شريت سيارة جديدة وبعتها ... كم كانت الخسارة فيها ؟؟؟

معادلتك حلوه لاكني راح استخدمها ضدك :smilie16:

افالون 2011 لمتد بدون شاشه
عند الشراء 133 الف وعند البيع بعد 5 سنوات (مثل حسبتك) 70 الف

133 الف - 70 الف = 63 الف سعر الاستخدام
63 الف / 60 شهر = 1050 الف ريال بالشهر
1050 /30 يوم = 35 ريال يوميا


يعني لو اشتري سيارة تحافظ على سعرها راح اوفر نص التكلفه!!


معليه

مشكورين ....

سيارات التويوتا تجيب فعلا قيمة عند اعادة بيعها بشرط المحافظة عليها ....

---------------------------------------------------------------------------------------
والله كلامك حكم وامثال اشكرك على وجهة النظر الثاقبة، احترامي اخوكم المكي السلفي

انا الوالدقبل 10 سنين طلع الباترول موديل 2000 وهو كان يبي الثلاجة الي به
بس من ما شغل السيارة جا وقال خلن اشوف الثلاجة ومالقا فية وقال لهم هذي ما به ثلاجة قالوا الثلاجة ما تجي الا بالسوبر سفاري قال طيب ابي السوبر سفاري قالو اجل يبي يطيح من السيارة الي انت شريته 5 الاف قال ما حركت قالو خلاص اللوح تركبة
عاد الوالد سحب عليهم واخذة

كان عندي كورولا 2001 شريتها وكالة ب 44000 ريال
استخدمتها 8 سنوات و بعتها ب 24000 ريال
و شريت انفنتي 2007 وكالة ب 126000 ريال و سامها مني شريطي قبل ثلاث شهور ب 60 الف ريال
اقل من نص قيمتها في اربع سنوات

مشكورين على الرد

الهوندا معروفة بانخفاض كبير في قيمتها

كان عند الوالد سيارة هوندا أكورد ما أعرف موديلها ستاندرد وكانت أسوأ سيارة تمر على الوالد
بعد سنتين باعها الوالد اشترا هونداي سوناتا 1999 مستخدم ثلاث سنوات
إشتراها بتبديل بالهوندا ودفع 10.000 درهم.
الهونداي كانت نظيفة لأنها كانت إستخدام أجنبي وبكياسها وبريحة الوكالة
والحين أخذتها ومرتاح فيها وغير هذا كله لو بعتها تجيبلي يمكن 5000 درهم

طيب وش رايكم بالتشارجر ( 2009 ) 8 سلندر

هل تتحمل 5 سنين ؟!

انا عندي هوندا اكورد شريتها ب120 الف و بعتها ب100 الف

انا لسه ماشتريت سيارة ثانية لكن انا مايهمني سعر البيع بقدر ما اشتري سيارة تريح قلبي وانطرب معاها :smilie16: ملاحظة مخطط احتفظ بالسيارة 10 سنين الا اذا صار فيها شي بنشتري سيارة ثانية :rolleyes1: ونعمرها 10 سنين<<<< اخوكم ما يحب التغيير :smilie16:

مشكور .............

كلامك صحيح ... ولكن نزول السعر الى اقل من النص ما ينقص من قيمة السيارة والسبب يرجع الى ثقافة الشراء للمستهلك مثال المورسيدس بانوراما موديل 2006 تتوقع كم سعرها وقت الشراء وكم سعرها وقت البيع ولو تلاحظ سعرها راح ينزل اكثر من النص ولكن السيارة مشهود لها بعمليتها وقوتها وفخامتها ولها سمعة قوية جدا في جميع الاوساط والشي هذا مايعني اني مااشتري السيارة متى ماتوفر لي قيمة شراها
وشكرا

شكرا لكم للمشاركة .... والمفترض السيارة تمسك جزء من قيمتها عند اعادة بيعها وخاصة إذا كانت بحالة بلدها

المهم أن الواحد يشتري راحته ..

قبل 6 سنوات تحديداً .. كنت لا أملك برصيدي إلا 8000 ريال حصيله تجميع مكافآت الجامعه على الشركه .. لم أستطع إلا شراء الكابرس 90 طبعا كان مبوش مكينته لكن يمشي الحال وكديته 3 سنوات والمكينة مبوشه والحمدلله تيسرت اموري وأحط عليه 6000 ريال توضيب مكينة + تغيير جميع عضلاته .. يعني تجديد كامل والحمدلله هذا هو واقف في البيت أسافر عليه متى ما طرى علي وأجاكر به العالم ( شويه مراهقه متأخره بس وش أسوي )

الحمدلله الفورد ما أشتريته إلا قبل 6 أشهر تقريبا موتر صاله أمريكي .. ولم يستغرق مني البحث إلا يومين والسبب ضيق الوقت ولأن عملي ليس في الرياض .. طبعا أشتريته بسعر غالي بـ63 ألف .. لكن لم يهمني السعر مقابل نظافة الموتر وراحته .. ومناسب لي ولعائلتي .. ولا يهمني لو أخسر فيه كثير لأنني بإذن الله لن أبيعه .. في هذا الوقت الموتر النظيف صعب إيجاده والوكالات غاليه بشكل خرافي .. والمعارض مليئة بالسيارات المغشوشه والمصدومه والمرشوشه .. فتعتبر النظافة مكسب بغض النظر عن السعر .

