اسعارقطع غيااااار البانوراما 2006

مرحبا ابو لطف بخصوص النزول يالغالي ولمبة الهيدروليك

هل بعد ماتشغل السياره ترتفع وتكون السياره ارتفاعها طبيعي !!

واذا كان ارتفاعها طبيعي وانتي ماشي بالطريق هل تظهر لك لمبة malfunction !!

اذا طلعت لك هالكتابة باللون الاصفر فأعرف ان الهيدروليك فيه شي وبقولك كم خطوه تسويها للـتأكد من عطل الهيدروليك بدال ماتروح لورشه وياخذون منك فلوس على شي مايستاهل ..

بدايتا روح لورشه علشان لاسمح الله ما ارتفعت السياره ماتشيلها بسطحه روح لمهم وأطفئ السياره وافتح الكبوت وحط عينك على المساعدات راح تشوف فيه سلكين أو لييي بالاصح شابكين في المساعد نفسه انت فكهم وطريقة فكهم مايبيلها شي مفك مقاس 10 على ما اعتقد اذا فكيته نهائيا راح يطلع كل الهواء اللي كان في الهيدروليك لأن هذا السلك او اللي هو حق الهواء انت ركز على السياره اذا نزززززلت مررررره مع كل الجهتين فأعرف ان الهيدروليك سليم 100% اذا نزلت نزووول كاااااااااااامل ولو لاحظت انو واحد نزل والثاني لا او الثاني نزل نزول خفيف فأعرف ان المشكله في اللي مانزل يا انو الهيدروليك ضعيف أو خربان وبعدين ارجع وركب الاسلاك زييين وبعد ماتركبهم شغل السياره شوي وراح ترتفع معك انا قلت لك خلك عند الورشه ليش لأن بعض الاحيان اذا نزلت السياره وركبت الاسلاك وكل شي وجيت تشغلها بعض الاحيان ماطور الهواء مايقدر يرفع السياره وكثيــر في البانوراما يتغير وقيمة 900 ريااال جديد وهو ماطور الهواء تحصله تحت الشمعه الامامية .. عموما يالغالي ما اطول عليك انت اذا سويت هالشي راح تعرف ان فعلا الهيدروليك سليم او لا .. واذا كان النزول خفيف بعض الاحيان يكون تنسيم من القساام ويفحصونه يرفعون السياره ويحطون صابون على القسام من تحت (( انقل لكم كلام المهندس نقلللل لا اعلم كيف )) ويشوف فيه تنسيم او لا !! واخيــــــــــــــــرا علشان ما يضيق صدرك او كذاا لو لاسمح الله نزلت السياره بالورشه وما ارتفعت لا تقول على طول ماطووور الهواااء اول شي شييييييييك على الكتاااوت راح تحصل واحد منهم ضررب وهذي شي صار لي انا شخصيا اخذت سيارتي بسطحه واخيــرا طلعت المشكله من الكتاااوت والرجل اللي صلحها اخذت 200 ريال علشان الفكررره انو ممكن تكون كتااوووت واصلا المشكله ماتكلف الا قيمه الكتاااوت وهي 35 ريال الظاهر وقطعه وحده احترقت بسسسس ..


اتمنى اكووووووووون افدت الجميـــــــــــــع وخاااصتا ( ناوي بانوراما ) وتكفون من[COLOR=black] استفاد من كلامي لو بشي بسيط يدعي لييييييي ولوالديني رجاااااااااااااااااااااااااااااااااااااااااء يالغالين[/COLOR]

وبالتوفيق لي ولكم

واخيرا اقول اك اخوي ألف شكر على هالمجهود الرائع والإبداع :xyxthumbs:

وافادتك لنا ولباقي الاعضاء الكرام بشي مهوب قليل ابد بالعكس فايدة عظيمة ومجهود

مميز وارفع لك القبعة احتراما لشخصك ولمجهودك المميز.:ch19:

ولاتحرمنا من ردودك وجديدك لأن انتم اساس الموضوع وبدونكم الموضوع ماله قيمة .

يا جماعة
عندي مرسيدس 350 s
وقبل كم يوم ولعت عندي لمبة الهيدرليك وصارت السيارة نازلة من الجهة اللأمامية اليمنى
وش تنصحوني به الله جزاكم خير

هلابك اخوي عالم مشاعر عفوا ماتتوقع ان السيارة بحكم انها ايجار لقيتوا فيها هالمشكلة

ومثلك عارف ان سيارات الايجار عندنا في السعودية العالم ماترحمها

لأنهم ينشفون دمك على مايأجرونك سيارة بعكس الدول الثانية فالعالم تتقاضى منهم بسيارتهم

ومااعتقد ان سيارات التأجير عزيزي مقياس لأنهم مكروفة كرف الله لايوريك

بس النقطة اللي ذكرتها عن زميلك اللي يشتغل في عبداللطيف جميل استوقفتني

هل هو شغال في قسم الصيانة وطيب اذا كانت فعلا المشكلة موجودة وش راي

الوكالة ووش الحل اجل صارت البانوراما واللكزس في الهوا سوا

البانوراما مخ القير والهايدروليك واللكزس تنسيم هواء فياليت تفيدنا

اكثر وتوضح لنا الامور وش الحل في تنسيم الهوا وكم يكلف تغييير او تصليح

القطعه المسببة لهالمشكلة انت ماقصرت ذكرت نقطة مهمة والاهم وجود زميلك

في الوكالة. وننتظر تفاعل باقي اخواني الاعضاء مع الموضوع .

