بسم الله الرحمن الرحيم
بدخل في الموضوع على طول
بعد ما شفت كم موضوع يظهر حقد بعض الناس على تويوتا , قلت خلني اسوي هالموضوع للنقاش !!
--------------------------------------------------------
الكثير يقول السبب من هالمواضيع هي :
انه مرة يحب اخوانه المسلمين , و مقهور انهم يشتروا سيارات بدون مواصفات + وكيل سيء + سعر اغلى من بعض المنافسين !!
طيب يلي تحب اخوانك مرررررة , هل يكون النصح بهالاسلوب ؟!!
طبعاً هو لا حب ولا غيره , بل حقد باطن !!
هههههههههههههههههههههههههههههههههههههههه
هو بس مقهور انه يشوفها ماشاء الله منتشرة !!
سؤال يطرح نفسه :
انت وش ضارك لو واحد شرى من تويوتا ؟ ليه كل هالقهر ؟ ليه كل شوي مواضيع ؟
ههههههههههههههههههههههههه
شوي و يطق فيكم عرق !!
في هذا الموضوع باذن الله راح اظهر الكثير من الحقائق الي يجهلها الكثير
------------
تويوتا مع المنافسين :
الدارج على لسان الناس او بمعنى اصح ( الحاقدين ) انه تويوتا في الكثير افضل منها و اكثر امان منها , طيب نشوف !!
السيارات الكورية ما راح تدخل المنافسة منعاً للاحراج !!
- السبب بوضحه بعدين باذن الله -
تويوتا ياريس :
سيارة متواضعة المواصفات , مزودة بـ 2 ايرباق و اهم المواصفات :
جنوط 15 انش + كشافات + مسجل CD مع كسيت + بدي كت
و سعرها الفل 52 الف ريال
طبعاً منافسينها
نيسان صني و هوندا سيتي
و ما اعرف سعرهم عشان كذا ما ابي افتي !!
طيب
[COLOR=red]كرولا 1.8 :[/COLOR]
جنوط 16 + مسجل CD مع كسيت( مع USB ) و M3 + جلد ( مع الطارة و الجير )+ مكيف التروني + فتحة سقف +
جناح + طبلون ليزر ( اوبتترون ) مع كمبيوتر رحلات + كشافات ... الخ
و سعرها 77 الف ريال
مواصفاتها ماشاء الله روعة و سعرها ماشاء الله جداً مناسب
لكن يقولوا مرة غالية و ... الخ
طبعاً بس عشانها تويوتا !!
اهم المنافسين هوندا سيفيك
نفس المواصفات بالاضافة الى : 10 احصنة زيادة + جير تيبترونك + زينون و سعرها 87 الف ريال !!
بس ما قد سمعت احد يقول عنها غالية < < لا يقذف بالحصى الا الشجر المثمر !!
كامري GLX بشاشة :
محرك 2.4 + جنوط 16 + كشافات + فتحة + جناح + مكيف يدوي + تخشيب داخلي + كمبيوتر رحلات +
مكيف خلفي + شاشة نفجيشن ( راكبة مع الديكور ) فيها ماشاء الله العديد من المزايا !!
طيب كم سعرها ؟؟
92 الف ريال !!
و يقولوا غالية , طيب اهم المنافسين ( هوندا اكورد ) بنفس السعر ( 92 الف ) تآخذ يا طويل العمر
من هوندا احلى اكورد سياحي , طيس بدون كشافات ولا اي شيء , سوووووووووح !!
بس ما قد سمعت احد يقول عنها غالية !!
( السيارات الـ 3 الي فوق مزودة بـ ABS بالاضافة الى 2 ايرباق )
اوريون جراندي :
محرك 3.5 V6 + جلد + طبلون ليزر ( مع كمبيوتر رحلات ) + مسجل 6 سيديات + مكيف اوتو +
زينون متحرك بـ 4 اتجاهات ( مزود بنظام AFS ) + جهاز غسيل انوار + فتحة + جنوط 17 + 6 ايرباق
وووو .... الخ
و سعرها 106 الاف ريال فقط !!
و يقولوا غالية !!
و بنفس السعر تجيب اكورد 4 سلندر فل كامل ( بدون زينون ولا شاشة )
الافالون :
سعرها 128 الف تقريباً ( بدون شاشة لأن شاشتها لفق ) هذا نفس سعر اكورد فل كامل بدون شاشة
ولا تنسوا انه الاكورد من فئة الكامري و الاوريون !!
المكسيما رياضية و حلوة , بس بكل حيادية الافالون ماشاء الله افخم بكثيــــــــر !!
و المكس تقريباً سعرها 130 الف !!
افضل منافس هو التوريس ليميتد و بصراحة ما اشوف فيها اي عيوب ماشاء الله
و و و
بصراحة طفشت و انا اكتب الموضوع !!
السيارة الوحيدة الي ما تستاهل سعرها من تويوتا هي اللاند بجميع فئاته !!
-----------------------------------------------------
السيارات الكورية و لماذا لم يتم ادارجها في المقارنة !!
السيارات الكورية لا تحكموا على سعرها الحين , بعد 5 او 7 سنوات بيكون فيه عدل !!
الحين السيارات الكورية مثل اللكزس اول ما نزلت !
مواصفات كثير بسعر قليل , لين تكسب الزباين و بعدها بيطلع سعرها فوووووق !!
غير كذا تتكلموا عن الامان و خصوصاً التويوتا و مهملين الهيونداي !!
عجباً , من جد ما يرمى بالحصى الا الشجر المثمر
الحين الكامري فيها 2 ايرباق و ABS ( ستاندرد )و قلبتوا الدنيا
و سوناتا 2010 ستاندرد واحد ايرباق و بدون ABS و انتم سكتم بكتم :confused1:
مافي احد له حس !!
--------------------------------------
و يرحم والدينكم اتركوا عبداللطيف جميل بحاله !!
كل ما صر شيء نشبتوا به !!
ما تدرون انه ميت !!
و غير كذا بس سيارات السعودية بـ 2 ايرباق عكس امريكا 6 !!
ما تشوفوا الامارات و قطر و الكويت و .. الخ
كلهم نفس المواصفات !!
وش دخل ابو جميل في السالفة ( غير جهلكم ) ؟؟
------------------------------------
للادارة الموقرة , اذا ما عجبك اسلوبي في الطرح و اسلوبي الاستفزاز لا تقفلوا الموضوع !!
لأنه اساس كل شيء العدل , و لو فيه عدل كان من الاولى اغلاق مثل هالمواضيع المثيرة للفتنة
و مالها هدف :
بعكس موضوعي الي هدفه الاول ايضاح بعض الامور و الثاني اعتقد واضح !!
مخرج :
يا ...... الي تدخلوا خشمكم بكل شيء , لو واحد حرق فلوسه وش ضاركم ؟؟
بيشتري تويوتا يا انك تبارك له او انك ....
:xyxwave:
