شريت سيارة جديدة وبعتها ... كم كانت الخسارة فيها ؟؟؟

فارس الخليج @user_170229 · 12-06-2011

أشوف ناس ماشاء الله لا قوة إلا بالله يغيرون سياراتهم دوريا او سنويا فيشتري سيارة الآن وبعد فترة يقوم بتغييرها بأخرى ... مثلا كانت معه كامري 2010 شاف السوناتا الجديدة قام باع الكامري واشترى السوناتا

بكل تأكيد السيارة الجديدة ينزل سعرها بمجرد تركيب لوحات عليها وتنزل أكثر باستخدامها ولو لفترة بسيطة وبقيادة متزنة ومحافظة ... هذا في السيارات التي تمسك سعرها فما بالنا بالسيارات الهشة ذات الرغبة المنعدمة وذات الانتشار القليل أو المعدوم أحيانا ....
طيب هولاء الأشخاص كيف يتصرفون حيال نزول السعر عند تغيير السيارة .....؟؟؟؟؟ هل هم يتقبلون الخسارة ويرضون بها بهذا الشكل غير المبالي والمهتم أو توجد لديهم طريقة ما لتجنب الخسارة أو لتقليلها على الأقل ............

هذا هو شق الموضوع الأول .... والشق الثاني نريد معرفة مقدار الخسارة في السيارات الجديدة عند بيعها وخاصة عند بيعها بعد فترة بسيطة من استخدامها

فإذا شريت سيارة جديدة وبعتها كم كانت خسارتك فيها ....؟؟؟

والشكر للجميع ...

000000

0000

00

الزئبق @user_138884 · 31-08-2011

يعني تحسب الخسارة كاستخدام للسيارة

يعني سيارة شريتها 100000 مائه الف ريال

بع خمس سنوات بعتها 30000 الف ريال

يعني حسابيا 100000- 30000= 70000 الف ريال

5 سنوات 60 شهرا

70000 /60 = 1166 شهريا

هذه حسابيا لكن الاغلب يبعها بعد نزل موديل جديد والله مكثر الشركات الى تقدر سيارتك

القديمة وكل شي محسوب فى ظهرك

abdallah1432 @user_269218 · 29-08-2011

اشتريت النترا 2009 بمبلغ 48500 ريال واستخدمتها لمدة سنتين فقط مشت فيها حوالي 38 الف كيلومتر استعجلت ببيعها بمبلغ 36000 ريال لانها كانت نظيفة جدا.

ss07ss @user_109387 · 29-08-2011

اول شي الي ياخذ سيارة ويبيعها في اقل من 5 سنوات هذا انسان جاهل مع احترامي خاصة اذا كان السبب انه ماعجبته وين ماراح وشاف قبل لايشتري ويسال ...

اما اذا محتاج فلوس عادي ..

المهم عندكم هايلكس 2001-2005 اسعارها الان 55 وفوق وكامري 2001 ب 35

فارس الخليج @user_170229 صاحب الموضوع · 29-08-2011

فعلا الاتجاه الآن للكوري .....

kitemine @user_250530 · 27-08-2011

ياخوان المشكله مو في جودة السياره ولا الشراطيه
المشكله في الوكيل
عبداللطيف جميل متحكم في السوق
لا صيانه ولا قطع غيار ولا معارض حتى بالتقسيط اسلوبه ميسر
ومو شروط تعجيزيه

اما باقي الوكلاء كلن يشتغل على قد امكانياته
عشان كذا الاسعار تطيح
وعلى سبيل المثال الحمراني نزل عرض حلو ٥٠/٥٠ وفي الاخير كنسله
وطفر وماعاد قدر يجيب موديلات جديده لا ارمادا لا باثفندر وكذا سياره
والباترول رفع سعره

لكن انا اشوف المستقبل صار للكوري مع اني اكره
خصوصا بعد انتشاره عندنا بادي اشوف محلات قطع غيار وصيانه ومعارض في محافضات
بعد ماكانت حكر على المدن الرئيسيه

1hamd @user_232707 · 20-08-2011

شريت كامري 2000 GL بــ 60000 ألف

وبعته العام الماضي 2010 بـ 20000 ألف

فارس الخليج @user_170229 صاحب الموضوع · 20-08-2011

مشكورين ....

سيارات التويوتا تجيب فعلا قيمة عند اعادة بيعها بشرط المحافظة عليه

فارس الخليج @user_170229 صاحب الموضوع · 20-08-2011

مشكورين ....

سيارات التويوتا تجيب فعلا قيمة عند اعادة بيعها بشرط المحافظة عليها

هدير المحركات @user_62466 · 20-08-2011

أعجبتني ردودكم يافير فوكس وياجيف

بس حبيت أضيف عامل إضافي مهم :

لو أفترضنا سيارة يابانيه بـ 80 الف

وسيارة صينية بـ 80 الف ( مثلا يعني )

وبعد 5 سنوات تم بيعهن بنفس السعر تقريبا ، خل نقول 45 الف

هل هم متعادلين ؟

لحظة ! لاتستعجلون

لأننا نسينا نقطه معينه لها أهميتها ، الأ وهي / كم دفعت صيانه ، 5 سنوات ماهي هينه وهي كفيله بإظهار عيوب السيارة

وبالتالي : اليابانيه على مدى 5 سنوات طلبت مثلا 5 الآلآف صيانه من و إلى

أما الصينيه طلبت الضعفين

(طبعا انا ضربت المثال بناء على وضع السيارات اليابانية مقارنة بالصينيه حاليا ، وللتوضيح فقط)

أما لو سوينا نفس المقارنه ياباني مع كوري ، ماراح نفرق كثير برأيي المتواضع من ناحية الصيانة

الكوري بدأ يضايق الياباني وينافسه

وشكرا

قناص الرياض @user_101084 · 19-08-2011

أنا اشوف ان الوعي زاد عند الناس عن سيارات تويوتا و ما صارت ذيك الشيك اللي يقال عنه و أنحصرت في سيارة وحدة إلي هي الاند كروزر لكن غيره من سيارات تويوتا يطيح سعرها حتى اللكزس يطيح سعرها غير الجيب

أضف إلى ذلك ان ما عادت الكامري مثل اول في جودتها و صار سعرها ينخفض و الشريطية ما عاد لهم تحكم في السوق مثل أول

FireBox @user_233434 · 18-08-2011

J

Jeff

معليه اسف اخوي بس انشغلت شوي.

إذا انه هاذا الكلام صحيح فأنا اتفق معاك 100% انا والله مأعرف اسعر المستخدم بس نقطتك حلوه مره, بس كنت جالس افكر لو نغير المعادله شوي لي سنتين وش راح يصير, اعتقد راح تفرق كثير

هلابك اخوي مرة ثانية وابد ماعندك مشكلة ....

بالنسبة اذا كان الاستخدام اقل من 5 سنوات كلامك صحيح وانا اتفق معاك و راح يفرق كثير وهنا تجي ميزة سيارات تايوتا والسبب الشريطية الي ماسكين السوق و الشعب الي الى الحين ما تغير تفكير الاغلبية فية و يعتقدون بان تايوتا الشركة المقدسة و الوكيل الي يراعي مصالح الشعب وهذاك كان اول و الوضع تغير تماما ....

ولاتعتقد ان هذا ذم في شركة تايوتا او وكيله بالشرق الاوسط ولكن ابي اوصل فكرة البدائل وبنفس الجودة وارخص بالسعر والقاعدة هاذي اطبقها في كل شي مو بس السيارات حتى السلع الاستهلاكية والمستفيد الاكبر في الموضوع هذا انا وانت وكل واحد يطبق الفكرة

وشكرا ....

Jeff @user_266519 · 17-08-2011

معليه اسف اخوي بس انشغلت شوي.

يعني الكامري الحين في بحر 95 الف و السوناتا في بحر 85 الف بعد 5 سنوات قيمة الكامري في بحر 45 الف و السوناتا في بحر 35 الف يعني نفس سعر الاستخدام كلها نزل من سعرها 50 الف و المشكلة ان الناس تناظر الى الكامري جابت سعر اكثر ونسى بكم شراها وكم كلفتة خلال الـــ 5 سنوات استخدام ....