والله وانا اخوك قريت عنها انو يركب هيدروليك لكزس ولكن ترا هذي لكزس وهذا مرسيدس ومعليش لاحد يزعل او يتضايق مافيه مقارنه نهائيا بين الثنتين من ناحيه الثبات وبنفس الوقت تبي شي حق الوكالة وشد البلد ..

وبخصوص رد لك تقول البانوراما واللكزس في الهوا سوا في اخر رد لك اي نعم يالغالي وازيدك من الشعر بيت ايضا العيب المصنعي في اللكزس والاستدعاء اللي صار في سبرنق المكينه على ما اعتقد ولكن هذا يتم تصليحه مجاني من شخص قريب لي تم تصليحه في عبداللطيف جميل ولم يدفع شي عكس البانوراما للأسف ..

وكلهم يالغالي اول موديل واول دفعات فعلشان كذا العيوب في اول شكل ولكن انت صلح هالاشياء وتوكل على الله واذا تبي الراحه في الرياض اقولك لكزس وتبي فخامه وثبات وامان بإذن الله فخذ لك مرسيدس

هلابك اخوي:xyxwave: toplife ماقصرت والله وبيض الله وجهك كفيت ووفيت بصراحة عمل جبار:xyxthumbs:

اللي
سويته
جبت لنا اسعار القطع وماقصرت بس اذا سمحت لي بحط الاسعار اللي من قبل انا جبتها

من موزع مرسيدس ( الحداد ) بالدمام وهي كالتالي:-


المقارنة وكما يبينها الجدول التالي في المنطقة الشرقية ( الدمام ) :-

أسعار القطع الاستهلاكية في بانوراما s350 2006 ( الحداد موزع معتمد)

فحمات امامي / 460
فحمات خلفي /280
هوبات امامي/700
هوبات خلفي/ 500
هيدروليك الواحد بــ 5000 ريال

أسعار القطع الاستهلاكية في الوكالة في لكزس (عبداللطيف جميل) 460 2007

فحمات امامي/500
فحمات خلفي/ 294
الهوبات امامي / 1366
الهوبات خلفي / 1454
سعر الهايدروليك / 702 في


واخيرا : ( بانوراما 2006 )

الفحمات امامية وخلفيه ب1700
كرسي القير ب350
عمود التوازن الخلفي ب965
الزيت مع الفلتر والسيفون ب595 كل 15 ألف
والمساعد الامامي يكون مع الهيدروليك وسعره زي ماذكرت ب4500
والخلفي للأسف بعد الخصم ب5000 آلاف
طبعا هذي الاسعار من خارج الوكالة والاسعار تقريبا 98%

وطبعا الكفرات هذي اسعارها
كفرات كونتينتال جنوط 19 ب4600
وهانكوك ب2800
وميشلان ب5300


واخييرا
سألت بنفسي عن مساعد اللكزس 460 في العضيب
قالي بعد الخصم 702 بالضبط ويفرق عن البانوراما انو البانوراما مايجي المساعد لحاله لازم يكون معه الهيدروليك

اتمنى اني افدتكم لو بأشياء تقريبيه وأي استفسار انا حاضر

وشكرا للجميع

هلابك اخوي toplife اسعدتنا والله بهالمشاركة مثل سعادتي بباقي الاخوان اثريتنا بردك

