هلا بك أخوي مرمرني .
المازيراتي يا عزيزي هي : سيارة أسطورية خرافية مليئة بعبق الفن الايطالي القح .
سبق لي وأن جربت الكواتروبورتي الموديل ما قبل تعديلات منتصف العمر اللي صارت لها .
وما شاء الله كانت من أفضل السيارات اللي قدتها ثبات وقوة وعزل .
وهي سيارات لناس تبحث عن التميز وتقدر الفن الايطالي دون النظر للخساره عند البيع .
و تتميز هذه السيارة بـ الشكل الرائع والمواصفات الجميلة والقوة وما ننسى إنها تتميز بـ هدير محرك وصوت أقزوز رائع بكل ما تحمله الكلمة من معنى . :xyxthumbs:
والأهم من هذا إنها سيارات تتميز بـ جودة عالية وأغلب اجزائها الداخلية والخارجية منها هي من صناعة يدوية جداً دقيقة .
المزيد تجدهـ هنا :
http://www.assayyarat.com/forums/thread231667.html
إذا تكلمنا عن مبيعاتها محلياً فـ مبيعاتها تعتبر في تزايد خاصةً الموديلات الجديدة , لكنها لا تزال قليلة والسبب الرئيسي في ذلك أن الوكيل ( فاست ) ما يوفر صيانات إلا في المدن الرئيسية , هذه بـ الإضافة إلى أن البعض يشوف أن سعرها جديد غالي نوعاً ما .
أما إذا تكلمنا عنها خارجياً فـ السيارة حققت مبيعات جداً كثيرهـ خاصةً في أوروبا سواء كانت الكواتروبورتي أو الجران توريزمو , وهي سيارة منتشرة وبـ كثرهـ وتصلح وبـ قوة للإستخدام اليومي .!!
هذه صور للـ مئات من الكواتروبورتي بـ جميع فئتها وهي في شوارع أوروبا :
http://www.autogespot.com/nl/viewcars.php?&type=Maserati&cartype=Quattroporte%202008
http://www.autogespot.com/nl/viewcars.php?type=Maserati&type=Maserati&cartype=Quattroporte%20S
بـ النسبة للسعر اللي وجدته فيها , فـ أنا أشوفه جداً رخيص ومغري مقارنةً بـ مثيلاتها بـ السوق حتى وأن كانت أقل نوع واللي بـ قوة 400 حصان ( إذا طبعاً لم تتعرض لـ حادث ) .
لأن سعر السيارة جديد يبدأ من 520 ألف ريال ويوصل للـ 750 ألف ريال .
المستعمل أكثر اللي شفته بـ السوق للموديلات فوق الـ 2009 كلها كان سعرها يتجاوز الـ 280 ألف ريال .
مع العلم أن موديل 2009 من فئة الكواتروبورتي ما يختلف أي شيء عن موديل 2011 .!!
أسعار الصيانات أشوفه مناسب لـ سيارة قيمتها تتجاوز الـ 500 ألف ريال .
وهذا جدول إستبيان بسيط عن أسعار الصيانات , تحصلت عليه من الوكالة نفسهم لإني وبإذن الله ناوي شراء الكواتروبورتي الفئة العادية .. بعد طبعاً كثير من المشاورات والإستشارات من ملاكها اللي قابلتهم صدفة وكلهم مدحوا لي فيها .
الأسعار هي كـ الآتي :
صيانة 5 آلاف كم سعرها = 2850 ريال .
صيانة 10 آلاف كم سعرها = 4470 ريال .
صيانة 30 ألف كم سعرها = 5200 ريال .
صيانة 40 ألف كم سعرها = 12870 ريال . (( وهي من الصيانات الرئيسية اللي يتغير فيها القطع الإستهلاكية من فحمات وفلاتر وغيرها )) .
صيانة 50 ألف كم سعرها = 4400 ريال .
الصيانات الأعلى أسعارها مقاربةً جداً للأسعار السابقة لأن مضمون الصيانة نفسه , عدا طبعاً صيانة الـ 100 ألف فـ هي قد تختلف بالسعر .
أسعار القطع ما عندي علم عنها لكن تقدر تزور الوكالة وتتعرف على أسعار قطعها .
هذا موقعهم على الأنترنت موجود فيه رقمهم :
http://www.maseratidealers.com/fastautotechnic/
إذا السيارهـ ما جازت لك أتمنى أن ترسلي رقم راعيها .. لأني وبإذن الله ناوي بعد تقريباً أقل من شهر شراء سيارة مثلها وراح أتصل عليه وقتها .. هذاطبعاً إذا ما أخذتها أنت أو راعيها يكون قد باعها ..
أعتذر على الإطالة ,, وبالتوفيق لك ...
