي من خلال تواصلي معاه بالاجابة على كل الاستفسارات اللي عندي الله يجزاه خير في الدنيا والاخره .

نعم صدقت اخوي الشاشة فيها بطئ واضح بالذات مع الاتصال مع الجوال
وتعليق بسييط انا اعتبره بطئ وليس تعليق
بالعكس انا اشوفها بالنهار واضحة
لكن بصمات الاصابع تبان عليها على طوول يعني يبيلك كل يوم حملة نظافة لها
صادق حساسة جدا وتلهي السواق عن السواقة لكن عندك بديل لها وتقدر تتحكم فيه بكل شيئ موجود بالشاشة عن طريق المقود بالجهة اليمنى والشاشة الي يمين عداد السرعة تعتبر شاشة مصغرة لما يوجد بالشاشة الكبيرة من خيارات وادوات تحكم وعن طريق الازرار الي بالمقود
بالاضافة الى انه عندك الاوامر الصوتية تقدر تسوي الي تبيه بالسيارة عن طريق الاوامر الصوتية




فيها حساسات خلفية وكميرة خلفية
هذي الفئة الي معي اللميتد 1 مدري اذا الفئات الاعلى منها يجي فيها حساسات امامية اما الي عندي لا مافيها ولا فيها ستارة

والله يبارك فيها ويرزق بوحدة احسن منها في القريب العاجل