قناة السيارات
السلام عليكم ورحمة الله وبركاته
اخواني اعضاء المنتدى الكرام باركوا لي شريت كامري موديل2000 امريكي فل كامل 4 سلندر
فحصتها كمبيوتر طلع لي نسبة المكينه 93% وبس يبغالهاى تصفية
توكلت على واخذته لكن لاحظت فيه صرفيه بنزين مو صاحيه تزعب كني راكب 8 سلندر مو
4
اول مشكله صرفية بنزين ثاني مشكله فيه
تقطيع في بداية القومه يعني اول ماتضغط خفيف اتحس السياره ماتستجيب اتحسه بتطفى
لازم تضغط عشان تمشي من تحت 120 اتحس الموتر يقطع مايعطيك عزم تكتم الموتر
اتحسه يلا يمشي ولا من تخف رجلك اتحسه بدا يقطع وكلش حده 160 ولا يعديها لو
تضغط الدعسه كلها والله شريه بقيمه لكن احس انخدعت مع العلم عندنا موديل 2003
خفيف في القومه وصرفيه البنزين قليله كلش .
اول حاجه الكامري مشيلوه دبة الرصاص مركب له وصله هل تؤثر في الصرفيه ثانيه غيرت له
بواجي والاسلاك اصليه في تحسن خفيف لكن الكتمه مابرحت والصرفيه ماتغيرت ارجو
مساعدكم في المشكله هاذي وشكرااااا للجميع .....
رد مع اقتباس
الشهادة لله السيارة بعدها مسكت خط عشان يطلع الكربون رجعت زي اللوز
من دون ما يفكون ولا مسمار ويلعبون في السيارة
