السلام عليكم
اخواني الاعضاء الكرام اصحاب الخبرة ,
قبل ماافكر بالكلايسلر c300 2010 فكرت بالفياقرا 2005 s500 وفكرت باللكزس 430 2005 و2006 وفكرت بالماركيز 2010 وفكرت باليوكن صغير 2010 والتاهو صغير 2010 واخيرا اقتنعت اتم اقتناع بالكلايسلر c300 2010 , ,وحبيت اسألكم عن هالسيارة ومعليش تحملوني لاني قليل خبرة بهالسيارة وجديد على هالسيارة ,
- شرايكم بالكلايسلر 2010 c300 وكم اسعارها ولو باخذها اقساط كم يكون سعرها ؟وعند اي شركة احصلها ؟ وهل الوان السيارة لها اسعار ؟ وهل تستاهل اشتريها عشان اخذها اقساط ؟ وكم الدفعه الاولى والدفعه الاخيرة ان وجدت ؟ ماهي الفروق بين الانواع ؟
- هل خراباتها كثيرة ؟ وماهي الخرابات اللي واجهت اصحاب هذه السيارة
- هل قطع غيارها غالي ؟ هل الكفرات غاليه ؟ وايش افضل انواع الكفرات بالنسبة لها وكم سعرها ؟ كم الفترات التي ممكن ان اقوم بتغيير القطع ؟ وهل يحتاج اسوي صيانه واغير القطع بنفس الوكالة ولا عادي في اي ورشه بس تكون ورشه ممتازة ؟ وكم الصيانه عند الوكالة ؟
- احيانا اسافر الشرقيه او مكة هل هي راعية خط وراسيه ؟ هل يطلع منها صوت مع السرعه بالخط ؟
- نظام الامان بالسيارة هل هو ممتاز ؟ هل فيها رجه مع سرعه 100 - 120 ؟ البنزين اي نوع 91 او 95 ؟ ترا انا مااسرع بشوارع الرياض وممشاي ان كثرت 80 , كم اعبيه فل ؟ كم سعر غيار الزيت ووش نوعه ؟ وكيف طريقة التغيير كأفضل شي ؟ وهل اغير الزيت عادي عند اي محطة ولا لازم عند الجميح؟ يصلح اغسل الموتر بستم ؟ سمعت ان مافيها انوار زينون , كم سعر الانوار من الوكالة ؟ < ابي اقوي شي حتى اشوف الخط بشكل ممتاز
هل يصلح اشغلها وعلى طول امشي صلاة الفجر ؟ ولا لازم تحميه ؟ < ( ضروري الاجابه على هالسؤال بالذات )
شرايكم باللون الاسود والبحري والعودي ؟ < ناوي على اسود بإذن الله ( ليمتد
ان شاء الله احصل احد يجاوبني الجواب الكافي ...
