حرارة قير التاهو 2007

ابوعبدالله4025 @user_235301 · 12-06-2011

السلام عليكم ورحمة الله وبركاته
عندي تاهو 2007 دبل استخدام امريكي حرارة القير كانت قبل نص سنه تصل الى 88 درجة ثم صارت بالسفريات
تصل ل92 اطلع الطائف طريق الكر بنهايته تصل ل109 اشتريت الزيت والفلتر اصلي من بالبيد
ب250 ريال وركبته عند بترومين اكسبريس ب200 ريال ثم سافرت الى ابها عن طريق الساحل الدرب وكانت الحرارة ثابته على 92 ثم طلعت عقبة ضلع فوصلت الحراره 109 والان داخل المدينة
تصل الى 88 علماى اني مشيت بعد تغيير زيت القير 2500 كيلو هل هذا يعني مشكلة بالقير وكم
حرارة القير الطبيعية بدون طلوع مرتفعات جزاكم الله خير

ابوعبدالله4025 @user_235301 صاحب الموضوع · 15-06-2011

الزيت من نوع Dexron IV هل هو الزيت رقم 6 اللي يقولون عليه الاخوان علما اني غيرت منه

والحرارة الان داخل المدينة تصل الى 89 بس ابجربه بالسفر قريبا واوافيكم بالمستجدات

فيق @user_23374 · 15-06-2011

الحرارة طبيعية لموديلات 2007 - 2008 ... و موديل 2010 و 2009 حرارته اقل لأنه القير 6 سرعات و يختلف عن سيارتك ...

تأكد ان الزيت اللي حطيته Dexron IV لأن وايد ناس يحطون Dexron III بالغلط ..

abumohammad1 @user_111409 · 14-06-2011

نفس المشكله!
السبب ان زيت القير يمر من خلال اديتر المكينه واذا اجهد ت المكينه ترتفع حرارتها وبالطبع ماء الديتر وهذا يؤثر على زيت القير حتى مع وجود المبرد فاذا الجو حار ليس هناك فرصه لمبرد القير الصغير للتبريد...

هناك حلول منها مبرد اكبر ومنها تغيير ثرموستات الديتر الى حراره اقل ولكن لم اجرب اى منها وهناك مجازفه بعمل هذه التغييرات....

الزبده! هذا تصميم المصنع وليست مشكله طارئه! فالتصميم لكل الاجواء حتى الثلوج ولان جونا حار ودافى معظم السنه فهذا التصميم والتجهيز لا يناسب اجواء الخليج

كم كانت درجة الحراره فى الخارج؟؟؟
وهل جربت اليوكون 2010 كما ذكرت بنفس الظروف -مع الهدا ونفس الجو والسرعه؟؟

والله اعلم

h666 @user_222505 · 13-06-2011

حرارة القير طبيعة لان مديل 07-08 القير اربع نمر
انا داخل المدينة حرارته من95 -88
وطلعت فيه الهدا عن طريق الكر ووصل 109 كنت حاط القير على2 وبعدين حطيته 3 ونزلت حرارته
ملاحظه مهمه انت تقول شريت الزيت مع الفلتر ب250
انتبه وش نوع الزيت ترى الوكالة يعطونك الزيت رقم 3 ب15ريال للعبة وهو رقم6 العلبة 45ريال
انا صارت لي مع الجميح ةاذا تبي تتاكد اسحب المعيار حق الزيت بتلاقي مكتوب6 بالارقام الايغريقيه
سعر الزيت بدون فلتر 270

ابوعبدالله4025 @user_235301 صاحب الموضوع · 13-06-2011

الاخ مركز جوانا جزاك الله خير بس لو تقولي ويش لونه ماء الرديتر الاصلي احمر ولا اخضر ويش

افضل شئ اخذه ما همني السعر حتى لو غالي

الاخ تاهو LTZ جزاك الله خير يوجد بسيارتي مبرد قير بس عندنا يوكون 2010 ما كمل سنه

حرارة القير بين 71 الى 78

SIERRA_HD @user_143138 ..:: TAHOE//YUKON GRP. MEMBER ::.. + RiYaDh 4X4 GrOuP · 13-06-2011

الحراره طبيعيه مافيها شي ,

بس تأكد ان فيه مبرد قير عندك , لان على ما اذكر ان بعض التاهوات وارد امريكا مايجي فيها مبرد قير , عموما انت افتح الكبوت وناظر الرديتر , اذا لقيت قدامه مربع صغير نفس شكل الرديتر الاساسي فـ معناته موجود عندك , لكن اذا كان مو موجود الافضل انك تركب .

مركز جوانا @user_231566 · 13-06-2011

عليكم السلام
طبيعي عزيزي الحراره تختلف حسب الجهد والاجواء الخارجيه
حاول برضه تغير ماء الاديتر بماء اصلي اذا كان المبرد داخلي
بالتووووفيق