والله اانا احب اضيف اخوي على كلامك شغله بما ان البانوراما معك وانت من واقع تجربة

تكلمنا وبصراحة هذا اللي حنا ندوره نبغى ناس مجربة او لديه اطلاع اوعلم بالسيارة

عشان تتضح الامور لجميع اخواننا الشباب اللي في حيرة وانا جربت هالحيرة

بالنسبة اخوي لمشكلة البانوراما مخ القير والله انك صدقت فيها وانا قريت في منتدى

ثاني لناس كانت تشكي منه ولكن انا اللي سمعته انهم يسوون up date تحديث

للسوفت وير بعدين يضبط هذي من خلال قراءتي فقط وبالنسبة للهايدروليك

فعلا جبت سعره بالضبط سعره في موزع الحداد كانك من الشرقية بــ 5000 ريال

انا بنفسي سألت عنه وفي ورشة نايف مايقل عن 4500 ريال بس قريت في منتدى

ثاني انك تقدر تركب هايدروليك لكزس 460 2007 ومايفرق ولاشي وتركبه في الكويت

في الشويخ اي ورشة هناك تضبطه لك على اللي قريته اخوي ويفرق في السعر فرق كبير

اللي قريته ان البانوراما الامامي 2 بتاخذه بــ 10000 ريال اللكزس بــ 5000 ريال

هذا اللي قريته ومسمي نفسه( ملك الهايدروليك) ابحث في جوجل وانا اخوك يطلع لك

واقرى بنفسك المعلومات اللي اقول لك عنها انا نقلت اللي قريته للفائدة ياشباب

لأني والله كنت افكر بهالسيارة وفي بالي الموتر لكن من خلال اللي قريته في منتدى

اخر بالاضافة اني سألت واحد من الاقارب معه السيارة فاكها وكالة على يده قال لي

شوف البانوراما ياتاخذه جديد ولاأنحش .

وبالنسبة لقطع الغيار اقل بكثير يعني خذ عندك مثلا الهوبات الامامي بــ 600 ريال تقريبا

والخلفي بحدود الــ 450 تقريبا لان ياشباب كان عندي ورقة الاسعار موجودة كاتب

فيها اسعار الفحمات والهوبات وان شاء الله بمجرد ماألقاها راح ازودكم بالاسعار المكتوبة

فيها وكله هدفنا تعم الفائدة للجميع . اشكر لك اخوي مرورك وردك اسعدني . وننتظر التفاعل

مع الموضوع من باقي الشباب . هذا موضوعكم ياشباب وموضوع يهم كل شخص بيشتري

وكل رد فيه يسعدنا والله .

كلامك جميل يالغالي

السيارة كانت مستاجرة من قبل ولد عمتي على وقت نزول السيارة في 2007 ، كانت لكزس 460 لارج و مشينا عليها على خط إلى سرعة 140 كم و كان فيه صوت هواء واضح و حتى كان فيه أحد الإخوان شغال مع عبد اللطيف جميل في هذاك الوقت و أكّد على ملاحظتي هذي

الـ 430 ما كان فيها أي صوت للهواء ، ممكن مع مرور الوقت يبي لك تغيير جلد الأبواب لأنها تتآكل مع مرور الوقت

هلابك اخوي عالم مشاعر واسعدت بمشاركتك مثل سعادتي بمشاركة باقي الاعضاء معقولة اخوي مشكلة تنسيم الهواء في لكزس 2007 فعلا موجودة وياليت اخوي اذا تعرف احد من ربعك ولااقاربك حصلت عنده المشكلة انك بس تآخذ منه صورة لفاتورة الورشة وتنزلها في المنتدى في نفس موضوعنا هذا عشان تعم الفائدة للجميع ويكون كل شي موثق قدام اي واحد من الشباب يفكر انه يآخذ لكزس او بانوراما او رنج او بي ام ...الخ تكون واضحة عنده الامور ونستفيد كلنا لأن انا قد قريت من قبل في منتدى عن هالمشكلة بس كانت في لكزس 430 وعلى مااعتقد غير الجلد ولافاد راح اختارنوع يجي اعرض وركبة وانتهت المشكلة وقبلها سوى وزنية للباب اعتقد ان المشكلة فيه حنا نبغى نناقش الموضوع من جميع جوانبه ونرحب بمداخلات اخواني الاعضاء الكرام لأن هالموضوع يفيد الكل حتى لو انك منتب شاري سيارة إلمامك بمعلومات صحيحة من مصادر موثوقة هذا يكفي بحد ذاته ان اي شخص يعتمد بعد الله في الاستشارة عليك. وننتظر من جميع الاعضاء التفاعل مع الموضوع وردودكم تسعدنا لأنها تثري الحوار وتفتح مداركنا على امور كانت غايبة عن الذهن.

البانوراما مبدياً حلوه


انت ما فهمت كلامي زين .. الاستهلاكيات مبدياً اسعارها ممتازه

الكلام على القطع الغير استهلاكيه


اسأل عنها وشف من حساسات وكمبيوترات ودينمو الكهرب


اما بالنسبه عن التأمين الشامل انت تعرف كم قيمته او هل سألته عنه ؟ لأني اتوقع انه مرتفع شوي

والله قطع غيار السياره غير معقوووووووووله ابده وانا كنت متصورها اغلى بكثييييييير


بيني وبينك اعرف واحد صدم بانوراما صدمه مش بطاله لا قويه ولا خفيفه .. المحركات سليمه والي يشوفها يقول تتصلح بكل ثقه


كلفته بالضبط 97 الف


انت شاور واستخر واسأل عن قيمة قطع غيار البدي وكم شي واسأل عن سعر الكمبيوتر و الاير باق ( حق الدركسون) واسأل عن الاشياء الغير استهلاكيه

طبيعي اي شي استهلاكي من سياسة الشركه ان سعره يكون معقول لانه يغير بأستمرار وصعبه الشركه ترفع سعره وبعدين بتسبب تذمر من ملاك االسياره

شبك امامي 600 ريال