تويوتا , نقاش مع حقد المجتمع !!

ما ادري نسيت المازدا الياباني و الافضل من الاكورد 100 مره
و ارخص منه .. و المتفوق بكل المواصفات و الجودة و الاسعار ! ..

و ما كأن بتويوتا الا هالسيارات اللي انت ذكرت بالموضوع ؟! ..

مدري ممكن تفسر لي سبب سعر الاف جي المرتفع ؟
عطني مبررات للسعر هذا ؟ المواصفات اللي تستحق هالمبلغ ؟ ..

غير الاسعار المبالغ فيها بالهايلكس و الكامري و الجيب الشاص و الربع ..
كلها تملك اسعار ما تستحقها .. و فوق على كذا صناعة و جودة سيئة ..
ما غير يضحك على هالناس بمراكز الصيانة اللي تلمع و الكلام الفاضي ! ..

أجل صيانة سيارة ما تجلس اقل من ساعة ؟! ..
هذي تسميها صيانة .. و انا بنفسي اخذت صيانة سيارة صديق لي
افالون 2011 .. و كان يقولي ابيها قبل صلاة الظهر !؟
قلت الحين الساعة 11 ما يمدي ..
قال روح لهم بس .. رحت هناك و قالوا لي اقل من ساعة و هي خالصة ؟! ..
مع العلم ان مركز الصيانة كان فل ع الاخر .. مدري تغير الزيت فقط يعتبر صيانة ؟
لانه اللي اعرفه بمازدا السيارة تجلس مو اقل من ساعة و نص ..
لانه بعد ما تنتهي الفحص و التشيك .. يطلع الفني بالسيارة بنفسه
و يسوقها و يتأكد من الاصوات و بقية الاشياء بالسيارة هل تعمل او لا ؟! ..
هذي اسمها صيانة بمعنى الكلمة ..


..

و يا ليت بس تسوي مقارنة بين المازدا زوم الـ 4 سلندر فل كامل ..
و بين الكامري و الكامري الستة سلندر (اوريون) ..
من ناحية الجودة و بلد الصنع و المواصفات و الاسعار ..

و لا تنسى المازدا الترا .. اللي الفل منها بـ 99 الف ريال ..
و محركها 6 سلندر 3.7 .. اقوى من الافالون الـ 2011 ..
و يكفي فيها المكيف الخلفي المنعزل عن المكيف الامامي ..
هالصفة الوحيدة اللي تعتبر ميزة عليها الكلام ..
و غير متوفرة بأي سيارة ثانية من المنافسين ..
لا الافالون ( 127 الف ) و لا الماكس ( 127 الف ) و لا الاكورد ( 140 الف ) ..
كل اللي عندهم فتحت مكيف وراء تقفلها و تفتحها و تخب عليهم بعد ..
غير المحرك اللي يعتبر الاكبر بينهم .. مع العلم انها ما نزلت الا بسنة 2009 ..
و مع ذلك تعتبر اكبر محرك حتى الان بفئة الـ V6 .. و فارق الاحصنة فقط للماكس ..
و كل هذا بـ 99 الف ريال .. مستحيل لو اي وكيل من الثلاثه اعلاه توفرت عنده سيارة
بهالموصفات بيبيعها بأقل من 100 الف ! ..

..

بأنتظار موضوعك القادم :)