مشكلة بالأفلانش

الله يبارك فيك أخوي GM_TAHOE..

السبب على حسب كلام الميكانيكي يقول اغلب خرابات الدبل من سوء الاستخدام واللي عندي الدبل عباره عن زر بجنب الدركسون ولازم تفره عشان يشبك الدبل ولو بغيت انقل من الدبل الصغير للدبل الكبير لابد اني احرك المفتاح خطوه خطوه يعني من الـ تو ويل إلى الأوتو حركه وحده بعدين انتظر لين تولع اللمبه وبعدين من الأوتو للفور ويل وانتظر لين تولع اللمبه وكذا والمشكله اني كنت افره للاخير دعسه وحده زي مايقولون ههههههههههههههههههههههههههه وانعدمت التروس ...

الحمدلله قدر ولطف..

الله يعوضك خير أخوي أبو محمد وكل عام وانت بخير..

ولا يريكم امين
اخى الحمد لله طمنتنا فانا حصل معى مشاكل كثيره مع موتر سابق تم بيعه ودوختنى الورش وخسرت كثير وتعبت ايما تعب ولهذا اتفهم كثيرا مشاكل الاخرين واتعاطف كثيرا معهم من تجربه ...ولكنى تعلمت كثيرا كثيرا كثيرا والحمد لله من تلك التجربه بارك الله لنا ولكم وبلغنا الله وياكم والمسلمين رمضان والحمد لله رب العالمين على كل حال

مبروك
والحمد لله على كل حال
بس ما قلولك وش السبب ؟

أخواني الغالين,,

أبشركم الحمدلله طلعت المشكله من الدبل فقط وتم عمل توضيب للدبل بالاضافه غلى تغيير حساس داخل القير اسمه (Input Speed Sensor) قيمته 280 ريال وتركيبه 800 ريال..

أشكر كل من أشار علي بمشوره وأسأل الله ألا يريكم مكروه في سياراتكم..

تقبلوا تحياتي

أخوي فني سيارات..

نوع السياره شيفرولية أفلانش Z71 دبل موديلها 2008
القير أوتوماتيك

اخي العزيز الجير عندك اوتوماتيك او جير عادي
لاني احس ان الموضوع ملخبط ولم تتضح لنا الصورة

العفو منك اخوي أبو محمد,,

الدبل اللي خلف القير مباشره "Transfer Case" وأعتذر عن عدم فهم مقصدك في البدايه..

تحياتي لك

امين يارب
اقصد ان فيه الدبل الامامى وهو تقريبا بين الكفرين الاماميه (امام القير) وكذلك الجزء الخلفى (خلف القير ) المسمى "Transfer Case" ...هذولى اجزاء الدبل الاساسيه وبها تعرف السياره دبل او لا!

الله يسهل أمرنا وأمرك ان شاءالله أبو محمد..

بالنسبه للدبل أقصد دبل السياره الأفلانش..

الله يسهل امرنا وامرك ..اى دبل تقصد؟

أشكرك على النصيحه أخي الجوكار وفعلا انا لاحظت عليهم اكثر من واحد يكلمونه على طول ماعندهم الا كلمه وحده "القير محتاج توضيب كامل"..!!! معقول كل السيارات اللي عندهم يبيلها توضيب؟ حتى البانوراما 2010 يبيلها توضيب؟ معليش ماهضمتها بصراحه..

أنا توكلت على الله وسحبت موتري من عندهم وديته عند شلنجر قالي بالنسبه للدبل فعلا فيه تروس مكسره ويبيله توضيب مايكلف كثير ان شاءالله وبالنسبه للقير قالي المهندس اول شي راح نغير السنسور وان شاءالله مافي الا العافيه وفي حال مانفع ماراح تدفع ولا ريال وراح يعطوني التقرير النهائي على يوم الاحد الجاي ان شاءالله بعد مايخلص الدبل ويركبون القير ويجربون السياره..

الله يكتب اللي فيه الخير..

مساء الخير..يالغالي ..

اخوي انا مالي علم بامور الميكانيكا .. الاخوان بيفيدونك اكثر ..

نصحية اخ والله ..حاول تطلع سيارتك من ترايستار ..والله نصابين ياما تعبت معاهم ..

مره وديت ماونتينير .. ارتفعت علي الحراره .. وصارت مشكله بالمكينه ..والله دفعوني 8000 .. تخيل يمكن لو شريت مكينه نظيفه من التشليخ كان ارخص ..بس كان قل عقل فيني ..

ومره وديت جيب لكزس ..لهم فيه مشكله بالتانكي البنزين الاحتياطي .. تخيل قالي تغير طرمبة بنزين وكم شيء اخر ..بسعر 3400 ..

وقسم بالله اني صلحتها .. 150 ريال ..راس مالها برمجه ..

لو تطلعها من عندهم انت الكسبان

أخواني (GM_TAHOE / فني سيارات / abumohammad1 / abukinan/ tomlilim)

يعطيكم العافيه يالغالين على آرائكم ومشاركتكم الموضوع..

أنا بطلع الحين للورشه وبشوف وش يقول المهندس واعلمكم وش يصير معاي اول بأول.. والله يكتب اللي فيه الخير..

بالفعل وش علاقة الدبل بالكفر الخلفي ؟؟

وبشرنا اخوي وش صار معك أول بأول

بس انا لين الحين مش مقتنع ان الكفر (الاطار ) يعلق يتصلب لان الدبل او الجير فيه مشكله و الجير اوتوماتيك احس ان الجير و الدبل ماله علاقه خاصة انه ذكر ان الاطار الخلفي الي علق :rolleyes1:

ان شاء الله تكون مشكلة حساسات...لا تستعجل على التوضيب وانصحك بقوه توديها الوكاله فهم اخير ولديهم ادوات فحص افضل ...ما ادرى كم ماشى؟ وهل غيرت زيوت القير والدبل والدفرنس من قبل؟

اما رمان مجيم
او
مشكلة في الدبل واتوقع اللي علق عندك هو خاصية الدفلوك اللي لما يصير احد الكفرات حر او مغرز يقفل ويعطي كل القوة للكفر الثاني بحيث يساعد على تحرك السيارة من مأزقها