إذا انه هاذا الكلام صحيح فأنا اتفق معاك 100% انا والله مأعرف اسعر المستخدم بس نقطتك حلوه مره, بس كنت جالس افكر لو نغير المعادله شوي لي سنتين وش راح يصير, اعتقد راح تفرق كثير

FireBox @user_233434 · 17-08-2011

J

Jeff

عجبني كلامك اخوي فايربوكس

انا فاهم عليك انه ال edge بس مثال وممكن سعرها عند البيع ماهو زي ماكتبت, وانا حاط الافالون بس مثال.

صحيح كلامك لاكن انت تبغى تمشي بحاجة مرتاحه معاها في ذيك الخمس سنوات ولسا تحافظ على راس مالك, وعن لو صار لك حادث هاذي حالة شذوذ ولها احكامها (بس حتى في التشليح بتجيب اكثر هههههههه بس امزح معاك)

اتفق معاك انا بس ضربتها كمثل في إعتقادي انه اغلى بي 20 الف ريال من المفروض

ماهو في جميع الحالات

انا لازم اروح ابكمل الرد بعدين

هلابك اخوي ....

تروح وترجع بالسلامة :xyxwave: وانا اتفق معاك انه الايدج والافالون مجرد مثل للتوضيح لا اكثر ..

ولا تخاف الي يبي يستثمر فلوسة ويبي ارباح راح يرتاح في يارس او اكسنت بعد مو شرط افالون ...

وبالنسبة للكامري و السوناتا قصدت فيها ان اسعارها بعد 5 سنوات راح تكون وحدة من حيث سعر ما بعد الشراء او وقت البيع ....

يعني الكامري الحين في بحر 95 الف و السوناتا في بحر 85 الف بعد 5 سنوات قيمة الكامري في بحر 45 الف و السوناتا في بحر 35 الف يعني نفس سعر الاستخدام كلها نزل من سعرها 50 الف و المشكلة ان الناس تناظر الى الكامري جابت سعر اكثر ونسى بكم شراها وكم كلفتة خلال الـــ 5 سنوات استخدام ....

وشكرا

& الســفيــر & @user_266731 · 17-08-2011

مشكور اخوي على الموضوع الرائع .....
بس حبيت اقول ان السيارات عندنا الاحظ ان المستعمل صار يتربح من وراه خاااااصة الياباني وبعض الامريكي.. يعني تشوف السيارة مكروفه ومابينها وبين سعر الجديد الا شوي !! يعني اشتري جديد اصرف !....والسيارات ماهي على خبرك القديم ..(اذا استخدمت نزل سعرها) ..لااا صارو يبون يتربحون من وراها ...وانا لاحظت هالشي بعد نزول اسعار البنزين وزيادة الرواتب عندنا فالسعودية ..وهذا السبب الرئيسي في ارتفاع اسعار المستعمل ...
عندنا ناس ياكلوووووون سيارات موب يستخدمون:bigggrin:
وشكرااا:wavey:

Jeff @user_266519 · 17-08-2011

عجبني كلامك اخوي فايربوكس

انا فاهم عليك انه ال edge بس مثال وممكن سعرها عند البيع ماهو زي ماكتبت, وانا حاط الافالون بس مثال.

ثالثا تقدر تصير اذكاء بعد لو تشتري ب 33 الف النترا مستخدمة 2009 او 2010 و توفر 100 الف وتسخدم الفلوس في استثمار مربح وتجيب اضعافها مضاعفة بدل ما تحطها في سيارة يمكن يجي ابن حلال و ينتف سيارتك من وراء وتصير تلف كامل وراحت حلولك هباء منثورا

صحيح كلامك لاكن انت تبغى تمشي بحاجة مرتاحه معاها في ذيك الخمس سنوات ولسا تحافظ على راس مالك, وعن لو صار لك حادث هاذي حالة شذوذ ولها احكامها (بس حتى في التشليح بتجيب اكثر هههههههه بس امزح معاك)

رابعا بالنسبة للافالون سيارة ممتازة ولكن سعرها مرتفع بالنسبة لمنافسينها و موصفاتها و لو تقارنها بالتورس .... التورس افضل من ناحية المواصفات ولو تقارنها بالازيرا .... الازيرا افضل من ناحية السعر ....

