السلام عليكم ورحمة الله وبركاته
معاي ميركوري قراند ماركيز 2008
قبل اسبوعين
سافرت 2400 كم بشكل متواصل(الخبر-الطائف-الخبر)
وهذا غلط كبير مني لان المفروض اني اريح المكينه على الاقل ساعه او ساعتين قبل العوده من السفره
وانا بعطيكم السالفه كامله عشان المشكله تكون واضحه
رحت للطائف ورجعت , وقبل لاأوصل الرياض في الطلعه القوية ذيك
ولعة لمبة المفك في الطبلون الالكتروني
وطفى مثبت السرعه بشكل مفاجئ
وسمعت صوت طقه بالقير
سفطت على يمين وحطيتها بالإن وطفيت السياره .. وقعدت دقيقتين ورجعت شغلتها
وباقي لمبة المفك موجوده والتي لاأدري مامعناها
مشيت لين طلعت من الرياض والسياره مافيها شي الا لمبة المفك والمثبت مايشتغل
واسفط في اول محطه على خط الدمام
واوقف السياره لمدة ساعه كامله وفاتح الكبوت , ورجعت بعد ساعه وشغلت السياره
واشتغلت اوكيه
وطفت لمبة المفك+مثبت السرعه رجع اشتغل
بس احس انها ثقيله شوي وهي تشتغل وسافرت ووصلت الخبر ونمت
صحيت اليوم الثاني وشغلت السياره بالغصب اشتغلت
رحت عند محل بنشري ونظفت المكينه من الغبار وطلع صحراء كامله من المكينه
لاني لقيت غبار قوي ع الخط
وفكيت فلتر الهواء ولقيت تحته كومة تراب وقعدت اشيلها بيدي ونظفت الفلتر وقفلت الكبوت
واشتغلت السياره بكل اريحيه كسابق عهدها ..
الحين اذا مشيت بالسياره مشي عادي مايطلع اي شي
لكن اذا دعست ع البنزين بزياده شي بسيط اسمع زي صوت .. قرررر .. كن السياره مكتومه
فماأدري وش السبب
بعض اخوياي قالو ان خش تراب داخل المكينه مع فلتر الهواء وبعضهم قال سوي تنظيف بخاخات
اللي عند بترومين
ورحت عند محل وقلت له المشكله قال يمكن من حساس الدعسه .. قلت له نظفه
قال ماأقدر .. لان حساس الدعسه في الفورد الجديد الكتروني واذا فكيناه بيطلع لمبة تشيك إنجن ومهب زي القديم
فماأدري وش السالفة وياليت تعطوني الحل لان عندي سفرة حوالي 3000 كيلو الايام الجايه
