مشكلة اللومينا في التشغيل ولمبة SVS

السلام عليكم و مساكم الله بالخير جميعااا...
اخواني عندي مشكلة و اتمنى انكم تفيدوني باسرع وقت,انا عندي لومينا اس اس 2004 و ما شالله تبارك الله لها معي بالكثير 8 سنوات و ما غيرت فيها الا الاشياء الروتينية بس الحين طلعت لي مشكلة الا وهي الزيت انه يطلع لي في الشاشة انه نااااقص مع العلم في السنوات الي راحت كنت اغير الزيت كل 5000 كلم و لمن اشيك على الزيت في الــ5000كلم الاحظ انه كل الي تغير فيه اللون صار اسود داكن و شوي ناقص لكن في الاشهر اللي راحت صار الكمبيوتر يعطيني نقص في الزيت على 3800كلم و لمن اشيكه فعلا القاه ناقص فاضطر اني ازوده 4 علب موبيل وان و لمن اوصل الخمسة اغير كامل لكن الي خوفني اكثر انه في شهر 8 يعني مع الراتب غيرت الزيت كامل و ما امداه و صل 1300 كلم الي و الكمبيوتر معطيني نقص في الزيت,شيكته فعلا لقيته ناقصه مع العلم ان التحذير ما يطلع لي الا لمن ادعس بنزين شيء من الشدة مو هذيك القوة يعني حق قومه لا شيء بسيط مع اني وديتها قبل فنرة الفحص الدوري ما حصلو و لا تهريب زيوت في السيارة و انا بنفسي شيكت ما حصلت تهريب ابدااا مع العلم اني مسوي خرررط مكان السرة حقت الزيت مكان ما يغيره لانه صار شوي راخي فاضطريت اني اخرطه عشاان الصاموله تكون ثابته مررره مع اني متاكد انه ما فيها تهريب ابدااا و برضه غيرت طرمبة الزيت و الصوفه , فكذا بنشري قالي ان السيارة تنقص زيت بعد 250 الف كلم و انا سيارتي و صلت 275 الف كلم.
ممكن تفيدوني ايش اسباب النقص و ايش حل مشكلتي.....
و المعذرة على الاطالة لاني حبيت اوضح لكم الصورة بكل التفاصيل....