اتفق معاك انا بس ضربتها كمثل في إعتقادي انه اغلى بي 20 الف ريال من المفروض

خامسا فرق السعر للاسف و الاسف الشديد جدا اكثر الناس تشتري سيارة تفرق عن مثيلاتها بما لا يقل من 15 الى 30 الف بالسعر و اذا سائلته يقول لك شيك بالجيب وبالاخير الي معاة كامري ولا سوناتا كلها بتجيب نفس السعر

ماهو في جميع الحالات

انا لازم اروح ابكمل الرد بعدين

FireBox @user_233434 · 16-08-2011

s

salehhd

السلام عليكم

موضوع مميز ونقاش رائع ومشاركات جميله

الواحد لما يعمل نسبة استهلاك مثل الاخ فايربوكس راح يرتاح وقت بيع السيارة ولن يندم على البيع لانه حسب المعادله بشكل صحيح واستهلك السيارة بمعدل ثابت

المشكلة الكبري في بعض السيارات ليس فقط فقد قيمتها بشكل كبير عند البيع بل هل ستجد من سيشتري
بعض ماركات السيارات لدى الناس انطباع سيء عنها ولن تجد مشتري في حال الرغبة في البيع بسهوله واذا وجدت مشتري ليس بالقيمة التي تتاملها

وانا ايدك بالكلام 100 % اخوي salehhd ...

وهنا الواحد لازم يحسبها صح لنها مصلحتة في الاخير ...

وشكرا

FireBox @user_233434 · 16-08-2011

J

Jeff

معادلتك حلوه لاكني راح استخدمها ضدك :smilie16:

افالون 2011 لمتد بدون شاشه
عند الشراء 133 الف وعند البيع بعد 5 سنوات 70 الف

133 الف - 70 الف = 63 الف سعر الاستخدام
63 الف / 60 شهر = 1050 الف ريال بالشهر
1050 /30 يوم = 35 ريال يوميا

يعني لو اشتري سيارة تحافظ على سعرها راح اوفر نص التكلفه!!

معليه بعض الناس تفضل انه يحرق الفلوس في حاجة داخله مزاجه وياخذ رحاته ولاتفهمني غلط انا معاك في هاذي النقطة بس سيارات الاحلام قليلة والمميزات موزعه بين الصانعين,

وفي ناس إلي تشوف السيارة على انها سندات ماليه ولازم تجيب سعر لما تنباع والتصرف فيه ذكاء بعد يعني هاذا الشخص بيكون عنده مقدم ممتاز للسيارة الجديده لما يبيع القديمة. يعني فرق ممكن 35 الف ريال

هلابك اخوي

اولا لو دققت في ردي كاتب لك اسواء التوقعات يعني السيارة اذا ما كانت نظيفة و بعتها وانا مستعجل على البيعة !!!
والا الايدج 2007 او 2008 في الوقت الحالي سعرها اكثر من 50 الف ويزيد على حسب النظافة و تقدر تدور في مواقع السيارات المستعملة و تتاكد ...

ثانيا بالعكس ما استخدمتها ضدي الا اثبت وجهة نظري ان السيارة استخدام وليست استثمار يعني ما اشتريها عشان اذا بعتها تجيب سعر اكثر و تعلني بمواصفاتها الشبة معدومة وقلة الراحة فيها والوكيل لك علية وسوء معاملة كأنة متصدق عليك بالسيارة ...
بالعكس اريح بالي بمواصفات حلوة وجودة ممتازة وسمعة قوية و وكيل ممتاز وشركة معروفة و تجيب لي سعر مقبول وانا رح ارضى بثلث التكلفة و في اسواء الاحتمالات ربع التكلفة ومو لازم يكون اكثر من ثلث السعر ....

ثالثا تقدر تصير اذكاء بعد لو تشتري ب 33 الف النترا مستخدمة 2009 او 2010 و توفر 100 الف وتسخدم الفلوس في استثمار مربح وتجيب اضعافها مضاعفة بدل ما تحطها في سيارة يمكن يجي ابن حلال و ينتف سيارتك من وراء وتصير تلف كامل وراحت حلولك هباء منثورا

رابعا بالنسبة للافالون سيارة ممتازة ولكن سعرها مرتفع بالنسبة لمنافسينها و موصفاتها و لو تقارنها بالتورس .... التورس افضل من ناحية المواصفات ولو تقارنها بالازيرا .... الازيرا افضل من ناحية السعر ....