اشتريت سيارة كيا أوبتيما 2004 بمبلغ 28 ألف ريال سنة 2005 والحين يمكن تجيبلي 15 ألف والحمد لله ....ولا زالت معي والحمد لله
اشتريت جيب تويوتا فورتشنر 2011 بتاريخ 1/ 1/ 1432هــ بمبلغ وقدره 86500 ريال ، كان قير عايدي ومليت منه وبعته بتاريخ 1/ 7 / 1432هــ يعني ستة شهور وبعته بمبلغ 76500 ريال .. على شريطي بالمعارض .... يعني خسارة نقصت قيمته 10 آلاف ريالكأني مستأجر سيارة بالشهر بقيمة 1666 ريال ومعتبر ماني خسران والحمد لله

انا ايد كلامك سيارت العمر ل5 سنوات اقل تقدير
دامي اشتري راحت بالي وسياره اشوف نفسي فيها وارتاح بمركبها هذا اهم شي عندي جات لحضات كل فتره اركب سياره لدرجه اني مااعرف شنو انا راكب مااحس بفرق
يكفي انك تعرف اي شي يحصل فيها وتعرف موترك

ومن تجربتي شريت اول سياره جلنت ب10 الف وكانت تاكسي لان ميوانيتي 10.000 بس ودخلت في مخي هالسياره عشان فيها ازرير واجد وجلست معاي 5 سنوات قطعت اكثر من 500.000 كيلو واخرها بعتها 1.500 ولا ااا ما كنت ناوي ابيعها قلت اخليها لذكرا ولا افحط فيها ( ماتخيلت اشوفها مع غيري:a120(39):)
ثانين سريت جيب اكس تريل 2003 كان لخوي مطلع وكاله وبعد 4 سنوات خذيته منها 20.000 بان كان قيمته توصل من 30.000 الى 40 لاكن تعاطفن وبرضوه ولله الحمد 5 سنوات قطع 300.000 كيلو
وبعته ب19.300 ريال
وعلى مشاويري ولعبي بالمواتر حلله على قولتهم يعني لو اقطه احس اني ماني خسران

الاخ FireBox
كلامك مقنع ومنطقي جداً في حالة ان صاحب السيارة لم يغير رأيه طيلة الـ ٥ سنوات،،
اعجبتني طريقة احتساب التكلفة...( لأن فيه ناس وده يربح من السيارة بعد استخدامها )

انا مع ان السيارة استخدام وليس استثمار ....

يعني الي يشتري سيارة يستخدمها عن لايقل 5 سنوات ويتقبل سعرها بعد الشراء بغض النظر عن وقت البيع لني يوم حطيت هالمبلغ في السيارة ابي استمتع فيها مو تعلني بقساوتها او قلة مواصفاتها او حتى شكلها ... هاذي نقطة

النقطة الثانية انا مراح اشتري سيارة عشان فيه واحد راح يشتريها مني بعد 5 او 6 سنوات ومافيها اي علامة لمقومات الحياة البسيطة او الحديثة مع احتمال اني اموت او يمكن اسوي فيها حادث وتروح فيها السياره بعيد الشر عنا فالذلك انا مع مبداء عيش يومك كانك تموت غدا :smile:

ثالثا الي يحب يغير السيارة كل سنة او سنتين ابد فيه شراكات اجار تأجرك بالشهر وبالسنة وكذا تغير السيارة كل مامليت منها وتاخذ سيارة جديدة ...

وبالنسبة لتايوتا او غيرها في مسك السعر انا اقول ان هذا ثقافة مجتمع وليست معمه في كل المناطق و الاماكن على مستوا العالم ...
مثال في الفلبين يقدسون الموستبيشي و المازدا و في مصر يحبون الدايو و الفيات و سابقا البيجوا و سوريا يحبون المورسيدس القديم والخ ... يعني تشوف السيارات هاذي ماسكة سعرها عكسنا بالسعودية ....
وحتى في السعودية تختلف اسعار بعض السيارات بتايوتا او غيرها باختلاف بعض المناطق زي اللاند كبسوله في المنطقة الوسطى مرغوب اكثر من الشرقية والغربية ...

وبعدين مو كل تايوتا تمسك سعرها زي عندك الانوفا مثلا سعرها وقت الشراء اكثر بكثير من سعرها عند البيع ....

وبالنسبة لحسبتي للسياره حسبه بسيطة مثال:
ايدج سعرها عند الشراء 143 الف وخلنا نقول في اسواء التوقعات من 5 سنوات الى 7 سنوات استخدام سعرها راح يكون 30 الف ريال
143 الف - 30 الف = 113 الف هاذي سعر الاستخدام
113 الف / 60 شهر = 1883 ريال بالشهر
1883 / 30 يوم = 63 ريال يوميتها .... والله لو انك مستاجر اكسنت ماتحصلها بهالسعر
وانا وش حصلت عليه مقابل هالسعر ... سياره حديثة وجميله + مواصفات الكترونية افضل من جيد جدا + سياره مميزة بالشارع + موصفات سلامة ممتازة + ضمان لــ 5 سنوات او 200 الف كيلو + وكيل سمعتة جيدة ...

وخلنا نقول انها ماجابت ولا ريال بعد 5 سنوات برضو المبلغ حطيته في السيارة عشان اصرفها مو عشان استثمرها او عشان تجيب سعر اكثر وقت البيع ....

وبعد 5 الى 7 سنوات راح تكون عندي عائلة اكبر وراح اشتري سيارة افضل في ذاك الوقت

وشكرا