بسم الله الرحمن الرحيم ...
الحمد الله السيارة رائعة وأكثر من رائعة ومشاء الله مواصفات وجمال ورساوة وقوة وعزم ممتازة وأنا راح اكتب هالتقرير عن انطباعي وعن
ملاحظاتي للسيارة وبالنسبة للميزات مراح اكتب عنها واجد لن الشباب ماقصرو اتكبو عنها وزيادة ولكن راح أرفق معها تقارير مصورة بالانجليزي
طبعا لني ماحصلت بالعربي وراح تكون عن المميزات وبعض العيوب ...
طبعا نوع المركبة فورد ايدج 2011
اللون عنابي
عدد الكيلو مترات المقطوعة 8300 وحاجة وصار لها معاي 3 شهور تقريبا ...
وسبب شراء الايدج .... صدفة هههههههههه فعلا كانت صدفة !!! لني ما كنت ناوي عليها ولا كانت في بالي ابد والي صار إني احترت بين اكسبلورر
2011 وكان لازم انتظر الى ان تنزل عندنا والفل اوبشن اعلى من ميزانيتي او اشتري اكسبلورر ايدي بور 2010 وكان عليها عرض وكانت
ميزانيتي في حدود 120 الف ولازم ارضى بشكلها و موصفاتها الي راح تتغير في 2011 وبعد الاستشارة والبحث قررت اخذ الايدي بور ...
وقبل ماشتري الاكسبلورر واخلص الاوراق واعطيهم الشيك اشار الي واحد من الشباب الله يوفقة ويرزقة بالصحة والعافية والذرية الصالحة اني
اشوف الايدج 2011 قبل ما اندم ... وفعلا شفتها وكان الحب من اول نظرة ودبرت الفارق الي كان بينهم وطلعتها والحمدالله على كل حال
و أنا راح أبدا في الملاحظات ... وسبب تسميتي لها ملاحظات لنها ليست باعطال ميكانكية او اخطاء مصنعية ولا مشاكل كهربائية او اللكترونية وانما
من وجهة نظري وان شاءالله انها تتغير ....
اولا النافيقيشن والغير متوفر بجميع الموديلات والسبب على حسب مصادر من منتديات معجبين الايدج الامريكي ومندوب المبيعات ان نظام النافيقيشن
3D فية مشاكل في التشغيل وتحديد المواقع في امريكيا و الشركة تحاول تحل المشكلة والحل قريب إنشاء الله أو تشتري قارمن ب 1000 ريال وريح
مخك زيي هههههههه
ثانيا نظام ماي فورد توتش بطيئ نسبيا ويشغلك بعض الاحيان وخاصة اذا كنت تسوق بالخط ويقال ان فية تحديث والى الحين ماجربت مع اني رحت
الوكالة وسالت عنة وقالو انه ماجاهم أي شي الى الحين
ثالثا نظام سينك مرة يسمع ومرة مايسمع ولازم الاكسنت الامريكي زي اهل تكساس هههه
رابعا الشاشة تتوسخ بسرعة وتبين فية بصمات الاصابع يعني يبي لها تنظيف مستمر بمنظفات الشاشة وتحصلها في محلات الكمبيوتر والا تصير
الشاشة ما تنشاف من بصمات الاصابع
خامسا اضائة الشاشة ضعيفة للفورد توتش اذا كنت تسوق بالنهار وتصير الشاشة غير واضحة نسبيا ...