خامسا فرق السعر للاسف و الاسف الشديد جدا اكثر الناس تشتري سيارة تفرق عن مثيلاتها بما لا يقل من 15 الى 30 الف بالسعر و اذا سائلته يقول لك شيك بالجيب وبالاخير الي معاة كامري ولا سوناتا كلها بتجيب نفس السعر

مثال : عندك بضاعة عليها علامة تايوتا و عندي بضاعة عليها علامة فورد وكلها متساوية في كل شي و سعر بضاعتك 120 الف و سعر بضاعتي 100 الف وبعد 5 سنوات كلنا عرضناها للبيع في نفس الوقت بضاعتك جابت 60 الف و بضاعتي جابت 45 الف تقدر تقول من الربحان فينا انا ولا انت ؟؟؟؟؟
!
!
!
اكيد انا !!!
تدري ليش 100 - 45 = 55 الف خسارتي
وانت 120 - 60 = 60 الف خسارتك
طيب وش المقصد من المثال البايخ هذا ؟؟؟؟؟؟!

للاسف اكثر الناس تفكر كم تجيب السيارة وقت البيع وتنسى كم سعر السيارة وقت الشراء بدون ما يسئال هل هي اغلاء من مثيلاتها او لا ؟؟؟؟!
والـــ 35 الف الزايدة و الي انت تكلمت عنها تراك دفعها من البداية زيادة و اغلى بالسعر عن مثيلاتها و بنفس الفئة وشي طبيعي انها ترجع لك بالعربي ماوفرت شي وارجو انك تفهم قصدي ......

نهاية الكلام كلة ان ميزة حفاظ السيارة على سعرها شي حلوة و مرغوب ولكن مو كل شي واهمل باقي الامور الاهم مثل موصفات الامان و الشكل المميز و انظمة الترفية ووووو على حساب كلمة شيك بالجيب و انا المتضرر بالنهاية

على العموم اختلاف وجهات النظر لا يفسد للود قضية

وشكرا

salehhd @user_17805 · 16-08-2011

السلام عليكم

موضوع مميز ونقاش رائع ومشاركات جميله

الواحد لما يعمل نسبة استهلاك مثل الاخ فايربوكس راح يرتاح وقت بيع السيارة ولن يندم على البيع لانه حسب المعادله بشكل صحيح واستهلك السيارة بمعدل ثابت

المشكلة الكبري في بعض السيارات ليس فقط فقد قيمتها بشكل كبير عند البيع بل هل ستجد من سيشتري
بعض ماركات السيارات لدى الناس انطباع سيء عنها ولن تجد مشتري في حال الرغبة في البيع بسهوله واذا وجدت مشتري ليس بالقيمة التي تتاملها

Jeff @user_266519 · 16-08-2011

وبالنسبة لحسبتي للسياره حسبه بسيطة مثال:
ايدج سعرها عند الشراء 143 الف وخلنا نقول في اسواء التوقعات من 5 سنوات الى 7 سنوات استخدام سعرها راح يكون 30 الف ريال
143 الف - 30 الف = 113 الف هاذي سعر الاستخدام
113 الف / 60 شهر = 1883 ريال بالشهر
1883 / 30 يوم = 63 ريال يوميتها .... والله لو انك مستاجر اكسنت ماتحصلها بهالسعر

معادلتك حلوه لاكني راح استخدمها ضدك :smilie16:

افالون 2011 لمتد بدون شاشه
عند الشراء 133 الف وعند البيع بعد 5 سنوات 70 الف

133 الف - 70 الف = 63 الف سعر الاستخدام
63 الف / 60 شهر = 1050 الف ريال بالشهر
1050 /30 يوم = 35 ريال يوميا

يعني لو اشتري سيارة تحافظ على سعرها راح اوفر نص التكلفه!!

معليه بعض الناس تفضل انه يحرق الفلوس في حاجة داخله مزاجه وياخذ رحاته ولاتفهمني غلط انا معاك في هاذي النقطة بس سيارات الاحلام قليلة والمميزات موزعه بين الصانعين,

وفي ناس إلي تشوف السيارة على انها سندات ماليه ولازم تجيب سعر لما تنباع والتصرف فيه ذكاء بعد يعني هاذا الشخص بيكون عنده مقدم ممتاز للسيارة الجديده لما يبيع القديمة. يعني فرق ممكن 35 الف ريال