أستفسار يا اخوان عن البطاقة الجمركية

شوف حبيبي شكل سيارتك جبتها عن طريق منفذ البطحاء
اخوي انا ما ادري الحين انتهيت من اصدار البطاقه الجمركيه او لا
لكن ابشرح لك ولغيرك للفائده بالتفصيل الاجرائات من دخول السياره من احد المنافذ البريه وشوف انت
وين وصلت
من مجرد دخول السياره المنفذ السعودي يقومون بانزال لوحة التصدير من الدوله المصدره ومن ثم تركيب اللوحه المؤقته اللى تجيك من الجنب لونها رمادي وعلامة مثلث
ثم يحسبون الجمارك وهناك شي مهم اذا السياره كان معها ورقة مقاصه وهي عباره عن كم دفع صاحب السياره الاول في الدوله المصدره من جمارك يوم استوردها اول مره واذا احضرت الورقه يقوم موظف الجمارك السعغودي بخصم مادفعه المصدر الاول
يعني جبت من الامارات سياره دفع الاماراتي 5 الاف جمارك لها في بلده وانت شتريتها وصدرتها وتم حسب الجمارك عليها بالسعوديه 6 الاف تدفع فقط 1000 ريال
ومن ثم يعطونه مثل ما قلت لوحة مؤقته وخطاب للمواصفات والمقاييس موضح فيها
اسم المستورد وبيانات السياره ويقومون بفحص السياره وطفايه الحريق يعني كله كلام فاضي ب 350 ريال ومن ثم خطاب لاي منفذ جمركي قريب منك يوضح فيه انه تم فحص السياره ولا مانع من اصدار البطاقه الجمركيه ويعطونك ورقة صغيره مكتوب عليها بطاقه جمركيه
يبقى عليك الفحص الدوري والتامين وتسجيل مركبه جديده وتسلم اللوحات المؤقته وتاخذ الوحات الرسميه
وسلامتك