بورش

حياكي اختي هذا رابط ان شاء الله يجزلك صور لخارج السيارة وداخل السيارة لجميع الالوان والف مبروك مقدما الله يعطيكي خيرها ويكيفيك شرها
عن تجربة السيارة قمة في الروعة
http://www.6speedonline.com/forums/cayenne/224042-2011-cayenne-real-world-pictures.html

http://cc.porsche.com/icc_euro/ui/pva/fs_global.jsp?RT=1305479130524&PARAM=parameter_internet_ks&LANG=ks&USER=PDS&BOS=win&BV=8&BF=ie4&BORG=microsoft

السيارة بتكون مع سواق ؟

الكيان اس 8 سلندر 400 حصان


والبنت مب مال سرعة

والله يا اختي تدفعي هالمبلغ و تنتظرين السيارة 5 اشهر ؟

ما اعتقد هالأمر يناسبني ابداً صراحة
دوري لي شيء مستعمل بورش 2010 كايين تيربو ولا تاخذي غير التيربو
لأن الكايين و الكايين إس يعني مكاين ابو 6 سلندر خليها للياباني :)
اما بورش بهالوزن و مرسيدس و بي إم اما مكائن 8 سلندر من 400 حصان وفوق ولا بلاش منها سيارة الماني صراحة
لأن السيارات هذه ثقيلة في وزنها وفي حركتها و خفيفة كالصاروخ في انطلاقتها ، فيجب اعطائها حقها بالكامل .

عموماً عالبركة والله يعطيك خيره و يكفيك شره مقدماً

و انا امتلك موديل 2008 كايين تيربو
لونه عودي وداخل بيج غامق او ما يسمى بالجملي بدرجتين
و البورش صيانته او قطع غياره غالية لكن بكل امانة يستحق كل ريال اندفع فيه
لأنه ما بعد الألماني سيارة حقيقة

ام البندري

ما في شي سمه الفل اوبشن

اذا كانت سيارتك طلبية .. روحي لموقع بورش و ركبي المواصفات اللي تحتاجينها .. و كل مواصفة عليها سعر .. و بعد ما تخلصين بيطلع لك السعر النهائي ... اطبعيه و روحي للوكالة و هم يلتزمون فيها.

بالنسبة لخيارات الالوان الداخلية ... حسب موقع بورش ما عندك الا ثلاثة الوان .. اسود و رصاصي و بيج. هذا بالنسبة للبورش العادي.

الكاين العادي الفل ابشن

كاين العادي لكن اسال عن اللون ابيض وداخليه بيج او احمر وش رايك وبعدين هل الاضافات اللي انت قلتها تزيد من قيمته لاني باخذ الفل ابشن يفرق بعشرين الف بيطلع بثلاث ميه وعشره ويقول تجي جنوطه الاس معاه وسقف بانوراما ومدري اخوي

اختي مبرووك مقدما والله يعطيك خيرها ويكفيك شرها

اختي ياليت لو تسمحي تعطينا اي نوووع من البورش طلبيه سبورت او عادي

لان كل نوع له لون خاص

اذا مب تيربو

لاتنسين ان

تكلبين معاه تيربو اكزوز علشان الصوت ولازعاج


وفي باكج يديد اسمه

25 year

ارجوا من الاخ aboturki

يشرحلنا ماهو

اللي كان مميز الكايين عن جميع جيوب العالم إن إيطارات (فريم) الزجاج الخارجي كانت باللون الفضي وعريضة معطيته هيبة وفخامة وتميز..

الكايين الشكل الجديد مع الأسف الفريم حقه من نفس لون البودي.. نصيحتي لك تطلبي فريم نيكل أقلها عشان يبين شكل السيارة شوي وضروري تطلبي جناح خلفي..

وبالتوفيق

بالرغم انك ما حددتي نوع الكايين اللي بتطلبيه لكن هذي بعض المواصفات و لكي الاختيار

المواصفات :

١- الجنوط ٢١ انش (كاريرا ٢) .. طبعا روعة .. لكن يعيبها قساوتها في المطبات. الاريح طبعا هو ١٩ انش او ٢٠ انش ... فالأمر راجع لك تختارين بين الراحة او الشكل

٢- بانوراما

٣- تغيير السماعات الى بيرميستر ١٠٠٠ واط مع توصيلة اي فون ... يقلب السيارة الى ديسكو متحرك :)

٤- طبع علامة بورش على وسائد الرأس في المقاعد

طبعا اذا كنتي بتطلبي تيربو ... فالمواصفات الاخرى تأتي مع التيربو بدون ما تطلبيها

من برع ابيض


من داخل بيج


جنوط 21 تيربو تطلع حلوة على اللون لابيض


بانوراما في السقف

عودي من الخارج
ومن الداخل المراتب بيج فاتح قريب للابيض والارضيه سودا
مع جنط التيربو

انا طلبت واحد قبل ٦ شهور و تو واصل ميناء الدمام والاستلام الاسبوع هذا

اللون اللي انا طلبته هو اسود من الخارج ولونين بيج و اسبريسو من الداخل

الالوان عموما اذواق

لكن الاسود و الابيض هم الالوان الجميلة وخصوصا الابيض للبنات

اذا تبغي مساعدة في المواصفات خبريني لان عندي خبرة فيها

و مبروك مقدما