سادسا لما ترجع ريوس وتشتغل الكيمرة وتزيد السرعة شوي تشوف الشاشة تعلق لمدة أجزاء من الثانية وبعدين ترجع طبيعي مع اني قاري عن
المشكلة هاذي بالكتلوج ان الكيمرة الخلفية راح تعلق اذا كنت مسرع بالريوس والرادار الخلفي ماراح يشتغل صح و الحل لاتسرع بالريوس
سابعا الفتحة البانورامية اذا جات تقفل تحس انها راح اتوقف وجبت واحد من الشباب عندة ايدج 2010 بانوراما ولما شافها قالي هذا عادي ونفس
الحركة هاذي وجودة عندي والسبب عشان ماتضرب بقوة
ثامنا اللون الاسود الي داخل المقصورة يتوسخ بسرعة
تاسعا المكيف اللمس اقل لمسة تغير شي عن غير قصد مثلا المكيف تطفية او تشغلة وانت ما تدري وخاصة اذا كنت مندمج مع اغنية او مع الراديو
وحبيت ترفع الصوت عن طريق اللمس و ماكنت منتبة فاحط في بالك انك راح تجيب العيد ... ياعني لازم تكون مركز اذا تبي ترفع الصوت او تنقصة
او تشغل المسجل او تشغل المكيف او كنت تبي تسوي أي شي حول لوحة المفاتيح اللمس
عاشرا جهة السواق ما فية مقبض تمسك فية اذا جيت تبي تركب السيارة
واخيرا الشاشة ماتشغل مقاطع ال DVD تشغل بس مقاطع كيمرا التصوير
هذا كل الي لاحظتة في السيارة وماكانت عاجبتني واتمنى انها تتغير الى الافضل
والملاحظات الي ذكرتها ما تنقص من قيمة وجمال وروعة السيارة بالعكس فيها اشياء كثيرة مميزة وحلوة واسالو الي جربها غيري لن شهادتي فيها
مجروحة
وزي ما كتبت من قبل بالنسبة للميزات فلا حصر لها ويمكن الشباب اكتبو عنها وزيادة وراح اذكر بعضها واهمها ...
تقدر تتحكم في اغلب الميزات الي بسيارة يعني الي عاجبك خلة و الي مو عاجبك تقدر تشيلة زي الكيمرا الخلفية و ميزة فتح الباب بالبصمة وتحكم في
ميزات السيارة الاساسية من الدراكسون وفية حساس يتحكم في قوة الاضائة بالطبلون يعني بالنهار تكون الاضائة قوية وبالليل تكون الاضائة خافتة
والمادة البلاستكية حقت الطبلون لاحظت انها مرنة واتوقع عشان تقلل من طقطقة الطبلون غير نظام الانترنت وتقدر تشغل علية برودباند او كونكت و
تقدر تخلي نظام الانترنت بالسيارة زي الراوتر يعني موزع للانترنت بالسيارة للناس الي معك وحتى الجوال تقدر تشغل الانترنت عن طريقة بالسيارة
ويصير موزع و سرعة الاسجابة للسيارة ممتازة واشوفها افضل من اللومينا LS 2006 وفيها نظام حماية للباب الخلفي وقت التقفيل بالهيدرولك
بحيث اذا ظرب في جسم يرجع يفتح مرة ثانية ومشاءالله النظام السمعي ممتاز و واضح ولا تنسى انها من SONY الرائدة في مجال السمعيات
والصوتيات
من ناحية الرساوة و الراحة والعزل جيدة جدا وتقدر تقارنها بالتورس مع ملاحظة ان السيارة مرتفعة ومقامتها للهواء راح تكون اكبر وهذا مقطع عن
من ناحية الرساوة و الراحة والعزل جيدة جدا وتقدر تقارنها بالتورس مع ملاحظة ان السيارة مرتفعة ومقامتها للهواء راح تكون اكبر وهذا مقطع عن
تسارع الايدج من 0 الى 180 والي مصوره مو انا <<< ههههه فضح نفسة من الي اسالك :bigggrin:
وهذا عن ميزات السيارة
هذا الماي فورد توتش بمزاته وعيوبة
وهذا جولة حول السيارة ولا حظ سعرها موجود على دريشة الراكب 41015 دولارامريكي وبالسعودي 153806 ريال تقريبا نفس سعرها هنا تزيد او تنقص شي بسيط ....
لاحظ الشاشة واثار بصمات الاصابع عليها ...
وبالنسبة للصيانة المجانية ابد من الساعة 8:30 صباحا وماخلصت الا الساعة 11 الظهر وشيكو على البريكات وموية الريديتر وغيرو زيوت المكينة
وشيكو على الكهرباء والنظام الاكتروني وشيكو عليها من تحت يعني سواو كل شي تقريبا معدا غسيل السيارة ما غسلوها واعتذروا مني وقالو لي
راح نغسلها لك مرة ثاني والحين مانقدر زي منت شايف الورشة زحمة ولازم نقفل قبل صلاة الظهر وانا ما كنت ابي انتظر زيادة وكل
وهذا مجااااااااااااااااااااانا مادفعت ولا ريال هههههه
ولو رجعت بالزمن الى وراء ماقبل شراء الايدج ... كان رجعت وشريتها مرة ثانية ولكن راح اخذ اللون اللؤلؤي ........
وان شاءالله اني قدرت اوصل المفيد واعذروني اذا طولت عليكم وشكرا ...
